Pu John Rotlungliana Deputy Speaker, Bialtu MLA ni bawk chuan Ni 16th March 2013 (Inrinni) khan District Level a NLUP a titha Pu Lalthlanhlira, District Level 2-na dawngtu hnenah chawimawina pangpar a hlan.

Hemi ni puala inkhawm Rawpuichhip khua-a neih a thusawiin Bialtu MLA chuan Poliics a kal dik chuan mipuiin hlawkna an tel thin a ni tiin tuna Sawrkar Flagship Programme Mirethei tapchhak zawl thlengphak, NLUP hi tih tak zeta beitu chuan a hlawhtlinna an hmu chho mek zel a ni a ti. Deputy Speaker chuan Central Sawrkar pawhin tha a tiin chhungkaw 120000 tuam tura hmalak a nih alaiin chhungkaw 15000 tih belh lehniin chhungkaw 135000 tuam tum a ni a ti bawk.

Bialtu MLA chuan sawrkarin kut hnathawktute a ngaihpawimawh thu sawiin an pualin Kut hnathawktute Ni leh Hmunphiah kut hial hman a lo ni ta hi a ropui hle a ni a ti.

Bialtu MLA chuan sawrkarin hmasawnna hna a thawh mekna ah hian mipuite pawhin dik tak leh rinawm takin sawrkar kan tawimawm a tul tak zet a, chu chuan ram hmasawnnaah min hruai lut thei dawn a ni. tiin kalkhawm te a chah bawk.