Vawiin khan Kolasib DC Conference Hall-ah Digital India Week pualin hun hman a ni a. He hunah hian Kolasib DC Pu Jitender Yadav chuan Kolasib DC Office-a e-District Centre leh State Portal(State Service Delivery Gateway) chu Kolasib mipui ten tangkai taka an hman atan a hawng.

Pu Jitender Yadav chuan Department ten mipui ina an hriattur pawimawh ang te reng reng chu Department website a tam thei ang ber dah zel a tul thu sawiin hemi lamah hian tan kan lak theuh a ngai a ni, a ti a. Computer hmanga Sawrkar hnathawh leh mipui ina Sawrkar an dawrna ang chi hi a tam chho zel dawn a, Sawrkar hnathawkte pawh kan inpuahchah cho a, tangkai taka computer leh a kaihhnawih hmanga hna kan thawh thiam a ngai dawn a, mipui lakah kan mawhphurna ‘accountability’ pawh a sang chho zel dawn, a ti bawk.

Digital India Week puala hun hi Addl. DC Pu Lalfela Sailo chuan kaihruaiin kawng engkima computer leh a khaihhnawih te hmanna a tam telh telh dawn a, chungte chu mipui lamin an hriat a, an mahni awmhmun leh thuthmuna atangte a tangkai taka an hmanthiam a ngai dawn a ni, a ti.

e-District hnuaiah hian mipui ina Sawrkara an dil ang chi thil, Line Department 9 atanga ‘service’ 32 dah tura duanfel a ni a, heng atanga service 12 chu a takin hman mek niin adangte pawh hi a taka hman anih theih nan hma lak mek a ni. State Portal hnuaia hian Line Department 7 te tlunzawm niin an service engemaw zat dah a ni bawk.