Thorangtlang Wildlife Sanctuary chhung Dampui 'S' khua Sawrkarin a thiah tawh (defunct) a la awm lui mekte chhungkaw 12 te chu Wildlife Sanctuary chhung ah Dan in a phal loh - Lo vah; Lo hal, Thingkih, Hruizik kheh, Nungchate chenna tih chereu, Phalna nei lova chen, etc an tih thin avangin, Deputy Conservator of Forests (wildlife) Aizawl chuan CrPC u/s 190(l)(a) in a phal ang leh Wildlife (Protection) Act 1972 U/s 55 in a phal angin, he Dan section 27, 29, 30, 32 an bawhchhiatna avangin Ni 16.4.2018 khan Chief Judicial Magistrate Lunglei hnen ah complaint a thehlut a, chu complaint thehluh ang chuan Chief Judicial Magistrate Lunglei chuan Warrant of arrest lehkha No. Crl.CompIt No. 3/18/CJM(L) /2018 /181 & 182 Ni 16.4.2018 khan pe chhuak in O/C Bunghmun P/S chuan Ni 24.4.2018 khan heng chhungkaw hotu mi 10 te chu man in District Jail Sazaikawn Lunglei ah dah an ni. Thilsual ti a puh zing a mi pakhat chu a lo zinbo lai niin, pakhat chu a lo boral/thi tawh.

Hemi chungchang ah hian, tuna Jail a tang mekte hi EF&CC Department in huatna a nei hran lova, Wildlife (Protection) Act 1972 U/s 27, 29, 30, 32 an bawhchhiat avangin an chung ah Dan ang a hma la turin thuneitute hnen ah thlen an ni. Tin, EF&CC Department hian Politic party ang zawng in tuma tan bik emaw duhsak bik an nei ngai lo, Kan ram tan theihtawp in a thawk thin zawk a ni.

Tin, Thorangtlang Wildlife Sanctuary hi Mizoram a Wildlife Sanctuary tha berte zing a mi niin, area pawh 230 Sqkm a zau a ni a. He Wildlife Sanctuary hi Sakei leh Ramsa vang tawh tak hmuh zen zen tawh loh te awm na a ni.