No.457/2021-2022 


Aizawl, 9th May, 2021 : Vawiin khan Pu Lalbiakthanga Khiangte, (IPS) DIG (Nothern Range) hovin Aizawl SP Conference Hall-ah Mizorama Covid-19 darh chak zel venna kawnga Police hnathawh dan ennawnna (Review Meeting) neih a ni a. DIG (NR) hi Pu C.Lalruaia, Sr. SP, Aizawl chuan tawiawmin, Aizawl khawpui chhunga Covid-19 dona a police duty-te viltu Addl, SP 2,  Zonal Police Officer 4, SDPO 2 leh Aizawl khawpui chhunga Police Station OC te an tel bawk.

Vawiina Security Review meeting-ah hian kar kalta chhunga Aizawl khawpui chhunga Covid duty Police-te viltu Zonal Officers, SDPO te leh OC ten report an pe a. Pu Lalbiakthanga Khiangte chuan police duty te chu dan anga dik tak leh huaisen taka kal turin leh phalna nei te chu an phalna uluk taka enchianga, phalna nei lo te chungah dan anga hma la turin Police officer kalkhawmte a chah a. Mizoram, a bikin Aizawl khawpuiah COVID-19 hri kai thar nitina pung tam reng mai tirem turin Police-ten mawhphurhna leh pawimawhna sang tak an nei tih sawiin, theihtawpa tang turin Police officer kalkhawmte a chah a. Sorkarin COVID-19 darh zel tur ven nana Total Lockdown Guideline Dt. 10.5.2021 atanga hman tan tura a chhuah te, The Mizoram (Prevention and Containment of the spread of Covid-19) Act 2020 leh Aizawl bawrhsapin curfew order a chhuahte chu a nihna ang taka kengkawh turin Police officer kalkhawm te a chah a. COVID-19 darh zel tur venna atana sorkar dan siam leh thu chhuahte hi he hripui darh tur venna atana pawimawh a nih vangin a kengkawhtu Police-te pawhin dik taka an kenkawh chu mipuite himna tur leh hripui darh zau zel tur venna atana pawimawh tak a ni tih sawiin fimkhur taka duty turin Police te a chah a ni.

He meetingah hian Pu C.Lalruaia, SP Aizawl chuan police officer kalkhawmte chu COVID-19 darh zel tur venna tura sorkarin inkaihhruaina a chhuah thar ber (Total lockdown guideline) zirchianna a neihpui bakah dan kenkawh dan tur sawihona a neihpui a a ni.

Attachment

  • Loading attachment...