DIPR’S UPDATE ON COVID-19 FOR MIZORAM, DT. 1.4.2020  TIME: 9:30 PM 

# CM RELIEF FUND A VAWIIN A SUM LUTTE

COVID hripui leng mek dona kawng a tul apianga hman atan Chief Minister Refief Fund ah vawiin khan a hnuai a mi te hnen atang hian sum hmuh a ni:

1) Pu Albert Thanglianchhunga Sihphir Venghlun - Rs. 3000

2) Mizo National Women Front Sihphir Venghlun - Rs. 10000

3) Sihphir Venghlun MNF Unit - Rs. 20000

4) Pu Cosie Rorelkima, Sihphir - Rs. 2000

5) Zemabawk 'N' MNF Unit-II - Rs. 2000

6) Mizo Conference of 7th Day Adventist - Rs. 100000

7) Mizoram Supply Accounts Service Assoc. - Rs. 50000

8) Zomi Baptist Church, Mizoram - Rs. 50000

9) Zoram Drivers Union - Rs. 30000

10) Mizoram State Co-Op Service Association - Rs. 50000

11) Dinthar Veng MNF Unit -II - Rs. 10000

12) Mizoram Engineering Service Association - Rs. 1000000

13) United Pentecostal Church, Mizoram - Rs. 200000

14) Mizoram Legislators - Rs. 2126000

15) Mizoram Agriculture Service Association - Rs. 100000

16) Mizoram Art & Culture Employees Union - Rs. 130000

17) Suresh Mundra, Zarkawt - Rs. 100000

18) Mizo National Youth Front - Rs. 50000

19) Fisheries Dept. Officers & Staff Association - Rs. 100000

20) Mizoram Judicial Service Association - Rs. 200502 (anni hian ni khat hlawh theuh an thawhkhawm a ni)

21) SSP (W) & Staff, MPRO, Aizawl,Mizoram - Rs. 150000

22) CMRF donated to Health Minister Mizoram - Rs. 24,43,777. Health Minister hnena Covid-19 do tura mimal , kohhran leh pawl hrang hrang atanga sum lut tawh zawng zawng chu vawiin khan CM Office chuan a lo dawng a ni. 

#COVID-19 TASK GROUP ON TRANSPORT AN THUKHAWM 

Vawiin khan Transport Commissioner Pu KT Beicho hovin COVID-19 Task Group on Transport chu a pisaah an thukhawm a. COVID-19 kaihhnawiha Transport Department hmalak dan tur an sawiho.

He Task Group hian mawhphurhna hrang hrang a neihte chu- mihring, damlo, ruang leh COVID-19 kaihhnawihah lirtheiha phurh ngai reng reng phur thei tura lirthei ruahman te; khualzin phur motor leh bungraw phur motor te chu mipui nitin mamawh essential commodity emaw, State sawrkarin khuahkhirh tur a tihin a huam tel loh thawktute lirtheia phurh an ngaih thula phur thei mai tur an awm em tih endik a, tul thut a awma che chhuak thei tura ruahmanna siam te a ni.

District tina DC te chu an district huamchhungah sawrkar motor, mimal motor, morgue van leh ambulance an neih dan report kimchang thehlut tura hriattir ni se tiin meeting-ah hian rel a ni a. Transport kaihhnawiha biak pawh zung zung theih tur Nodal Officer ruat theuh tur leh heng an mi ruatte biak pawh theihna tur phone number leh hming chu Task Group ah kar khat chhunga thehlut vek tura hriattir ni se, an ti.

DC ten an district huamchhungah essential commodity phurtu motor-te an tlan theih nan ruahmanna an siam ang a. Nodal Officer ruatte hian khaihlak awm miah lohva heng lirtheite an veivah zung zung theihnan a tul ang ruahmanna kimchang takin an siam ang.  Driver leh conductor tan zin kawnga ei leh in tur leh riahna tur te, motor a chhiat palha siamna tur workshop-te an dap sak bawk ang.

Guwahati, Shillong leh Silchar-a Mizoram House Deputy Resident Commisioner te chuan an bial theuhah essential commodity phurtu lirtheite chetvelnaah harsatna an tawk em tih an thlithlai ang a, puih an tulna apiangah an tanpui ang.

COVID-19 Task Group on Transport chairman leh member-te hi mipuiin biak pawh an mamawh huna an biak pawh zung zung theih nan an hming, nihna leh phone number hetiang hian tarlan a ni:-

Chairman: Pu KT Beicho, Commissioner & Secretary, Transport Department. Phone number -7896305215

Member Secretary: Pu R.Lalrammawia, Director, Transport. Phone No. 9436141582

Member te: Pi HM Hualsangi, Secretary, SAD.Phone No. 9436140355; Pu Neihchungnunga, DIG (CID). Phone no. 9436144349

# COVID 19 DONA ATAN TASK FORCE ON TRANSPORT-AH MEMBER RUATBELH

Sawrkar Department hrang hrang ten COVID-19 dona kawngah huamzau taka hma an lak thei nan leh COVID-14 hripui leng in harsatna hrang hrang a siam te kil tin atanga sutkian a ni thei nan nimin khan Chief Secretary Pu Lalnunmawia Chuaungo, State Executive Committee Chairperson ni bawk chuan Task Force 5 din hriattirna a lo chhuah tawh a. Heng task force zinga Task Force on Transport hnuaiah member dang pakhat Pu Neihchungnunga, DIG(CID) chu ruat belh a ni.

Member ruatbelh a nih hma hian Task Force on Transport ah hian Commissioner & Secretary Transport Department Pu K.T. Beichho, chu Chairman niin Pu Lalrammawia, Director, Transport Department chu Member Secretary a ni a; Member atan Pi HM Hualsangi, Secretary, SAD ruat an lo ni tawh a ni.

# CURRENT STATUS OF COVID-19 IN MIZORAM (31.3.2020 12:00 Noon – 1.4.2020 12:00 Noon)

# KOLASIB DISTRICT REPORT AS ON 01.04.2020 @5:00Pm       

Total Vehicles Passed      =          143     

Total Passengers Screened        =          285     

Total Home Quarantine    =          17        

Total Quarantine At Facilitation Centre             =        2          

Total Suspected Case Referred To Isolation =          0

# COVID 19 HEALTH & FAMILY WELFARE DEPARTMENT REPORT

COVID-19 REPORT : Health & Family Welfare Department (Dt 1.4.2020 5:00 Pm)

World : No. of cases – 873,540 

No.of deaths - 43,294  

Recovered – 184,937

India : No. of cases - 1637; No. of deaths - 38 ; Recovered - 133

Mizoram : No. of cases – 1 ; No. of deaths - 0 ; Recovered - 0

Cumulative no. of passengers Screen at entry points : 61923

No. of Foreign passengers who have completed full Observation Period (28 days): 34

No. of quarantined persons in Government Facility : 127

    Submitted by : State Surveillance Unit, IDSP , DHS: Health & Family Welfare Department

# CABINET SECRETARY IN STATE CHIEF SECRETARY LEH DGP TE VIDEO CONFERENCING IN THU PAWIMAWH SAWIPUI

Vawiin khan Pu Rajiv Gauba, Cabinet Secretary chuan State tina Chief Secretary leh DGP te thu pawimawh Video Conferencing kaltlangin a sawipui.

He inkawmnaah hian state zawng zawngte chu tunhnaia Tablighi Jamat inhmuhkhawmna tel te COVID-19 a darh loh na turin uluk taka chhui chhuak vek tura hriattir an ni. Tun hnaiah Tablighi Jamat a tel turin rampawn lam miten VISA kalphung bawhchhiain India-ah an rawn lut tih hriat a ni a. Heng dan bawhchhetute chungah hian a tul anga hma la turin State thuneitute chu hriattir an ni bawk a ni.

State zawng zawngte Prime Minister's Garib Kalyan Yojana hnuaiah beneficiaries te pawisa pe tura tih an ni a. Hei hi Social Distancing dah pawimawh chunga ruahmanna fel tak hnuaia tih tur a ni.

Lockdown chungchang pawh sawi a ni a. State tinah Lockdown hi tha taka kalpui a ni tih hriat a ni a. Hetih lai hian state tin te chu an state chhungah bungraw phurh dan mumal tak leh chatlak lova kalpui tura hriattir an ni.

Nitin mamawh dehchhuah kawnga hmalakna te a thuanawp loh nan ruahmanna nei turin state thuneitute chu hriattir an ni a. Heng nitin mamawh te semchhuah hna hi supply chain mumal tak nen kalpui theuh turin hriattir an ni bawk a ni.

# MAMIT DISTRICT HUAM CHHUNGA VLTF-TE HRIATTIRNA 

Deputy Commissioner, Mamit-in Village Task Force tinte inkaihhruaina tur hriattirna a lo chhuah tawh vide No. B. 13020/5/2020-DC(M)/DMR-COVID-19 dated 27th March, 2020 leh Chief Secretary lehkha No.CS/MIZ/DC/2020 dated 31st March, 2020 bawhzui nan a hnuai a mi ang hian khawtina Village Task Force-te zawm turin Dr. Lalrozama, IAS, District Magistrate, Mamit chuan vawiin Dt. 1st April, 2020 hian hriattirna a chhuah a ni. 

1. Mahni Veng/Khua chhunga huan lo ram neia ei zawnga thawk chhuakte dan loh tur a ni a. Amaherawhchu, feh kal turte chu State ramri pelin an kal tur a ni lo.

2. Mahni Veng/Khua Motor kawngpuiin a paltlang ho a veng/khua bila lo inkharkhip a, khawchhunga midang emaw lirthei eng chi mah luh lo khap tur a ni lo. Sawrkarin a phalsak mihring leh lirthei kal tur te, bungraw pawimawh phur motor te lo tihkhawtlai emaw harsatna lo siam tur a ni lo. Hei hian Sawrkar thupek anga khar tur a tih hmunte erawh a huam tel lo ang.

# NITIN MAMAWH (ESSENTIAL COMMODITIES) CHAK LEHZUALA PHURH ZUNG ZUNG DAN TUR NGAIHTUAH 

Supply Minister Pu K. Lalrinliana ruahmanna in vawiin khan nitin mamawh, a bik takin buhfai Mizorama phurh zung zung a nih theih dan tur ngaihtuah a ni a. He meeting hi Pu H.L Rochungnunga, IAS, Commissioner & Secretary, FCS&CA Department chuan a kaihruai a ni. 

He meeting-ah hian Food Corporation of India (FCI), Mizoram Truck Owners’ Association (MTOA), Mizoram Truck Drivers' Association (MTDA) leh Carrying contractors ten buhfai phurh chungchanga an harsatna tawh te ngaihthlak a nih hnu ah a hnuai ami ang hian ruahmanna an siam a ni.

1. Bairabi Rail Station-a buhfai Wagon 21 (sawmhnih pakhat) awm mek leh Wagon 29 (sawmhnih pakua) lo thleng thar unload chungchang chu a phurtu Truck tam thei ang berin an dawh theih tur a hawn ni se tur a ni a. FCI in tunlai boruak avangin chhawr tur mi leh sa an nei tlem a, unload lai a buhfai bothlau tur lo veng a, vil tur security force dah turin Mizoram sawrkar ngen a ni ang.

2. Tun dinhmunah chuan MTOA leh MTDA member ni lo pawh buhfai phurh phalsak an ni a. Tipper neitute pawh buhfai phur tur hian ngen an ni. Truck khalh tute leh a neitute hian POL leh sum lak chhuah chungchanga an veivahna ah Local Task Force leh Police lam atangin harsatna an tawh loh nan local news channel-ten Essential Commodities kaihhnawih a duty an nih avanga ngaihhnathiam an nih thu uar lehzual a puang turin ngen an ni bawk.

3. Buhfai lo thleng leh zel tur inhnawhkhawm tur ven nan tuna Bairabi Rail Station-a buhfai Wagon 29 (sawmhnih pakua) awm mek hi FCI Food Storage Depot Rengtekawn leh Bualpui ah dah vek tur a ni.

4. Pradhan Mantri Garib Kalyan Anna Yojana (PMGKAY) hnuai a AAY leh PHH-te tan thla thum chhung mipakhat tan buhfai Kg. 5 a thlawna sem tur a FCI leh Supply Department inbuatsaihna a tha tawk a, harsatna awmlo tur a ngaih a ni.

# EIZAWN NANA HMANG LO/HUAN NEITUTE CHAUH FEH PHALSAK AN NI

Aizawl DC-in hriattirna No.J.13013/7/2016-DC(A) Dt.31st March 2020 a tihchhuah tawh angin, Aizawl District chhunga ram hna thawk feh tur reng reng dan tur a ni lo tih chu mi thenkhat ten remchanna lain mahni Farm House, Picnic Spot leh Huan, eizawn nana hman ni siloah kal tumin khawlai chhuak an awm nual tih hriat a ni a. Chuvangin, lo nei, eizawn nana hmang tak tak, kuthnathawka nitin Lo/Huana feh chuak thinte chauh phalsak an ni. Amaherawhchu, a huhova kal emaw, hlawhfa tamtak ruaia a ruala feh chhuah te, a huhova awm khawm chu tih loh tawp tur a ni

# BAWRHSAPIN MULCO BAWNGHNUTE HRALHTUTE LEH LEITUTE TAN RUAHMANNA SIAM

Aizawl Municipal Corporation (AMC) area, Aizawl District chhunga pawn chhuah khapna thupek District Magistrate, Aizawl District Order Memo No. J. 13013/7/2016-DC(A) Dt. 25-03-2020 a tihchhuah vanga MULCO hnuaia bawnghnute sem leh leitute tana remchan zawk nan hetiang hian ruahman a ni:

Aizawl khawpui chhung veng hrang hranga MULCO bawnghnute Seller MULCO in ID Card an siamte (hming thil tel ang hian) chu bawnghnute lo thleng an buaipui zawh hun chhung atan nitin a chunga Order ken kawh hun chhung zing dar 6 atanga dar 8 pawn chhuah phalsak an ni e.

Veng tina Local Level Task Force te chu a tul anga lo enpui tura ngen an ni e.

# CM RELIEF FUND HMAN DAN TUR NGAIHTUAH TURIN COMMITTEE DIN

Novel Coronavirus hrileng avanga mi harsa chhawmdawl ngaite puihna turin leh he hrileng dona pui tura mi thahnemngaite hnen atanga CM Relief fund a sum tlingkhawm chu hman dan tur ngaihtuah turin vawiin khan Committee on Utilization of Chief Minister's Relief Fund for Covid-19 din a ni.

He Committee ah hian Chief Secretary Pu Lalnunmawia Chuaungo chuan Chairman niin, vawiin khan CS Conference Hall ah an thukhawm nghal a. Felfai taka tangkai leh huapzo taka CM Relief Fund hman dan tur an sawiho a ni.

He Committee a Member Secretary chu Commissioner & Secretary, Finance Department a ni a. Member te chu: Chairman, NGO Coordination Committee leh Mizoram Kohhran Hruaitute Committee aiawhte an ni.

# PHED DEPARTMENT-IN VLTF TE HNENAH TANPUINA PAWISA HLAN

No.17/2020-2021

Vawiin khan PHE Department Mamit- te chuan Mamit khawpui chhung Novel Coronavirus (COVID - 19) laka kan him theihnana duty, Village Level Task Force-te hnenah tanpuina pawisa fai an hlan.

Tanpuina pawisa fai hi Pi Laltharzeli, Ambassador, National Awardee Swachh Bharat Mission leh Pu V. Laldanmawia SDO, PHED Mamit te chuan vengtinah kalin an hlan a, PHE Department-te hian hri hlauhawm laka Mamit khawpui kan him theihnana chhun zana duty te chu an thawhrimna-ah fakin tanpuina hlan theia an awm chu an lawmzia an sawi.

Mamit khawpui chhunga Village Level Task Force-te pawhin tanpuina petu, Pu Lalzawmliana, EE leh, PHE Department-te chungah lawmthu sawiin, tanpuina pawisa fai chu vengchhunga harsatna tawkte tan tangkai taka hman a nih dawn thu an sawi.

Vawiin-a tanpuina pawisa fai hi vengtina Village Level Task Force parukah Rs 2400/- ( sanghnih zali) theuh hlan an ni.

# KHAWSAK HARSATE HNENAH BUHFAI A THLAWNIN SAWRKARIN A SEM DAWN

No.16/2020-2021

Mizoram Chief Minister-in a lo sawi tawh angin AAY leh Priority Household card (ration card eng leh pawl) neihote bakah Ration card var (APL) nei zinga khawsak harsate hnenah April thla ration buhfai a thlawnin sawrkarin a sem dawn. APL ration card nei zinga khawsak harsate zawn chhuah hi Village/Local Level Task Force te mawhphurhnaah dah a ni ang.