Dated Koalsib the 4th September 2025: Vawiin tlai khan ruihhlo hman leh  tawlhruk do na beihpui thlakna leh ILP khauh zawka kalpui tumna - OPERATION AGAINST TRAFFICKING AND USE OF DRUGS & NARCOTICS & SPECIAL DRIVE ON ILP chu DC Conference Hall, Kolasib ah  Deputy Speaker leh Bialtu MLA ni bawk Pu Lalfamkima'n a hawng.

He hun hi Kolasib DC Pu Robert C Lalhmangaiha chuan kaihruaiin September ni 1 atanga December ni 31 ,  2025 thleng Ruihhlo do kawngah chak zawka beihpui thlak na operation kalpui tum a ni, a ti a. Tun hnaia Mizorama ILP mumal neilo leh an awm chin tur aia rei cham te dap chhuah tumna beihpui thlakna tura special drive kalpui a ni, a ti bawk.

He beihpui thlakna hawngtu Deputy speaker, Pu Lalfamkima chuan ruihhlo chu kan ram min run mektu a ni, a ti a. Thalai te suattu leh khawtlang ti ralmuang lo tu chu tihtak zeta kan do angai a ni a ti. Vawiina Operation pawimawh tak an hawn tak chu a tih puitlin nan  Sorkar ringawt a tawk dawn lova ni a ti a, a tu a te pawh operation a tel turin a sawm nghal a ni. Pu Lalfamkima chuan Damdawi zuar leh tawlh an hriatte chu report thin tura chah in, chu chu in hekna anilo a  ram siam that nan tha an thawh ve na pawimawh tak a ni tih an hriat a tul a ni, a ti . Kolasib District chu Ruihhlo Do na kawnga hma la ṭha ber an nih theihna turin thawhpui ah a sawm bawk. 

ILP chungchang pawh sawilangin, ILP checkgate hel leh permit nei loa chambangte chu an dap chhuak dawn a ni, a ti a. Heng zawng zawng tih puitlinna atan hian an tanrual tlan angai a ni, a ti.

He hun hmanna ah hian Kolasib a sawrkar office hrang hrang aiawhte leh Kolasib Joint VC Chairman leh MJA Kolasib te an tel a ni.