Vawiin chawhma dar 10:00 khan Pu Lalrokhuma Pachuau, IPS, DGP Mizoram chuan SCRB Training Centre CID (Crime) Bawngkawn ah State Document on “Anti Human Trafficking Initiatives in Mizoram” tih lehkhabu State Nodal Officer on Anti Human Trafficking, CID (Crime) buatsaih a tlangzarh.
He lehkhabu ah hian Mizoram sorkar leh Police Department ten Human Trafficking dona kawngah hma an lak tawh nate tarlan a ni a. Kum 12 chhung (kum 2000-2011) Mizoram a Human Trafficking case 19 ziah luh a nih tawh thu te, Anti Human Trafficking Unit (AHTU) Aizawl District leh Lunglei District a din a nih tawh dan te he lehkhabu ah hian tarlan a ni a.
He lehkhabu Ministry of Home Affair, Govt. of India in India ram chhunga State tin te buatsaih tura a tih ang a buatsaih a ni a. State Nodal Office on Anti Human Trafficking, CID (Crime) hian February, 2012 leh March 2012 thla chhung hian District 8 (pariat) ah nihnih awh tur District Level Training of Trainers on Anti Human Trafficking nei turin hma chak tak in a la mek bawk a, Serchhip district ah he training hi ni 7 -8 February, 2012 khan neih zawh a ni tawh.
He hun ah hian Mizoram Police Gazetted Officers engemaw zat tel in, Training on “CCTNS - IT Basics Course for Mizoram Police Gazetted Officers’ te tan a buatsaih, karkhat awh tur chu Chief Guest Pu Lalrokhuma Pachuau, IPS, DGP Mizoram chuan a hawng nghal bawk a ni.
