# SAWRKARIN LOCKDOWN CHHUNGA SA LEH RAN CHAW KHAIHLAK LO TURA HMA LA TURA A RUAT “TASK GROUP ON ANIMAL HUSBANDRY & VETERINARY SERVICES AND FISHERIES” HMALAKNA THLIRHO A NI

No.80/2019-2020

Sorkar flagship programme SEDP hnuaia Animal Husbandry &Veterinary, Fishery & Sericulture Board chu an chairman AH & Vety Minister Dr. K Beichhua hovin vawiin khan a pisaah an thukhawm a. March ni 31, 2020 a Mizoram sawrkarin “Task Group on Animal Husbandry & Veterinary Services and Fisheries” a din hmalakna an thlirho.

A.H. & Veterinary Department Secretary Pu C. Lalpeksanga Chairman na hnuaia din “Task Group on Animal Husbandry & Veterinary Services and Fisheries” hi Covid-19 Lockdown chhunga Mizoram mipuiin sa, artui, bawnghnute, ran chaw leh Veterinary service te khaihlak lova an hmuh theihna tura din niin he Task group hi April ni 1, 2020 khan thukhawm nghalin a hnuaia mi ang hian ruahmanna hrang hrang siamin chak takin hma an la nghal a ni.

1. Task Group tanpui tur hian member pasarih awmna “Directorate Level Task Force” chu A.H. & Veterinary Department Director Dr. Hmarkunga chairman-na hnuaiah din a ni.

2. Department Helpline / Helpdesk no. O389-2333847/9436151944 siam nghal a ni a, A.H&Vety Department-a official pasarih in uluk takin an vil reng a ni.

3. All Mizoram Poultry Farmers' Association leh Local Task Force te nen tang hovin Poultry (Arsa) Meat Supply Chain mumal tak siam a ni a. AMPFA te hian an member te hnen atanga ar la khawm in a puah a, an ar puahsa hi A.H. & Vety Department Task Force te'n lakhawm veleh in Local Task Force te mamawh ang zela sem chhuah a ni. Supply Chain a khaihlak loh nan ZPDS Hatchery leh Angels Hatchery, Lengpuite pawh hatching ti chhunzawm tura hriattir an ni.

4. Beef Supply Chain ruahman a ni a, Mizorama bawngsa supply hi Myanmar lam atang veka lo kal a nih rualin tun dinhmunah bawng lo lut tur Indo-Myanmar ramri-ah dan a nih avangin bawngsa supply hi a chatlak mai thei dawna a lan avangin Cross Border Cattle Trader te nen thawhho dan tur ruahmanna siam a ni a. COVID-19 hi bawng leh ran dangin an put darh loh avangin Home Department te nen bawng lo luh theih dan tur a rang thei ang bera sawiho tum a ni.

5. Vawksa (Pork) Supply Chain pawh ruahman fel tawh a ni a, ran talh phalna (butcher license) nei te tan AH & Vety Department hnuaia ran talhna (slaughter house) te chu Bawng leh Vawk talh nan hawn a ni a, Local Task Force te mamawh dan ang zelin anni hian Bawng leh Vawk an talh thei ang.

6. Sangha (Fish) Supply Chain pawh ruahman niin tun dinhmunah sangha hralhchhuah tur Mizoram-ah a awm loh avangin Fisheries Department-in State dang leh Mizoram chhung atanga supply thei tur a zawng mek a, supplier a hmuh hunah a phurhna (transport) lamah harsatna a awm a nih chuan AH&Vety Department lirtheiin an phurh sak dawn a ni.

7. Ran chaw (Animal Feed) Supply Chain ruahman a ni a, hemi atan hian whatsapp group siamin ran chaw zuartu (animal feed dealer) te nen thawhho dan tur ruahmanna fel tak siam a ni a. Local Task Force te'n an veng chhunga ran chaw mamawh dan report siamin helpline-ah an thlen a. AH & Vety department motor hmanga sem chhuah thin a ni. Ran chaw zuartute’n nitin stock position report an thehlut a, a phurh lama harsatna an neih pawhin Task Group-in a buaipui zel dawn a ni.

8. COVID-19 containment guideline bawhchhe lo turin Digital Veterinary Service Delivery System Mobile Application NEIDA nen tangkawpa duan mek a ni a, reiloteah hman theiha chhawpchhuah beisei a ni.

9. Emergency case khawih thei turin Veterinary Hospital leh Dispensaries te hawn a ni. Emergency case atana hman theih turin Veterinary Ambulance hi Aizawl, Kolasib leh Champhai-ah engtiklai pawh a koh theih turin an inring reng a ni.

10. Ran natna leh hrileng chungchanga harsatna nei te tan Emergency Helpline no. 0389-2333647/8787515351/8974206212/9612588949 siam a ni a, AH&Vety department Deputy Director Dr. F. Laltanpuia hovin mithiam rualin an vil reng a ni.

11. Bawng leh Vawk Artificial Insemination Service (ran kahrai) hi a pangngaia kal thei tura ruahmanna siam a ni a. Covid-19 lockdown chhung leh a hnu lama supply a khaihlak loh nan Poultry Integrator te chu Ar note leh ar chaw chah chhunzawm tura hriattir an ni a, a phurh lama harsatna an tawk a nih chuan Task Group-in a tanpui ang a. Feed Manufacturer leh Poultry Hatchery te pawh supply chhunzawm tura hriattir an ni. Vairengte Check Gate-ah harsatna an neih lohna turin Vairengte Veterinary Officer chu a tul anga hma la tura hriattir a ni tawh bawk.

 Vawiin thlirhona ah hian AH&Vety department leh Fisheries department official te an tel a ni.

# LONEITUTE TAN AGRICULTURE DEPARTMENT IN HELPLINE A SIAM

Vawiin chhun dar 1 khan Agriculture Department in a buatsaih “FARMERS’ HELPLINE” chu Pu Rohmingthanga Colney, Director Agriculture Department (Crop Husbandry)-in a pisa-ah a hawng.

Pu Rohmingthanga Colney chuan he Hepline hi Agriculture Minister Pu C.Lalrinsanga rawtna anga COVID-19 avanga Lock Down leh Curfew chhunga Loneituten harsatna an neih thlenna tura siam anih thu a sawi.

He Farmers’ Hepline ah hian Loneituten an harsatna an thlenna tur Telephone 2 (pahnih) dah a ni a, chungte chu:

1. 0389- 2311160

2. 0389- 2328564

Naktuk Ni 4th April, 2020 atangin Lock down chhung zawngin, nitin chawhma dar 10 atanga chawhnu dar 2 chhungin hawn ani anga, Pathianni leh Good Friday ni erawh chuan chawlh a ni ang.

Agriculture Director chuan hun khirh tak kan tawh chhunga Loneitute mamawh- Thlai chi, Thlai damdawi, leitihthatna leh thildang te a khaihlak loh nan an harsatna tawh chu hotu sang lamah thlen niin a theih ang angin ruahmanna siam mek a ni.

District tina thuneitute leh Local Task Force Committee zawng zawng te pawh hrileng laka fimkhur tak chunga Loneitute hmakhua tur thlir a, thlaichi thlak leh loneih hna a khaihlak lohna tura feh chhuah phalsak tura ngen an nih thu a sawi bawk.

# COVID-19 VANG A NATIONAL LOCKDOWN LAIA EXCISE & NARCOTICS DEPARTMENT HMALAKNA

No.77/2019-2020

Khawvel pumah Coronavirus (COVID-19) vanga invenna atan India ram Prime Minister-in 22nd March, 2020-ah Janta Curfew a puan leh 25th March, 2020 atanga ni 21 chhung National Lockdown a puan atanga Mizoram Excise & Narcotics Department-in hma a lak dan chu hetiang hi a ni:

1.         Janta Curfew tuk, 23rd March 2020 khan Department senior te chu Commissioner of Excise & Narcotics Chamber-ah emergent meeting neiin COVID-19 vanga mipui nun a khaihlak laia Zu leh ruihhlo dona kawnga ruahmanna thar leh mumal zawka hmalak dan tur ngaihtuah a ni. Meeting-ah hian Curfew leh Lockdown laia Rangvamual leh a chhehvela zu in tur zawng an pun thu leh drugs addict an tarn thu report awmte thlirhovin ngaihtuah a ni a. Aizawl District huam chhunga Excise & Narcotics Staff awm a tam thei ang ber detail-in duty roster siam a ni a. Mizoram mipuite an him zawkna tur a nih beiseiin heng hmun hrang hrangah te hian duty a ni a, mipui vantlang hriat turin COVID-19 hlauhawm zia leh chumi darh tur venna atana inkharkhip a tulzia leh dan kalha zu leh ruihhlo chelekte chu dan anga hrem an nih tur thu tlangauva hriattir an ni.

2.         23rd March 2020 khan Commissioner of Excise & Narcotics hovin Excise & Narcotics Department officer te leh Rangvamual leh Phunchawng Local level Task Force te chuan thawhho dan an relin an inkawm a. Hemi huna an rel ang chuan 23rd leh 24th March khan a huhovin an duty a. Hemi atang chuan zu beiseia heng lai hmun tlawha kal tihtham an awm ta lo.

3.         Lockdown chhung hian Mizoram Excise & Narcotics Department chuan Station hrang hrangah an duty a. He Lockdown hi Mizo mipuiin an zawm that avangin pawna chhuak leh dan bawhchhia hmuh tur an awm rneuh io. Hmun hrang hranga Local Level Task Force duty-ten zu leh ruihhlo leh a kaihhnawih an man te chu lak an ni a, thubuaia ziahluh niin court-ah thawn zel an ni.

Lockdown neih mek chhung (22nd March to 2nd April, 2020)-a Excise & Narcotics Department-in zu leh ruihhlo leh a kaihhnawiha thil a man dan a ni:

4.              Kolasib District Court thuneituten 26th March 2020 khan Excise & Narcotics Department case-a tang mi 26 (mipa 22 leh hmeichhia 4) te chu COVID-19 laka invenna atan District Jail atangin Personal Release Bond-in an chhuah.

5.              Mizoram Excise & Narcotics Officers Association (MENOA) chuan COVID-19 beihnaa sawrkar hmalakna tanpuina atan 30th March, 2020 khan Chief Minister's Relief Fund-ah Rs. 50,000/- a hian. 

# COVID-19 VANGA LOCKDOWN CHHUNGIN UD&PA DEPARTMENT-IN DAY-NULM KALTLANG IN MIDANGTE TANPUI NAN HMA LA

COVID-19 hripui vanga Mizoram inkharkhip (lockdown) a nih chhunga Local/Village Level Task Force ten a tul ang a khua/veng a chhuanchhamte an puihna kawngah an tangkaipui beiseiin DAY-NULM, UD&PA Department hnuai a Self Help Group leh Area Level Federation sawmthum pakhat (31 SHG/ALF) chuan an pawisa khawl khawm sa atangin Rs 48,800/-  (Cheng Singli sangriat zariat) lai anmahni awmna theuh LTTF/VLTF te hnenah an pechhuak tawh a ni

Hei bakah hian DAY-NULM kaltlanga Shelter Home te tanpuina pek thin pawh chhunzawm zel niin. Shelter Home hrang hrang ten COVID-19 lockdown chhunga ei leh bar lama harsatna an tawh loh nan leh he hri hlauhawm laka in venna tur atana mamawh chi hrang hrangte hnianghnar zawk a an lo neih theih nan Aizawl, Champhai, Serchhip, Lunglei leh Kolasib a Shelter Home hrang hrang 20 ah heng a hnuai ami ang hian tanpuina Rs 43,32,000/- (Nuai sawmli pathum singthum leh sanghnih) semchhuah a ni:

# MIZORAMA POL LEH LPG DINHMUN (3.4.2020)

Vawiin thlenga report hmuh theih ah IOC Depot, Vairengte atanga POL pekchhuah zat leh Borkhola Assam atanga LPG lo lut, Vairengte a report zat chu a hnuai ami ang hian a ni:

POL 2.4.2020 chhunga  IOC Depot, Vairengte atanga  Oil pekchhuah 

LPG REPORT 2.4.20 6:30 AM to 3.4.20. 6:30 AM chhunga Borkhola Assam atanga LPG lo lut Vairengte a report te:-

# GOVERNOR IN PRESIDENT HNENAH COVID-19 DONA ATANA MIZORAM MAMAWH A THLEN

Vawiin khan Pu Ram Nath Kovind, President of India chuan Video Conference kaltlangin State leh Union Territory a Governor leh Lt Governor zawng zawng te COVID-19 dona kawnga an hmalak mek chungchang a sawi pui a. Central Sawrkarin State leh UT te hnenah hmalakna tur pawimawh zual a hriattir bawk a ni. Pu M.Venkaiah Naidu, Vice President of India chuan Video Conferencing hi a kaihruai a. He hunah hian Mizoram Governor P.S. Sreedharan Pillai pawhin Mizoram hmalakna te sawiin Mizoramin mamawh zinga pawimawh zual te a thlen nghal bawk a ni.

President Ram Nath Kovind chuan COVID-19 dona kawngah tha thlah a thiang lova nasa zawka tan lak chhunzawm a tul thu a sawi a. Tun hnai Delhi Nizamuddin venga sakhaw pakhat puipunna avanga hrileng darh thut chu thil pawi tak a ni a. Hrileng darh zel tur dona kawngah sakhaw hrang hrang betute mawhphurhna san zia a ti lang chiang hle a ni a ti. President chuan Governor leh Lt Governor te chu an sate chhunga thil thleng leh hmalakna te uluk taka vil leh hre chhiang tura chahin sakhaw hruaitute leh NGO hruaitute pawh mipui zirtirna kawngah an mawhphurhna te hrilhhriat turin a chah bawk a ni. Vice President M Venkaiah Naidu pawhin thu hmahruai neiin Governor leh Lt Governor te chu video Conferencing hmasa lama a lo chah tawh te chak taka bawhzui chhunzawm turin a chah a. State chhunga Lockdown avanga harsatna lo thleng a awm pawhin state thuneitute hmalakpui vat turin a chah a. Nitina mipui mamawh ang chi te chatlak lova pekchhuah a nih theihna tur leh loneitute’n harsatna an nei a nih pawha tanpui dan kawng dapsak vat turin a hriattir bawk a ni.

Video Conferecing of Governors and Lt Governors-ah hian State leh UT Lt Governor te chu thusawina hun minute 6 theuh pek an ni a. He hunah hian Mizoram Governor P.S. Sreedharan Pillai chuan Mizoram chu he natna hrileng mek COVID-19 dona kawngah a harh hmasa pawl a nih thu a sawi a. Prime Minister Narendra Modi in Janata Curfew a puan hma karhnih vel atangin chak taka hmalak tan a ni a. Lockdown kalpui a nih hnuah pawh hmun dang angin sawrkar ruahmanna kalh zawnga hma la tumah an awm lova. Lockdown pawh duh khawp lovin fimkhur ngaizual bik district-ah te chuan Curfew puan a ni chhunzawm tih a sawi a. Lockdown leh curfew hi mipuiin a thlawp tha hle a; Kohhran lam pawhin sawrkar hmalaknate an thlawp pum hlum a, Biakinah inkhawm te ti tawpin puipunna programme zawng zawng pawh a ti tawp nghal vek a ni a ti. Nitin mamawh thil semchhuah kawngah tun thlengin hmalakna ah khaihlak a awm lova; Local Level Task Force ten hma lain mipui mamawh an pe chhuak thin tih a sawi a. COVID-19 hrileng a darh zel loh nan mi 2000 chuang chu thuawih takin in lamah an in Home Quarantine a. Hetih lai hian India ram pawna zin chhuak mi pakhatin COVID-19 a vei tih hmuhchhuah a ni a. Tunah hian that akin enkawl mek a ni a ti. Governor chuan, “Mizoram awmna hmun a kilkhawr deuh vangin harsatna thenkhat a awm ve a. Chung zingah mamawh langsar zual deuh chu COVID-19 Testing Laboratory, Medical Equipments, PPE leh Mask te a ni a. He harsatna min sutkian pui turin Central Sawrkar ka ngen nghal bawk a ni”, a ti.

# NITIN MAMAWH (ESSENTIAL COMMODITIES) MIZORAMA LO LUT TE (3.4.2020) 

Mipuite nitin mamawh (Essential Commodities) phur, April ni 1, 2020 tlai dar 5 atanga April ni 2, 2020 tlai dar 5 thlenga Vairengte Supply Check-gate a in report te -

DT. 1.3.2020.5:00 PM - 2.3.2020. 5:00 PM INKARA VAIRENGTE SUPPLY CHECK GATE PALTLANG TE BUNGRUA

                    COVID-19  REPORT : H&FW DEPARTMENT (Dt3.4.20205:00 Pm)

4.       Cumulative no. of passengers Screened at entry points         :          62577

5.       No. of Foreign passengers who have completed 

          full ObservationPeriod (28 days)                                          :         46

6.       Cumulative no. of samples for testing                                   :         58

7.       No.of Result received                                                          :         50

8.       Results awaited                                                                   :         8

9.       No. of test Results received today                                        :         4 (All are Negative)

          *   March ni 16 a GoAir Flight No. G8-298 Guwahati - Aizawla chuangte quarantine hun chhung pawhsei sak an ni kha ngaihthatlohna tur emaw hlauhthawn tur a awm lova. Fimkhur thu hlaa pawtsei an nih thu  Health Department  chuan an sawi.

Status of State Surveillance of COVID-19(Time: 2.4.2020 12Noon – 3.4.2020 12:00 Noon) 

                    1         Endik tawh zawng zawng zat                                                                          308  62577 

                    5          Sample endik atanga positive zat                                                                       0           1 

# INFORMATION & COMMUNICATION TECHNOLOGY MINISTER IN mCOVID-19 MOBILE APPLICATION TLANGZARH

ICT Minister Pu Robert Romawia Royte chuan COVID-19 chungchanga hriattur hrang hrang dah khawmna mCOVID-19 mobile application chu vawiin tlai khan a pisa-ah a tlangzarh. Minister chuan ICT Department a engineer ten an sawrkar sum senglo anmahni thiamna leh thahnemngaihna zara an siam ‘mCOVID-19 mobile application’ chu State Level Task Force, Department of Health & Family Welfare leh Department of Disaster, Management & Rehabilitation te bakah mipui ten tangkai taka an hman atan a hlan a ni.

mCOVID-19 mobile application feature hrang hrang te:

1. Mizoram, India leh khawvel te dinhmun thar ber a pe ang.

2. Quarantine, Health Department in a chhinchhiah te tan.

3. COVID-19 chungchang tanpuina nei tan.

4. Task Force te inziahluhna hmun, inzawmna tha zawk neih nan.

5. COVID-19 chungchanga a thu thar leh rintlak dahna.

6. COVID-19 chungchanga hriatna ti zau tura video rintlak dahna.

7. Tlem lua awm lo, CM Relief Fund-a pekna hmun.

8. COVID-19 chungchanga thurawn pekna hmun.

9. Tlawmngai taka COVID-19 do nana mahni a inpe te hming, thiamna, veng, khua etc ziah luhna hmun.

mCOVID-19 application hmang tur hian phone browser mcovid19.mizoram.gov.in ah luh tur a ni. Application a in download zawhah Install tih hmeh leh tur a ni a, a install zawhah Open tih hmeh leh tur a ni. Application a lo in hawn hunah chuan kut in a chung atanga thai thlakin a chhung thu alo lang ang.