2093/2024-2025

Khawzawl, dated 17th September, 2024: Dinthar leh Chawngtlai Village Council By-election September ni 24, 2024 a neih tur chungchangah Khawzawl Deputy Commissioner leh District Election Officer ni bawk, Pu K. Vanlalthiana chuan hetiang hian thuchhuah a siam:

"General Administration Department, Govt. of Mizoram chuan Notification No.H.11014/9/2017-GAD/205 dt.11.09.2024 hmangin Khawzawl District chhunga Khawzawl Dinthar leh Chawngtlaia Village Council By-Election neih tur denchhenin, heng Village Council huam chhungah hian inthlan ni September 24, 2024 chu Public Holiday-ah a puang. Hei hian heng Village Council huam chhunga cheng leh vote nei; sawrkar hnathawk zawng zawng, Central/State Public Undertaking a thawk zawng zawng, Bank-a hnathawk zawng zawng, zirna ina thawk leh zirlai vote nei zawng zawng a huam vek ani.

He ruahmanna hi By Election-a vote a tlak that theih nan a ni a, vote nei zawng zawngte chu vote thlak vek turin kan in ngenin kan inhriattir bawk a ni."