No.3100/2021-2022
Aizawl, the 23rd November 2021 : Vawiin khan Department of Information and Public Relations (DIPR) Director Pi Lallianpuii chuan a pisaah DIPR leh Mizoram Art Development Society (MADS) buatsaih Online Art Workshop a hawng. November ni 26 thleng awh tur he online workshop ah hian Mizoram puma MADS member ten mahni awm hmuna an lem ker (sculpting) leh lem ziak te chu online in an thehlut dawn a, artist 74 an tel dawn a ni.

Director Pi Lallianpuii chuan hripui leng karah online kaltlanga a tum hnihna atana Art Workshop buatsaih a ni leh thei ta chu lawmawm a ti a. He Workshop hian hripui leng avanga an inkhung chhunga an rilru muthlu leh thuthluang rei tawh kai tho se la, art lama an talent neihsa tipung tur leh rahbi thar an kaina tura hmanraw tangkai ni thei se a duh thu a sawi. Art hi mihring nunah a bet tlat a, nun tinuamtu leh tifamkimtu a ni a, art hlutzia hi sawifiah leh sawi zawh sen chi a ni lo, Pi Lallianpuii chuan a ti a. Mizoram mai ni lo khawvelin hun harsat tak a paltlang mek laia Mizoram artist te tana hun tha a inher chhuak leh thei chu lawmawm a tih thu sawiin artist zawng zawngte duhsakna a hlan a ni.

Online Art Workshop hawnna programme tawi hi Pi K.Vanlalsangi, Deputy Director, DIPR chuan a kaihruai a. MADS President Pu Laltanpuia pawhin thu tawi sawiin Sawrkarin artist te hmasawnna a ngaihtuah pui reng avangin lawmthu a sawi a ni.