No.3254/2019-2020 

1.COVID-19 CHUNGCHANGA MIZORAM DINHMUN (22.3.2020 12:00 Noon-23.3.2020 12:00 Noon)

 2. Mipuite nitin mamawh (Essential Commodities) phur, March ni 23, 2020 tlaidar 6:00

     thlenga Vairengte Supply Check-gate a in report te –

3. TIAMCHIN AWM LOVIN LENGPUI AIRPORT KHAR A NI 

India ram state 23 lai maiah COVID-19 vei hmuhchhuah a nih tawh bakah a vei hmuhchhuah zat hi nitin a san belh zel a. World Health Organisation pawhin pandemic ah puangin sawrkar laipuia Ministry of Home Affairs pawhin notified disaster ah a puang tawh bawk a ni.

Hetiang a nih takah hian State Executive Committee (SEC), Mizoram State Disaster Management Authority (MSDMA) chuan Mizoram sawrkar rawn chung zelin Mizorama COVID-19 a lo luh loh nan thutlukna harsa ti tak chunga a siam a tul ta a ni.

He thutlukna tihhlawhtlinna tur hian Section 22(2)(h) of the Disaster Management Act, 2005 leh Regulation 11 of The Mizoram Epidemic Diseases (COVID-19) Regulations, 2020  in thuneihna a pek tlawhchhanin State Executive Committee, MSDMA chuan March ni 23, 2020 (Thawhtanni) zan dar 11:59 atangin tiam chin awm lovin Lengpui Airport khar a nih thu thutlukna a siam a ni.

4. AIZAWL DISTRICT MAGISTRATE IN HOSTEL KHAR KHAP

Tunlai hri leng COVID-19 laka mipuite kan himna tura General Administration Department, Government of Mizoramin March ni 22, 2020 a Office Memorandum a tihchhuah bawhzuiin leh Regulation No. 11 (I) of the "The Mizoram Epidemic Diseases (COVID-19) Regulations, 2020" in thuneihna a pek tlawhchhanin Aizawl District Magistrate Pu Vanlalngaihsaka chuan Aizawl District chhunga hostel neitu leh enkawltute chu an hosteller ten harsatna an tawh loh nan an hostelte khar lo turin thupek a chhuah a, he thupek hi chhuah a nih hun March ni 23, 2020 atang hian hman nghal tur a ni.

5. SIAHA TOWN CHHUNG VENG HRANG HRANGAH VILLAGE LEVEL TASK FORCE COMMITTEE TEN ULUK TAKIN AN DUTY TAN TA

Tukin atang khan Siaha Town Chhung veng hrang hranga Village Level Task Force Committee te chuan an veng chhungah theuh an duty tan ta.
Task Force committee te hian danin a phal piahlam mihring leh lirthei; lut leh chhuak a awm em? ti te, essential commodities zuar dawrkai hawn phalsak leh a dawrtu tur te phalna lo issue sak te, dawrkai ten an bungrua an chheprel em? thil man an ti to thut em? Home quarantine mek te an tawmim tha em? tih te leh Home quarantine tur in self- quarantine lo an awm em? ti te LLTFC hian a buaipui a ni.
 Vawiin Lockdown duty ṭan ni a la ni bawk a, mipui a te mamawh lei leh lakkhawm chungchangah ruahmanna a la felfai tawklo ni in a hriat. Ei-in leh damdawi lei tura VLTFC hnena phalna dil an thahnem hle a, veng thenkhata VLTFC ten Dawr hawn hun bituk siama dawr an hawntirin, thil lei tur mipui inhawrkhawm pawh hmuh tur an awm nual bawk.Naktuk aṭang chuan khawlai chhuak hi a tlem hle tawh beisei a ni.

6. CORE COMMITTEE ON SETTING UP OF COVID-19 TESTING LABORATORY IN MIZORAM

Mizoram a COVID-19 test theihna tur laboratory din tura hmalakna kal zelah vawiin khan Core Committee on Setting up of COVID-19 Testing Laboratory in Mizoram chu din a ni.

He Committee chairman, secretary leh member te chu:

Chairman: Secretary, Health & Family Welfare

Member Secretary: Dr. Gracy Laldinmawii, Microbiologist, ZMC

Members: 

(a) Prof. Lalnunmawia, MLA

(b) Dr. K. Pachhunga, MLA

(c) Dr. Vanlalthlana, MLA

(d) Principal Director, Health & Family Welfare Department

(e) Director, Zoram Medical College

(f) Mission Director, NHM

(g) Prof. T.K. Dutta, HOD, Dept. of Vety Micorobiology, CV&AH, CAU, Selesih

(h) Dr. Vanramliana, Asst. Professor, Dept. of Zoology, PUC

(i) Dr. Lalrempuii, Microbiologist, CHA

(j) Pi Christine Sailo, Microbiologist, MZU