525/2025-2026

Dated Kolasib the 9th May 2025: Tukin khan Mizoram Legislative Assembly Deputy Speaker, Pu Lalfamkima chuan Kolasib khawpui, Diakkawn area-a National Highway kawngpui; ruah sur laia tui leh bawlhhlawh tlin khawm thinna te a en a, a siam that dan tur Kolasib DC, SP leh NHIDCL aiawh a lokal te leh PWD te a sawipui a ni.

Deputy Speaker chuan fur laia Diakkawn a tuihawk leh bawlhhlawh tling khawm thin chuan nunphung a ti khaihlak in khawpui ti lang fai lo tu pakhat anih avangin a ngaihmawh hle thu a sawi a. Heng tui leh blawhhlawh tling khawm thinna te hi ruahmmanna felfai zawk a hun rei zawk daih tura siam that theih dan tur an ngaihtuah nghal chu a pawimawh takzet a ni, a ti.

Tukina Deputy Speaker leh Bialtu MLA nibawk in kawngpui a en hi Pu Robert C Lalhmangaiha, Kolasib DC, Pu David H Lalthangliana Sr SP Kolasib, PWD EE leh NHIDCL aiawhten an tawiawm a. He hunah hian culvert siam that dan tur te, PQC angai dawn em tihte leh tui chhia paihchhuah dan tur te an sawiho a. Highway area anih avangin NHIDCL chu a tul anga hma la tura ngen leh  hriattir an ni bawk.