Pu John Rotluangliana MLA, Deputy Speaker ni bawk chuan ni thum thangin a bial chhung khaw hrang hrang, Khawhnai, Teirei Forest, Damparengpui, Tuipuibari, Rajiv Nagar, Khantlang, Andermanik, Tuirum leh Dapchhuah te tlawhin khawtinah khawtlang hruaitu ten an lo dawngsawng tha hle a ni.

Amah lo hmuaktute hma-ah Sawrkarin mipuite hmasawnna tura kawng hrang hranga hma a lak dante sawiin miretheiten leirem an rah ve theihna tur sawiin sawrkain NLUP a buatsaih hi a hlawhtlinna chu mipuite ah a in nghat a ni tiin NLUP hi ka ta ka bultanna tur a ni tih hria a hmala turin mipuite a chah a, NLUP hi Congress Party tan bik a ni lo tih sawiin a dawng tlak leh dawng awmte chuan an dawn vek tur thu a sawi bawk a ni.

Deputy Speaker chuan Bru te chu khua leh tui tha tak ni tura chahin Andermanik khawthara chengte pawh an in benbelna tura sawrkarin ruahmanna a siamah lungawi taka awm tur in a chah a, tanpuina an dawn te pawh dik tak leh in benbel nana hmang ngei turin a chah bawk a ni. Pu John Rotluangliana Deputy Speaker hian a bial chhung khaw hrang hrang a tlawhte hnenah khawtlang hmasawnna hnathawh nan a MLA Fund atangin sum ngengemawzat a hlan theuh a ni.

Deputy Speaker hi a nupui, Pi Vanlalhruaii, Pu Rodney L. Ralte, IAS DC, Mamit leh Mamit-a Heads of Offices engngemaw zatin an tawiawm a ni.