Vawiin khan District Institute of Education & Training (DIET) Aizawl Rising Day a nih angin he institution-a trainees ten Durtlang Presbyterian Hospital-a a mamawh apiangte hman turin thisen an pe a. Thisen petu zat chu mipa 25 leh hmeichhia 45 , an vaiin 70 an ni.

DIET Aizawl hi Primary school leh middle school zirtirtute train na hmun a ni a. He Istitution ah hian in-service trainees 20 leh pre-service trainees 184 an awm mek a. Pre-Service course zir turin HSSLC chin chunglam lak an ni a. An course hi kum hnih chhung hian subject 26 lai an zir a, hetah hian Elementary school zirlaite zirtirna atana pawimawh tak tak an zir bakah CCE atana pawimawh tak tak Art Education, Health & Physical Education, Pre-School Education leh Action Research te an zir tel bawk. Zirtirtu hna lak kawngah pawh Education lama an hotute leh sorkar thuneituten an duhsak ngei an ringin an beisei a ni. Kumin atang ngeiin Book Grant-ah Rs. 2000 per annum an lak ve theih nan sorkar hian chak takin hma laksak ve se an duh takzet a ni.