Vawiin khan Mizoram Legislative Assembly Deputy Speaker Pu John Rotluangliana chuan Govt. JL High School-ah Rastriya Madhyamik Shiksha Abhiyan (RMSA) Building a hawng.

Pu John Rotluangliana chuan zirlaite chu nakin lawka ram hruaitu tur, kawng hrang hranga dinhmun pawimawh la chelhtur an nih hre renga an zirlaite taima taka zira, chhawrtlak thiamna pawchhuak ngei turin a chah a. ‘Pawisa kan hloh chuan engmah kan hloh lova, hriselna kan hloh chuan thil thenkhat kan hloh a, nungchang kan hloh chuan thil zawng zawng kan hloh a ni’tih thufing ang khan mi hawihhawm leh nungchangtha, Mizo nunzemawi theihnghilh lova chawinungtu ni turin zirlai kalkhawmte a fuih a ni.

Deputy Speaker-in a hawn tak RMSA building hi chhawng hnih niin chhawng chung leh hnuai a intiat a, a dung feet 45, a vang feet 15 a ni. Toilet 4, kawngkapui 4 leh tukverh 10 a nei bawk. A chhawng chung zawkah Computer Room leh Library a awm a, a hnuaiah Science Laboratory Room leh Art & Craft Room dah a ni. RMSA building sakna sum hi installment a dawn thin niin Rs. 21,11,893 an dawng tawh a ni.

Hawnna inkhawm hi an Headmistress Pi PC.Liankimi’n a kaihruai a, Pu C Ngurthantluanga’n Building sak dan tlangpui a report a ni.