DIPR’S UPDATE ON COVID-19 FOR MIZORAM, DT. 2.4.2020 

 TIME: 04:00 PM

# AIZAWL DISTRICT - DAILY  REPORT ON STATUS AT QUARANTINE FACILITY AS ON 2/04/2020

#AIZAWL DISTRICT - DAILY  REPORT ON STATUS AT QUARANTINE FACILITY AS ON 2/04/2020

#SPEAKER PU LALRINLIANA SAILO CHUAN A BIAL CHHUNG KHUA P.H.C LEH TASK FORCE TE HNEN-AH PPE, N94 MASK, DISINFECTANT LEH HAND SANITIZER A SEM

No.49/2020-2021

Vawiin hian Chalfilh Bialtu MLA, Speaker Pu Lalrinliana Sailo chuan a bial chhung khua a P.H.C awmna Suangpuilawn, Phullen, Phuaibuang leh Khawruhlian P.H.C te tan medical equipment PPE, N95 Mask, Disinfectant leh Hand Sanitizer bakah bial chhung khawtin Task Force te tan a tul ang a hman turin Hand Wash leh mamawh tul dangte a sem.

Bial chhung mamawh hi Khawruhlian P.H.C-ah Doctor Pi Zonunsangi Khiangte leh VCP Pu Ramzauva ten an lo dawngsawng a. Speaker Pu Lalrinliana Sailo chuan COVID-19 hri leng avanga Lock Down hian engchen nge a awh dawn hriat a nih loh avangin heng mamawh tur equipment hrang hrang te a tul-ah leh pawimawh ah chauh renchem tak a hmang turin a chah a.

Speaker chuan a bial chhung mipui te chu harsatna kawng hrang hrang awm thulhah pawh an tam a awm reng a, chiai lo tur leh rilru fim tak nen a ngaihtuahna leh hun hmang turin a chah bawk a ni.

# KHAWZAWLAH COVID-19 DONA TUR HMANRUATE SEMCHHUAH A NI

No.44/2019-2020

Nimin April Ni 1, 2020 khan Khawzawl DC Office Complex-ah Covid-19 hrileng laka invenna leh enkawl ngaite enkawlna tur hmanraw lo thlengte semchhuahna hun hman a ni. Deputy Chief Minister leh 22-Tuichnag A/C bialtu MLA Pu Tawnluia hmalaknaa hmanraw lo thleng tharte hi Khawzawl District leh 22-Tuichang A/C chhunga Damdawi In leh Village Level Task Force-te hnenah sem chhuah a ni.

He hun District Bawrhsap leh Chairman, District Level Task Force nibawk Pu H.Lianzela kaihhruaiah hian Addl DC Pu Paul L.Khuma hnen atangin District Level Task Force hmalakna hrang hrangte ngaihthlak a ni a. Pu Paul L.Khuma chuan Khawzawl District-ah Quarantine Facilities 11 a awm thu leh heng zinga 4 te chu Khawzawl khawpui chhunga awm anih thu a sawi a.

He hunah hian Khawzawl Damdawi In-a Medical Officer Dr. Lalngaihawmi Chhangte chuan Khawzawl district chhungah Home Quarantine 187 an awm mek thu leh sample pahnih thawnte an negative thu a sawi a. Khawzawl Damdawiinah Covid-19 awm palh pawha enkawlna tur bik Isolation Ward khum 10 awmna peihfel anih tawh thu a sawi bawk.

Pi K.Ramdingliani, President, Sub-Hqtrs MHIP Khawzawl-in Sub Divisional Agriculture Office Khawzawl aiawhin Chairman, District Level Task Force hnenah tanpuina Rs 5,000/- a hlan hnuah lawmthu sawiin hun a khar a ni.

He hunah hian DLTF member-te, VLTF Chairman theuhte, Medical Officer-te leh khawtlang hruaitute an tel a ni. DLTF, Medical Officer - Khawzawl Hospital, Sialhawk PHC, Rabung PHC, Biate PHC, Kawlkulh PHC leh Khawzawl District-a Village Level Task Force-te hnenah Covid-19 dona atana hman tur Mask, Glove, Shoe Cover, Hand Sanitizer, Bleaching Powder leh pawisa fai sem a ni a. Heng bakah hian Sialhawk PHC Isolation Ward thawmthatna tur Rs 15,000/- leh Deputy Chief Minister hmalakna kaltlanga buhfai semna tur pawisa fai hlanna neih nghal a ni bawk.

Hun hman zawh hnu hian District Level Task Force (DLTF) chu thukhawm zui nghalin, Khawzawl khawchhunga Dawr awmte khar zui zel nise an ti a. Village Level Task Force te’n chhung tin ei leh bar  mamawh  zawtchhuakin  mamawh an neihte Dawr hrang hrang atangin an lakhawm anga, intinah an sem tawh ang  tih a ni a. Khawzawl khawpui pawna khaw tin VLTF te chuan an mamawh angte DC Office-a  an thlen hnuah DLTF leh Dawrkai te’n ruahmanna lo siampui  thin nise ti a rel a ni a. Dawrkai lian te’n  nitin   mamawh ang chi bungrua an  neih dan kimchang Daily Stock Position DC Office-ah  hriattir thin se  tih a ni bawk. DLTF chuan mitinte chu sawrkar leh khawtlang hruaitute thu zawm a, Covid-19 natna hneh ngei theihna tura theihtawp chhuah tura chahin,  tul tawp khawk lovah chuan tumah pawn chhuak lo tur leh zinchhuak rih lo  turin a ngen nghal  a ni.

#LAWNGTLAIAH DISTRICT LEVEL TASK FORCE ON COVID-19 THU KHAWM

No.48/2020-2021

Vawiin khan Lawngtlai District Level Task Force on COVID-19 chu an Chairman Pi Shashanka Ala, IAS hovin DC Conference Hall-ah an thu khawm a. Inkharkhip kalpui tawh dan thlir letin, hma lak zui zel dan tur an sawi ho.

Bawrhsap chuan COVID-19 ral beihna kawnga theih tawp chhuaha hma latu medical, police leh essential service petu department hrang hrang te, tlawmngaia thahnem ngai taka thawktu Central YLA leh khua/veng tina task force te chungah lawm thu a sawi a. District himna atan theih tawp chhuah chhunzawm turin a chah hlawm.

He thut khawmah hian Lawngtlai khawpui chhung veng hrang hranga task force ai awhte pawh telin, mipui ni tin mamawh pek chungchangah harsatna a la awm loh thu tar lan a ni a. District chhung mipuite'n an mamawh rualkhai taka an chan theih nan uluk leh zuala vil ni se, tih a ni.

Hriattirna chhuah tawh angin, mipui ni tin mamawh phurtu lirtheite chu an tawpna tur hmun an thlen hma chu lo tihdin loh tur a nih thu leh, hei hi mipui mamawh phurtute harsatna tawh thin tihkianna tur a nih bakah, tul lova mahni dinhmun tihderthawn lohna tur a nih thu inhrilh nawn a ni a. Veng chhunga duty-te chu mi lo tiding a, tul lova harsatna siamtu ni lovin, a mamawhte puitu tur an ni a, chuti ang tak chuan hma la tura beisei an ni a, hmun khatah mi pahnih aia tam awm lo turin ngen an ni. Feh tur reng reng lo dan loh tur a nih thu leh, silai leh thang kenga ram vah leh lui kal erawh phal a nih loh thu sawi nawn a ni a. Tun boruakah mi in luahtu, in luah man pe thei lo an awm paw'n inhnawh chhuah loh tur a nih thu sawi lan a ni bawk.

 Inkharkhip chu a ngai anga la kalpui zui zel tur a ni a, duty-te leh mipuite inthlahdah mai lo turin DLTF chuan a ngen a. Facility leh home quarantine te'n fimkhur taka lo chhunzawm tur te, mipui pawh pawn chhuak lo tur te, kut sil fai ngai pawimawh zel tur leh chi-ai lo turin a ngen bawk.

# MIPUI TI CHI-AI THEI THU BELHCHIAN DAWL LO A DARH LOH NAN STATE LEH UT-TE HMA LA TURIN MHA-IN A NGEN

No.45/2020-2021

COVID-19 avanga mipuiin harsatna an tawh chungchanga au hla(writ petition) ngaihtuah tura Supreme Court thukhawmin state danga hnathawk migrant labour te ti ralkhela, thu belhchian dawllo darh vel vanga a huhoa an haw darh ta chiam mai chu thil pawi tak a ni tiin Court sang ber chuan he thil avang hian mipuiten an tuar nasa hle tih a sawi.

Supreme Court thu bawhzuiin, Pu Ajay Kumar Bhalla, Secretary, Ministry of Home Affairs chuan thu belhchian dawl lo a darh loh nan hma la turin State leh UT-te ziakin a hriattir a. Mipuiin thudik leh diklo an thliar thiam theih nan Sawrkar Laipui-in web-portal an siam tur thu MHA hian a sawi a, State leh UT te pawh hetiang bawka hma la turin a ngen a ni.

Court sang ber chuan state danga atanga inhlawhfa migrant labour te ei leh in, damdawi, chenna lailawk leh mamawh dangte an neih theih nan NDMA/MHA thuchhuah leh kaihhruaina anga hma la turin a hriattir a. COVID-19 hripui darh zel tur ven nan Central Sawrkar kaihhruaina/thurawn/thupek te khauh taka kalpui turin State te leh UT te chu MHA in a hriattir bawk a ni.

# COVID-19 COMMITTEE ON PSYCHOLOGICAL & SOCIAL GUIDANCE DIN A NI

No.43/2019-2020
 

Ni 1.4.2020 khan COVID-19 Committee on Psychological & Social Guidance din a ni a. A hnuaia mite hian hmalak dan tur ruahmanna an siam ang-

Convener: Prof. Zokaitluangi, Head, Department of Psychology, MZU

Co-convener:  Pu Lallungmuana, HOD, Deptt. Of Sociology, PUC

Members:      

Dr. Rinpari Ralte,  HOD, Deptt. of Psychology, PUC

Dr. Zothanzami, Deptt. of  Psychology, Govt. Hrangbana College

Pi Lalsangpuii, HOD, Deptt. of  Sociology, Govt. Aizawl College.

Pu C.Ll1dinsanga, HOD, Deptt. of  Sociology, Govt. T. Romana College.

Pi Lalrcmruati, Deptt.  of  Psychology, Govt. Aizawl West College.

Dr B.Lalzarliana,  Deptt .of  Sociology, MZU

Pi Lalhmingmawii, Deptt. of Clinical Psychology, MZU

Upa Zonunmawia, Mission Veng, Aizawl.

Pu Johny Lalthafamkima, Secretary, MZU Psychology Alumni Association.

# DM&R IN A MAMAWHTUTE BIAK PAWH THEIHIN STATE CONTROL ROOM VIL MEK

No.42/2019-2020
 

DM&R Department chuan COVID-19 kaihhnawiha information lakkhawm leh thawn chhuah zung zungna’n leh khawtlang/mimal-a harsatna tawk te’n an harsatna te phone, WhatsApp leh e-mail hmanga an thlen theihna’n State Control Room (SCR)-cum-State Emergency Operation Centre (SEOC) chu 24.03.2020 atang khan 24x7 in a vil tan ani. Tin, SCR hi Mizoram chhunga district zawng zawngte, Central sawrkara Ministry hrang hrangte leh State dangte biak pawhna’n leh report khawn khawma thawn chhuahna’n tangkai taka hman ani bawk. SCR hi ni khatah darkar 24 hawn ani a, a hnuaia tarlan telephone number leh e-mail ah te hian englai pawhin biak theih an ni:

Toll Free                 :         1070

Landline                  :         0389-2335837/0389-2335842

Mobile /WhatsApp    :         9366331931

E-mail                     :         mzdmr.covid@gmail.com

# STATE DISASTER RESPONSE FUND HMANNA TE

No.41/2019-2020

COVID-19  hrileng kaihhnawih a State Disaster Response Fund (SDRF)  hman a nih chhan, hmannate leh tun thlenga hman tawh zat te a hnuaia mi ang hian Mizoram sawrkar chuan a tarlang. 

Ministry of Home Affairs, Government of India chuan COVID-19 hripui leng mek laka kan invenna leh kan lo hmachhawnna kawnga State Disaster Response Fund (SDRF) hman anih theihna’n ‘notified disaster’ ah 14.03.2020 khan a puang tawh a. Chutih rualin, SDRF kan hman theih zat hi a rawn bituk bawk a ni. 

SDRF hi chhiatrupna kan tawh thulha chet lakna tur atan Central Sawrkar (Ministry of Home Affairs) in State Sorkar (Disaster Management & Rehabilitation Department) hnena sum a rawn pek thin a ni a. Tun dinhmunah hian SDRF hi Health & Family Welfare Department leh District Disaster Management Authority 11 (District sawm leh pakhat) te hnenah quarantine facility dinna’n leh quarantine a awm te chawmna’n te, COVID-19 hri veia rinhlelh te sample lakna leh test tura phai lama thawnna’n te, contact tracing tihna’n te, doctor (microbiologist) leh volunteer rawih belhte lawmman tur te, ramri leh airport-a screening lo tihna’n te, invenna hmanrua leh medical bungraw tul zual leina’n te, a phurhna tur thlawhna hire na’n te, thawktu te mamawh zualpui leh thil dang tula hman atan hetiang hian sum pek chhuah tawh ani:

# SENIOR AUDIT OFFICER THI A CHHAR COVID-19 TEST RESULT A NEGATIVE

No.40/2020-2021

 Madhurjya Bhuryan(36), Senior Audit Officer, AG Office a thawk, Mission Venga mi inluaha khawsa chu March 29 khan vanduaithlak takin a in luahah thia hmuh a ni a. Investigation tihkim nan COVID-19 test sample lak niin laboratory ah thawn a ni a. Vawiinah a result a negative tih hriat a ni.

# LENGTENG CONSTITUENCY-AH PPE LEH MEDICAL EQUIPMENT SEM DAWN

No.39/2020-2021

Health & Family Welfare Department-in Hospital hmanrua an pekchhuah leh Pu L.Thangmawia, Lengteng Costituency bialtu  MLA-in a leikhawmte chu Hospital, Local Task Force te, ramria Police duty te leh emergency-a Officer mawhphurtute hman atan  vawiin khan phurh chhoh a ni a. Hengte hi  MLA ruahmanna anga semchhuah a ni dawn a ni.

Ngopa area lam chan tur hi SDO(Civil) in Hliappui-ah lo dawng dawn a. Kawlkulh area lam hi Kawlkulh VLTF ten ten an lo hlang thla anga. Ramria duty police te hman tur chu SP, Saitual  kutah dah a nit hung dawn a ni. 

Ngopa CHC

Kawlkulh PHC

NE Khawdungsei PHC

Mimbung PHC

Local Task Force (20 villages)

Police/Force (Khawkawn,  Teikhang, Hrianghmun, Mimbung)

SBI, Ngopa

MRB Ngopa

MRB Hliappui

MRB, Kawlkulh

BDO, Ngopa

SDO (Civil), Ngopa

# ADDL. DISTRICT MAGISTRATE CHAMPHAIIN THUPEK CHHUAH

No.38/2020-2021

Additional District Magistrate, Champhai Pu Mark Lalthanliana chuan Ministry of Home Affairs (MHA) leh State Executive Committee, Government of Mizoram (GoM) te’n thuchhuah an siam ang leh Sec. 31 (1) Disaster Management Act-in thuneihna a pek angin hetiang hian thupek a chhuah:

1. Thil siamna (Industry) emaw, Dawr emaw, Sumdawnna emaw neitute’n an hnuaia hnathawk an rawihte thla bi hlawh pangngai a hun takah an pe tur a ni. Lockdown avanga an hnathawkte an chawl anih pawhin an hlawh tihkiam sak tur a ni lo.

2. Mi inluah kuthnathawka eizawng tangkhangte’n inluah man pek kawngah harsatna an nei anih chuan inluahna neitute’n thla khat chhung atan in luah man a dil lui tur a ni lo.

3. Inneitu in a in luah hawhtu Kuthnathawk emaw, Zirlai emaw an nih chuan inluah atanga chhuak turin a ti lui tur a ni lo.

Thupek tarlante bawhchhia an awm chuan Champhai District Magistrate hnenah thlen tur a ni a, thupek zawmlo a bawhchhetu chu U/s 188 of IPC hmanga hrem an ni ang.

# CHAMPHAI DISTRICT CHHUNGA LOCKDOWN KALPUI LAIA RILRU LAMA HARSATNA NEITE TANA BIAKPAWHNA TUR

No.37/2020-2021

Champhai District chhungah Covid-19 leng mek laka himna tura inkharkhipna (Lockdown) puan hnan mikhual tangkhang emaw, in lama inkharkhip mek (Home Quarantine) te  zingah rilru lama harsatna tawk an awm  palha inhriattirna tur emaw, chutiang mi hria an awm   pawha hriattirna  tur atan  Chief Medical Officer’s Office, District Hospital Champhai, Contact No-8974215520  siam  anih thu  Addl District Magistrate Pu Mark Lalthanliana chuan a chhuah.

# MIZORAMA POL LEH LPG DINHMUN (2.4.2020)

No.36/2020-2021

Vawiin thlenga report hmuh theih ah IOC Depot, Vairengte atanga POL pekchhuah zat leh Borkhola Assam atanga LPG lo lut, Vairengte a report zat chu a hnuai ami ang hian a ni:

POL 1.4.2020 chhunga  IOC Depot, Vairengte atanga  Oil pekchhuah

LPG REPORT 1.4.20 6:30 AM to 2.4.20. 6:30 AM chhunga Borkhola Assam atanga LPG lo lut Vairengte a report te

# NITIN MAMAWH (ESSENTIAL COMMODITIES) MIZORAMA LO LUT TE (2.4.2020)

No.35/2020-2021

Mipuite nitin mamawh (Essential Commodities) phur, March ni 31, 2020 tlai dar 5 atanga April ni 1 2020 tlai dar 6 thlenga Vairengte Supply Check-gate a in report te -

DT. 31.3.2020.5:00 PM - 1.4.2020. 5:00 PM INKARA VAIRENGTE SUPPLY CHECK GATE PALTLANG TE BUNGRUA

# TARIK NI 1/4/2020 THLENGA SIAHA DISTRICT ESSENTIAL COMMODITIES DINHMUN REPORT TAWI

No.34/2020-2021

1)1.4.2020 khan heng khua te hian an mamawh zualpui Siaha dawrkai atangin    an rawn la leh.VLTF leh Essential Commodities i/c ten an enpui a ni.

a) Noaotlah I&II---LPK

b) Chakhei ---- Pick Up 2

c) Amôbyu--- Car

d) PWD Labour, Chekhai - ----LPK

e) Tisi----- Car

f) Thiahra ---- Pick Up

2) Siaha khawpui chhung a eichawp dawr lianzual a stock position ( *as on 1.4.2020 10:30Pm*)

  a) Buhfai - 2307 bags

  b) Dal       -     62 bags

  c) Atta      -     78 bags

  d) Alu       -      20 bags

  e) Purunsen     6 bags

  f)  Artui    -      33 cases

  g) Chini    -   304 bags

3) 1st April 2020 Alu bag 200 chuang Task Force te hnen a pek chhuah chu an lakna rate ennawnpui leh niin a pek chhuahna rate aia Rs 2 per Kg a tihhniam tir a ni.A rate sang a lo la hman tawh Task Force te chu pawisa pe let tur tih a ni. 

# COVID19 DONA TURIN CM RELIEF A SUM PETU LIST

No.33/2020-2021

COVID-19 do na turin leh puih ngaite puihna tur sum CM Office in CM Relief Fund atana vawiin thlenga a hmuh tawh zat chu Rs. 1,42,45,704 a ni a. Heng mi thahnemngaite chungah hian sawrkar chuan lawmthu a sawi a ni.

CM Relief Fund atana sum petute chu:

A) Mimal petu:

1) Pu C. Lalrosanga, Member of Parliament (LS) – Rs. 15,00,000

2) Constable R.K. Hmingthansanga – Rs. 35,500 (a thla khat hlawh)

3) Nl. Zonunmawii, Chapchar Kut Miss – Rs. 10,000

4) Shri. Alok Jain – Rs. 2,00,000

5) Brig. B.S Gill – Rs. 1,00,000

6) Shri. Mamon Majumdar – Rs. 1,00,000

7) MJ Varte (Youtube Channel) – Rs. 20,000

8) Pu Albert Thanglianchhunga, Sihphir Venghlun – Rs. 3,000

9) Pu Cosie Rorelkima, Sihphir – Rs. 2,000

10) Pu Suresh Mundra, Zarkawt – Rs. 1,00,000

11) Pu C Lallawmzuala, Kanaan Veng, Hnahthial - Rs. 10,000

12) Pu K.Vanlalnunpuia, Driver (MR) , SAD - Rs. 15,800 (a thla khat hlawh)

B) Kohhran:

1) Mizoram Synod – Rs.  9,00,000

2) The Salvation Army (India Eastern Territory) - Rs. 1,00,000

3) United Pentecostal Church, NEI – Rs. 2,00,000

4) Diocese of Aizawl, Catholic Church – Rs. 1,00,000

5) Evangelical Free Church of India (EFCI) – Rs. 20,000

6) Kohhran Thianghlim, Mizoram – Rs. 8,00,000

7) The Salvation Church - Rs. 50,000

8) Assembly of God, Chaltlang – Rs. 50,000

9) BCM Zotlang Pastor Bial- Rs 20,000

10) Mizoram Baptist Kohhran, General Headquarters, Lunglei- Rs.3, 00, 000

11) Mizoram Baptist Kohhran Hmeichhe Pawl, Headquarters, Lunglei- Rs.50, 000

12) Mizo Conference of 7^th Day Adventist – Rs. 1,00,000

13) Zomi Baptist Church, Mizoram – Rs. 50,000

14) United Pentecostal Church, Mizoram – Rs. 2,00,000

C) Legislators:

1) Members of eighth Mizoram State Legislative Assembly – Rs. 21,26,000

2) Former Legislators' Association of Mizoram – Rs. 1,00,000

D) Sorkar hnathawk leh Association te:

1) Mizoram Finance & Account Service Association – Rs. 1,00,000

2) Mizoram Secretariat Service Association – Rs. 1,50,000

3) Mizoram Primary Teachers’ Association – Rs. 1,00,000

4) Vety. Diploma Holders Service Association – Rs. 10,000

5) P&E Revenue Div. Staff Welfare Association – Rs. 10,000

6) Excise & Narcotics Officers’ Association – Rs. 50,000

7) Secretaries and Commissioners – Rs. 1,39,875

8) Mizoram Civil Service Association – Rs. 6,30,650

9) Secretary, Home & DM&R – Rs. 10,000

10) Mizoram Taxation Dept. Staff Welfare – Rs. 1,00,000

11) Mizoram Home Guard & Civil Defence Staff Welfare – Rs. 2,00,000

12) Tourism Department – Rs. 1,70,000

13) Govt. Muma Middle School – Rs. 5400

14) MZU Group 'A' Welfare Committee – Rs. 1,50,000

15) Mizoram Bar Association – Rs. 1,00,000

16) Mizoram Agriculture Service Association Rs. 1,00,000

17) Mizoram Art & Culture Employees Union – Rs. 1,30,000

18) Fisheries Dept. Officers & Staff Association – Rs. 1,00,000

19) Mizoram Supply Accounts Service Assoc. – Rs. 50,000

20) Mizoram State Co-Op Service Association – Rs. 50,000

21) Mizoram Judicial Service Association – Rs. 2,00,502

22) SSP (W) & Staff, MPRO, Aizawl, Mizoram – Rs. 1,50,000

23) Zoram Drivers Union – Rs. 30,000

24) Mizoram Engineering Service Association – Rs. 10,00,000

25) Mizoram College Teachers’ Association (MCTA)- Rs. 1,50,000

26) Mizoram Cooperative Apex Bank, Employees Union- Rs.2, 00,000

27) Mizoram University Teachers Association- Rs.1, 00,000

28) Mizoram Govt. Pharmacists Association - Rs 30,000

29) Pachhunga University College Principal & Staff - Rs.6, 25,760

30) Mizoram Technical Education Service Association – Rs. 50,000.00

31) Mizoram Pharmacist Association, Aizawl – Rs. 50,000.00

32) Medicare Pharmacy, Aizawl – Rs. 20,000.00

33) Mizoram Health Multipurpose Service Assn, Gen. Hqrs., Aizawl – Rs. 50,000.00

D) Sports Association:

1) Cricket Association of Mizoram – Rs. 5,00,000

2) Serchhip District Table Tennis Association – Rs. 10,000

3) Mizoram Badminton Association – Rs. 1,00,000

E) Association/Pawl dangte:

1) Harley Owners Association, Mizoram – Rs. 50,000

2) Drug-Free Mizoram – Rs. 2,000

3) Ex-MNA Association Gen. Hqrs – Rs. 30,000

4) Ex-MNA Taitesena Battalion Welfare – Rs. 10,000

5) Sihphir Venghlun Mizo National Women Front – Rs. 10,000

6) Sihphir Venghlun MNF Unit – Rs. 20,000

7) Zemabawk 'N' MNF Unit-II – Rs. 2,000

8) Dinthar Veng MNF Unit -II – Rs. 10,000

9) Mizo National Youth Front – Rs. 50,000

F) Banks, Private Enterprises:

1) Mizoram Rural Bank- Rs.7, 22, 217

2) Netsurf Internet Services – Rs. 1,00,000

3) K.T Thanga and Sons – Rs. 2,00,000

4) TBC Car Rentals, Upper Khatla, Aizawl - Rs.50,000

Heng bakah hian hming tarlan loh mi engemawzah hnen atangin puihna hmuh a ni bawk.

* CM Relief Fund ah hian engtik lai pawhin tanpuina sum hi Online in Bank account ah a thawn theih a. Cheque emaw sumfai pawhin CM Office ah a pek theih bawk a ni. CM Relief Fund Bank Account chu:

Account Hming: Chief Minister’s Relief Fund

Account Number: 18141450000025

IFSC Code: HDFC0001814

Name of Bank: HDFC Bank

Bank Branch: Aizawl Branch