DIPR’S UPDATE ON COVID-19 FOR MIZORAM, DT. 2.4.2020, TIME: 9:30PM

#MAMIT DISTRICT CHHUNGA COVID-19 LENG MEK CHUNGCHANGA BIAKTHEIHNA PHONE NO A HNUAIA MI ANG HIAN SIAM A NI 

No.69/2020-2021

Novel Coronavirus ( Covid - 19) hrileng mek chungchangah, Mamit District chhung a mite tan, Helpline No. hetiang hian siam a ni.

 1. Pu Chinlianmanga, SDC, Officer - in- Charge, DEOC, DC Complex, Phone No. 7005273242, dcmamit@gmail.com, for administrative and logistics matter.

2. Lalrinchhana, District Organiser, Mamit DC, Complex, Ph. No. 9366665122 (M) 0389- 2565005/ 0389- 2565020

3. Lalthanngura Sailo, Consultant, Ph. No 9774033356, DC Complex

 4. District Hospital, Mamit, Ph.No 9612467068, dmsofficemamit@gmail.com for medical emergencies and issues.

#KOLASIB DISTRICT ZONAL EXECUTIVE MAGISTRATE LEH ESSENTIAL COMMODITIES TEAM TEN HMALAKNA HRANG HRANG THLIRLET 

No.68/2020-2021

Vawiin chawhnu khan DC Conference Hall, Kolasibah Covid 19 hri lak a inven nana Kolasib district chhunga Zonal Executive Magistrate te leh Essential Commodities Team te hmalakna hrang hrang thlirletna hun neih a ni a, Dr H Lalthlangliana, DC Kolasib-in he hun hi kaihruaiin, hmalak zel dan tur te sawiho a ni.

Dr H Lalthlangliana, DC Kolasib chuan chatlak lova mipui nitin mamawh zualpui lakluh a nih theih nan ruahmanna hrang hrang siam a nih thu a sawi a, mipui tana him si, bungraw mamawh phurtute tana awlsam tur si a kalphung neih a tul thu a sawi. DC chuan Covid-19 hri darh zel tur ven a ngaih laia hmun thenkhata khawtlang tana harsatna siam an awm thin chu pawi a tih thu sawiin uluk lehzuala khuahkhirna kalpui a tul thu a sawi a, feh tur a chhuak te pawhin Sawrkar thuchhuah zah hram hram a, a huho a kal thin lo tur a hrilhhriat leh a tul thu a sawi bawk a ni.

Pu Vanlalfaka Ralte, SP Kolasib chuan Kolasib district chhung a venhimna kalpui dan sawiin Vairengteah IR 30 leh MRP 31 an duty thu leh Bairabiah IR 46 leh MRP 15 an duty mek thu a sawi a. Zankhua a an duty thin thu leh Tlawng lui kam ah te pawh duty an awm thu a tarlang bawk.

He hunah hian Dr Lalhlimpuia, CMO Kolasib pawhin Quarantine a awm te dinhmun a that thu te, rilru lam thiam ten an vil reng thu te, kohhran hruaitute pawhin a tul ang a hun an hmanpui thin thu te leh Quarantine a awm te pawhin an hlawkpui hle niin a sawi bawk a ni.

 Vawiin thutkhawm ah hian Kolasib district a Ratio card neilo chhungkaw awm zat ziahluh tawh te enho a hmalak zel dan tur te sawi ho a ni a, Zonal Executive Magistrate te leh Essential Commodities team te an tel a ni.

# COVID19 DONA TURIN CM RELIEF A SUM PETU LIST 

No.67/2020-2021

COVID-19 do na turin leh puih ngaite puihna tur sum CM Office in CM Relief Fund atana vawiin thlenga a hmuh tawh zat chu Rs. 1,55,81,919 a ni a. Heng mi thahnemngaite chungah hian sawrkar chuan lawmthu a sawi a ni.

CM Relief Fund atana sum petute chu:
A) Mimal petu:
1) Pu C. Lalrosanga, Member of Parliament (LS) – Rs. 15,00,000
2) Constable R.K. Hmingthansanga – Rs. 35,500 (a thla khat hlawh)
3) Nl. Zonunmawii, Chapchar Kut Miss – Rs. 10,000
4) Shri. Alok Jain – Rs. 2,00,000
5) Brig. B.S Gill – Rs. 1,00,000
6) Shri. Mamon Majumdar – Rs. 1,00,000
7) MJ Varte (Youtube Channel) – Rs. 20,000
8) Pu Albert Thanglianchhunga, Sihphir Venghlun – Rs. 3,000
9) Pu Cosie Rorelkima, Sihphir – Rs. 2,000
10) Pu Suresh Mundra, Zarkawt – Rs. 1,00,000
11) Pu C Lallawmzuala, Kanaan Veng, Hnahthial - Rs. 10,000
12) Pu K.Vanlalnunpuia, Driver (MR) , SAD - Rs. 15,800 (a thla khat hlawh)
13) Pi Thanzami, Hotel Floria - Rs. 2,00,000

B) Kohhran:
1) Mizoram Synod – Rs. 9,00,000
2) The Salvation Army (India Eastern Territory) – Rs. 1,00,000
3) United Pentecostal Church, NEI – Rs. 2,00,000
4) Diocese of Aizawl, Catholic Church – Rs. 1,00,000
5) Evangelical Free Church of India (EFCI) – Rs. 20,000
6) Kohhran Thianghlim, Mizoram – Rs. 8,00,000
7) The Salvation Church - Rs.50,000
8) Assembly of God, Chaltlang – Rs. 50,000
9) BCM Zotlang Pastor Bial – Rs. 20,000
10) Mizoram Baptist Kohhran, General Headquarters, Lunglei – Rs.3, 00, 000
11) Mizoram Baptist Kohhran Hmeichhe Pawl, Headquarters, Lunglei- Rs.50, 000
12) Mizo Conference of 7th Day Adventist – Rs. 1,00,000
13) Zomi Baptist Church, Mizoram – Rs. 50,000
14) United Pentecostal Church, Mizoram – Rs. 2,00,000
15) Aizawl Mara Church, ECM - Rs. 50,000

C) Legislators:
1) Members of eighth Mizoram State Legislative Assembly – Rs. 21,26,000
2) Former Legislators’ Association of Mizoram (FLAM) – Rs. 1,00,000

 D) Sorkar hnathawk leh Association te:
1) Mizoram Finance & Account Service Association – Rs. 1,00,000
2) Mizoram Secretariat Service Association – Rs. 1,50,000
3) Mizoram Primary Teachers’ Association – Rs. 1,00,000
4) Vety. Diploma Holders Service Association – Rs. 10,000
5) P&E Revenue Div. Staff Welfare Association – Rs. 10,000
6) Excise & Narcotics Officers’ Association – Rs. 50,000
7) Secretaries and Commissioners – Rs. 1,39,875
8) Mizoram Civil Service Association – Rs. 6,30,650
9) Secretary, Home & DM&R – Rs. 10,000
10) Mizoram Taxation Dept. Staff Welfare – Rs. 1,00,000
11) Mizoram Home Guard & Civil Defence Staff Welfare – Rs. 2,00,000
12) Tourism Department – Rs. 1,70,000
13) Govt. Muma Middle School – Rs. 5400
14) MZU Group ‘A’ Welfare Committee – Rs. 1,50,000
15) Mizoram Bar Association – Rs. 1,00,000
16) Mizoram Agriculture Service Association Rs. 1,00,000
17) Mizoram Art & Culture Employees Union – Rs. 1,30,000
18) Fisheries Dept. Officers & Staff Association – Rs. 1,00,000
19) Mizoram Supply Accounts Service Association – Rs. 50,000
20) Mizoram State Co-Op Service Association – Rs. 50,000
21) Mizoram Judicial Service Association – Rs. 2,00,502
22) SSP (W) & Staff, MPRO, Aizawl, Mizoram – Rs. 1,50,000
23) Mizoram Engineering Service Association – Rs. 10,00,000
24) Mizoram College Teachers’ Association (MCTA)- Rs. 1,50,000
25) Mizoram University Teachers Association- Rs.1, 00,000
27) Mizoram Govt. Pharmacists Association - Rs 30,000
26) Pachhunga University College Principal & Staff - Rs.6, 25,760
27) Mizoram Technical Education Service Association – Rs. 50,000
28) Mizoram Health Multipurpose Service Assn, Gen. Hqrs., Aizawl – Rs. 50,000
29) Grant-in-Aid Higher Secondary School (ALGAHSOM) - Rs. 20,000
30) Sericulture Department - Rs. 1,00,000
31) Mizoram Horticulture Service Association - Rs. 2,51,215
32) Mizoram Horticulture Diploma Holders Association - Rs. 1,00,000
34) Mizoram ATMA Staff Welfare Association (MASWA) - Rs. 30,000
35) Mizoram Forest Service Association - Rs. 1,33,000

D) Sports Association:
1) Cricket Association of Mizoram – Rs. 5,00,000
2) Serchhip District Table Tennis Association – Rs. 10,000
3) Mizoram Badminton Association – Rs. 1,00,000

E) Association/Pawl dangte:
1) Harley Owners Group, Mizoram – Rs. 50,000
2) Drug-Free Mizoram – Rs. 2,000
3) Ex-MNA Association Gen. Hqrs – Rs. 30,000
4) Ex-MNA Taitesena Battalion Welfare – Rs. 10,000
5) Sihphir Venghlun Mizo National Women Front – Rs. 10,000
6) Sihphir Venghlun MNF Unit – Rs. 20,000
7) Zemabawk ‘N’ MNF Unit-II – Rs. 2,000
8) Dinthar Veng MNF Unit -II – Rs. 10,000
9) Mizo National Youth Front – Rs. 50,000
10) Zoram Drivers Union – Rs. 30,000
11) Mizoram Pharmacist Association, Aizawl – Rs. 50,000
12) Breakthrough Believers Ministries - Rs. 30,000
13) Mizoram Association of Catholic Schools (MACS) - Rs. 1,00,000
14) Aizawl Thunders - Rs. 1,00,000
15) Mizoram Courier Service Association - Rs. 12,000

F) Banks, Private Enterprises:
1) Mizoram Rural Bank- Rs.7, 22, 217
2) Netsurf Internet Services – Rs. 1,00,000
3) K.T Thanga and Sons – Rs. 2,00,000
4) Medicare Pharmacy, Aizawl – Rs. 20,000
5) Mizoram Cooperative Apex Bank, Employees Union - Rs.2, 00,000
6) TBC Car Rentals, Upper Khatla, Aizawl - Rs.50,000
7) FC TecNrgy Pvt. Ltd. - Rs. 2,10,000

 Heng bakah hian hming tarlanloh mi engemawzah hnen atangin puihna hmuh a ni bawk.

 ZMC a Testing Laboratory sak nan Rs. 1,00,000 thawh tawh a ni.

CM Relief Fund ah hian engtik lai pawhin tanpuina sum hi Online in Bank account ah a thawn theih a. Cheque emaw sumfai pawhin CM Office ah a pek theih bawk a ni. CM Relief Fund Bank Account chu:

Account Hming: Chief Minister’s Relief Fund
Account Number: 18141450000025
IFSC Code: HDFC0001814
Name of Bank: HDFC Bank
 Bank Branch: Aizawl Branch

# COVID-19 HOME QUARANTINE CHUNGCHANGA INKAIHHRUAINA THAR 

No.65/2020-2021

COVID-19 laka Mizoram mipuite kan him zawkna turin Mizoram Sawrkar chuan Home Quarantine hun chhung leh an chhuah zalen dan tur hetiang hian ruahmanna a siam :

1. Home Quarantine pangngaia awm ten COVID-19 natna lan chhuah dan (signs and symptoms) ni 14 (sawm pali) chhunga an neih loh chuan an awmna/chenna District Level Task Force Member Secretary-in declaration certificate pe in a chhuah zalen thin ang.

2. COVID-19 laboratory confirmed case an awmin a bul hnaia awm leh a taksa tawh phaka awmte chu Mandatory Quarantine-in ni 28 (sawmhnih pariat) chhung an awm ngei ngei tur a ni. Hemi hun chhunga COVID-19 natna lanchhuah dan (signs and symptoms) anmahniah a awm lo a nih chuan an awmna/chenna District Level Task Force Member Secretary-in declaration certificate pe in a chhuah zalen thin ang.

3. March ni 16, 2020-a GoAir Flight no. G8-298 Guwahati-Aizawla chuang zawng zawngte April ni 6, 2020 thlenga quarantine tura hriattirte chu a hun chhung pawhsei belh leh niin April ni 13, 2020 (Thawhtanni) thlenga quarantine-a awm chhunzawm tura hriattir an ni.

 He thupek hi April ni 2, 2020 atanga hman tan tur a ni. 

# COVID-19 REPORT : H&FW DEPARTMENT (Dt 2.4.2020 10:00 Am) 

No.60/2020-2021

1. World : No. of cases – 936,170 No.of deaths - 47,249 Recovered – 194,578
2. India : No. of cases - 1965 No.of deaths - 50 Recovered - 151
3. Mizoram : No. of cases – 1 No.of deaths - 0 Recovered - 0
4. Cumulative no. of passengers Screen at entry points : 61579
5. No. of Foreign passengers who have completed full
Observation Period (28 days) : 41
6. No. of quarantined persons in Government Facility : 126

Submitted by : State Surveillance Unit, IDSP , DHS: Health & Family Welfare Department
 (As instructed by the Hon’ble Minister, Health & Family Welfare Dept. on 31.3.2020 at 5:47 Pm)

#CHIEF MINISTER HMALAKNA VEGETABLE SUPPLY CHAIN TANGKAI LEHZUALA HMANG TURIN NGEN 

No.60/2020-2021

 # Chief Minister Pu Zoramthanga hmalaknaa thingtlang atanga thlaite Aizawla hralh tura ruahmanna siam Vegetable Supply Chain chu tangkai taka hman mek a ni a. Hei aia tangkai zawka mipuiin an chhawr theihna turin mi tlawmngai inpe Aizawla Local Level Task Force hrang hrangte tan la lehzual turin Information & Public Relations Minister Pu Lalruatkima chuan a ngen.

He Vegetable Supply Chain hi tangkai taka kalpui niin, thlai tharte hi Aizawlah tum hnih phurh thlen tawh a ni a. Thlai kan mamawh chu kan tharchhuak ve a ni tih pawh he hmalakna hian a lantir niin a hriat theih a. Hetihrual hian lockdown hlih hma ni 10 chuang lai la awm tur a nih avang leh, kan dinhmun zel tur hriat lawk theih a nih loh avangin mipuite chu thil engkimah inrenchem nachang hre turin Minister Pu Lalruatkima chuan a chah a. Hospital te, Hostel, Jail leh institution dang, a hlawm anga mamawh neite pawhin ngaihven tura a duh thu Minister chuan a sawi a ni.

Vegetable Supply Chain hi Horticulture changtu Additional Chief Secretary Pu JC Ramthanga kaihhruaia committee din chuan a kalphung tur duangin, Horticulture Department, MIZOFED leh Commerce & Industries Department te tanghovin hma an la a. Tun Inrinni hian thlai leh thei rah te chah thlen leh tum a ni a, veng tin LLTF te chu ngaihven tura beisei an ni

Mizo kuthnathawktute thlai thar hi thil chhe awlsam a nih avangin a rang lama hralh zung zung ngai a ni a. Tunlai kan hun tawng mekah hetiang ang thlai thar keimahni thawhchhuah ngei ei tur kan hmu thei hi thil lawmawm tak a ni a, hun harsa khuahkhirhna hnuaia kan awm laia thlai hring ei tur kan la nei thei hi a hlu takzet a ni. Khuahkhirhna hnuaiah mipui tan lei tura chhuah a rem si lova, chuvangin a mamawhtu chhungkuate hnen a thlen ngei theih nan a lei thei tura ruat LLTF leh institution te pawhin tan an lak a ngai niin a buaipuitu Horticulture, C&I leh MIZOFED te chuan an sawi a ni.

#DTLF LEH MTP(H) HRUAITU TEN SIAHA TOWN CHHUNGA TASK FORCE DUTY TE TLAWH KUAL 

No.59/2020-2021

 Vawiin chawhnu dar 1:00PM khan Siaha district DLTF Committee Chairman leh Bawrhsap ni bawk Pu Bhupesh Chaudhary IAS hovin, MTP(H) hruaitu te nen Siaha Town Chhunga Task Force Duty te an tlawh kual.

Task Force te tlawh kuala feh chhuah hma hian DC office chamber-ah meeting neih a ni a. Siaha Town chhunga mihring leh Lirthei ke 2 leh ke 4 neih chhuakvak a tam thu leh Task Force duty na hmun thenkhata duty an tam lutuk thu dawn te chu sawi ho phawt a ni. Khawlaia chhuak kan tlem deuh theih nan Task Force duty te enpui tur leh Lirthei che vel monitor turin Flying Squad/ Surveillance Squad din tura rel thluk a ni a. MTP(H) kutah Flying squad member ruat te, an duty dan tur roaster siam te leh a duty hna kaihnawih thil pawimawh zawng zawng pawh dah vek tura rel a ni bawk.

Vawiin Task Force duty te tlawhkualna-ah DC chuan Task Force Duty te chungah an thawhrimna leh inpekna avangin lawmthu sawiin, Duty na hmunkhatah erawh mi thahnem tak duty lova a inchhawk zawnga,vawikhatah mi 5 aia tam lo va duty dan zawng hram hram turin a chah hlawm a ni.

Vawiin Task force te leh khawlai inspection neih-ah hian DLTF atangin Pu Malsawmtluanga, Addl.DC, Pu Tlualaisa Hlychho,Addl.SP, Pu N.Vabeiratlua, DI&PRO , Pu Lalthakima,SDC te leh MTP(H) atangin Pu S.Vabeihasa, Vice President leh Pu B.Beirokhu, Secretary i/c Info & Publicity ten DC hi an tawiawm a ni

#DELHI-A MUSLIM KHAWMPUIAH MIZORAM ATANGA 30 CHUANG KAL ANGA THUTHANG AWM CHUNGCHANGA MIZORAM POLICE THUCHHUAH 

No.58/2020-2021

#Tunhnaia Delhi khawpuia Muslim inkhawmpuiah Mizo sawmthum chuang lai tel anga social media-a thu thehdarh chungchangah hetiang hian Mizoram Police chuan thuchhuah an siam.

Covid-19 hrileng chungchangah Intelligence Bureau (IB) atanga Confidential document, NE State-te lo fimkhur tura a tihna khawi emaw atanga lo darhin North-East leh Mizoram State chhungah thu diklo a tidarh nasa hle a, hei hian mipuite thil tul lo ah a ti chi-ai nasa in a pawi hle a ni. Thil awmdan chu hetiang hi a ni.

Andra Pradesh Police ten Covid-19 vei an chhuina lamah digital footprint atanga a lan danin he damlo hi Delhi-a Muslim pawl pakhat Tablighi Jaamat khawmpuiah a tel tih hriatchhuah a ni a. He khawmpui chungchang leh Covid-19 vei hmuhchhuah thu te hi thu dik a ni a. He khawmpui neihna hmun atanga metre 250 - 500 area-a mobile phone signal awmte chhui (Tower dumping) niin hemi area chhungah hian Mizoram mite phone number pawh a awm niin a lang.

Hemi phone number lo langte behchhan hian 31.3.2020 khan Facebook Group pakhat 'Zoram Today' tih ah mi pakhat kum-47 a upa, Lawngtlai a hnathawka awm (Aadhaar Card-ah Lawngtlai, Epic Card-ah Khatla South, Aizawl) chuan hetiang hian thu post a siam a. “DELHI-A MUSLIM KHAWMPUI AH MIZORAM ATANGA KAL 30 CHUANG AN AWM” Delhi a Islamic missionary Movement pawl pakhat tablighi jaamat khawmpui na a tel te zingah Covid-19 vei hmuh chhuah niin mi 9 in an thih pui tawh. He khawmpui March ni 13-15 chhung neih ah hian ram dang mi 300 chuang te leh India ram state hrang hrang atangin an kal khawm a. He an inkhawm puina HQ quest house Markaz Nizamuddin -ah hian mi sangkhat chuang la awm te chu screening tih niin Delhi ah test leh tura khung hran an ni.Hmarchhak state atangin 300-400 bawr vel kal ve nia hriat a ni a, silchar atang pawn mi 10 vel an kal ve in Mizoram atanga kal 30 chuang an awm. Heng mi te hi thenkhat haw mai lo vin la zin kual te an awm niin an sawi. He an khawmpui na hmun hi khar a ni nghal bawk. MIZORAM ADDRESS NEI TE: 30 chuang an ni a. Pakhat hi High Probability (ni 3 leh a aia tam cham) niin Aizawl address nei a ni a. A dang chu Low Probability Risk (ni khat) tlawh zawk an ni. 1. Aizawl Dist - 25, 2. Lunglei -1; 3. Champhai -1; 4. Kolasib - 2; 5. Serchhip -1; 6. Mamit -1; 7. Lawngtlai - 1 ZORAM TODAY tiin.

He thu hi chhui nghal a ni a. Hei hi fimkhur thila inchhui zauna mai a ni a, inkhawmpuiah an tel ve tihna a ni lo. Mizoram Police-in a chhuichiannaah list-a hming lang zinga mi-27 te chu Mizo hming leh Mizoram chhung address nei an ni a, mi-4 chu hnamdang (non-mizo) Mizoram chhunga address nei an ni a, mi-1 chu Mizo hming state pawn address nei a ni. Hemi zinga 31 te chu chhuichiana, finfiah vek tawh an ni a, Delhi Nizamuddin venga Muslim khawmpuiah hian tumah tel an awm lo a. Mi pakhat, Mizo hming Lunglei address nei chauh hi la biak pawh loh a ni. Hemi list-a langte hi High Probability category-a pakhat (1) tih loh adang zawng chu Low Probability category zinga mi niin helai area huam chhunga an mobile kenga an kal mai avanga hemi list-a tel an ni.

He list-a an hming a tel avang hian ngaihthat lohna leh chiaina tur engmah a awm lo. High probability category a mi hi Principal Accountant General Office, Mizorama thawk thin a ni a, kum 2017 khan a bang tawh a, tunah Lajpat Nagar, New Delhi vengah chengin a awm mek a, a office kal velna lamah hotspot area hi a paltlang thin a, Muslim a ni lo tih finfiah a ni bawk.

He thudik ziktluak ziak duh si lo a, thudik chanve hmanga mipui te rilru a hlauhthawnna thalo thlen thei thu a ti darh hi thil pawi tak niin dan in a phal loh a nih avangin Court ah Cognizance lak a nih hnuin Aizawl Police Station ah Aizawl PS C/No. 189/2020 Dt. 1.4.2020 u/s 505 (1) (b) IPC register a ni a, amah pawh man nghal a ni.

Covid-19 hrileng hi National Disaster ah India Sorkarin a puan tawh angin, The Disaster Management Act, 2005 anga action lak zel tur a ni tawh a, chuvangin, he case ah pawh hian DMA section 54 belh a ni. Hei bakah hian, thudik lo mipui ti thlabar thei thehdarhtu case siamsak tawhte pawh he DMA 2005 section 54-na hi an case-ah belh vek a ni ang.

Mipui rilru a dik lo zawnga hruai thei thu dik tawk lo thehdarh hian nghawng tha lo tak a nei thei a, mipui te tithlabar a, timangang thei thu post mai mai lo turin mipuite Mizoram Police chuan a ngen nawn leh a. Hetiang thu diklo thehdarhtu hi Mizoram Police-te chuan chhuichhuakin an man zel dawn a ni 

#CURRENT STATUS OF COVID-19 IN MIZORAM (31.3.2020 12:00 Noon – 1.4.2020 12:00 Noon) 

No.61/2020-2021

Status of State Surveillance of COVID-19 (Time: 31.3.2020 12:00 Noon – 1.4.2020 12:00 Noon)

#VAWIIN A CM RELIEF FUND A PUIHNA LUT TE

No.56/2019-2020

Vawiin khan COVID-19 do nan CM Relief Fund a mi tur a hnuai a mi te hnen atang hian puihna sum dawn a ni:

1) Mizoram Association of Catholic Schools (MACS) - Rs. 1,00,000

2) Grant-in-Aid Higher Secondary School (ALGAHSOM) - Rs. 20,000

3) FC TecNrgy Pvt. Ltd. - Rs. 2,10,000

4) Breakthrough Believers Ministries - Rs. 30,000

5) Aizawl Thunders - Rs. 1,00,000

6) Aizawl Mara Church, ECM - Rs. 50,000

7) Mizoram Courier Service Association - Rs. 12,000

8) Sericulture Department - Rs. 1,00,000

9) Mizoram Horticulture Service Association - Rs. 2,51,215

10) Mizoram Horticulture Diploma Holders Association - Rs. 1,00,000

11) Pi Thanzami, Hotel Floria - Rs. 2,00,000

12) Mizoram ATMA Staff Welfare Association (MASWA) - Rs. 30,000

13) Mizoram Forest Service Association - Rs. 1,33,000

#TRUCK OWNER-TEN MIPUI NITIN MAMAWH PHUR CHHUNZAWM DAWN

No.55/2019-2020

Pu H.L. Rochungnunga, IAS, Commissioner & Secretary, Food Civil Supplies and Consumer Affairs (FCS&CA) Department hovin vawiin khan meeting neih a ni a. Ni 01.03.2020 a Hunthar Veng, Company Peng, Aizawl-a Local Level Task Force, Police leh Mizoram Truck Owners Association duty-te inkara inhmuh thiamlohna thleng chungchang leh hemi kaihhnawiha thuchhuah awm te ngaihtuah a ni.

DCSO Aizawl 'West', DC Aizawl leh SP Aizawl te chuan hemi chungchang hi meeting-ah report an pe a. He thil thleng hi tunlai Covid-19 hrileng dona kawnga tlawmngaia duty te leh sawrkar mi leh sa duty ten theihtawp chhuaha mahni sahimna pawh sawi thei lova hrileng laka mipui an him nan leh ei leh bar an tlakchham loh nana thawktute inkara hetiang thil thleng hi meeting chuan pawi a ti hle a. Sawrkar thuchhuah leh thawktute hnena ngenna a siamte ngai pawimawh a, thawktu chi hrang hrang te inlungrual zawka an thawh theih pawimawh an tih thu meeting-ah hian sawi a ni.

Meeting zawh hian FCS&CA Director hovin he harsatna chungchang hi sawiho nghal a ni a. MTOA lam pawhin Mizoram mipui tan tha taka an hna thawh chhunzawm leh an tum thu an sawi a ni.

#EIZAWNNA THILA TUL VANGA MAHNI HUAN LEH LOA FEH TUR TE DAN LOH TUR

No.54/2019-2020
 Tunhnaiah COVID-19 hrileng tur venna kawnga fimkhur thilah Curfew puan a ni a. Hetih lai hian Aizawl Bawrhsap chuan Hrattirna No.J.13013/7/2016-DC(A) Dt 31st march, 2020 a chhuah angin eizawnna atana huan leh loa feh tul ted an loh tur tih hriatirna a lo chhuah tawh a ni. Hei hian mahni Farm House, Picnic Spot leh Huan, eizawn nana hman ni silo ah kal tumte a huam ve lo va. Amaherawh chu Eizawnna thila huan leh loa feh ngai te chu feh phalsak an ni reng a. Chuvangin, Lo nei, eizawnnana hmang tak tak, Kuthnathawka nitin Lo/Huana feh chhuak thinte chauh phalsak an ni. Amaherawhchu, a huhova kal emaw, hlawhfa tamtak ruaia a ruala feh chhuah te, a huhova awm khawm chu tih loh tawp tur a ni.

#QUARANTINE FACILITIES LEH KHUALZIN TANGKHANG BUAIPUI TURIN NODAL OFFICER THAR

No.53/2019-2020

 Pu Kumar Abhishek, IAS, Additional Deputy Commissioner, Aizawl District chu Aizawl District chhunga Corona Virus (CoVID-19) hrileng darhzau zel tur venna kawngah Nodal Officer for Quarantine Facilities leh Khualzin tangkhangte awm lailawkna tur(Temporary Shelter Centres for stranded people) atan ruat thar a ni.

#DISTRICT SUPPLY CHAIN MANAGEMENT COMMITTEE THUKHAWM

No.52/2019-2020

Vawiin hian DC Conference Hall Serchhipah District Supply Chain Management Committee chu an Chairman Pu H. Dolianabuaia, District Magistrate hovin an thukhawm a, Serchhip District chhunga mipuite tana nitin mamawh lakluh leh pekchhuah kawnga hmalak dan tur chungchang an sawi ho a ni.

District chhunga dawrkai lian ten nitin mamawh an la kawl dan dinhmun atangin tun dinhmunah chuan hlauhthawn tur a awm lo niin a lang a, uluk taka vilzui a, a tul ang zel a hmalak chhunzawm zel nise tih a ni a. Eirawngbawlna Gas pawh vawiin hian Truck trip 1 a lo thleng a, trip 2 dang lo thleng leh mai tur a awm thu ngaihthlak niin, veng tinah a inchhawka sem kual dan ngai anga hmatiama sem leh zel nise tih a ni bawk.

Serchhip khaw chhungah thei rah chawk luh dan tur chungchang ngaihtuah niin Local Task Force kaltlanga lakluh dan dap nise, Baktawng, Khumtung leh Khawlailung atangin Balhla, Thingfanghma leh thei rah dangte chawkluh tura ruahman a ni bawk.

Tin, Serchhip Mat phaia thlai tharte chu Mizoram hmun hrang hranga thawnchhuah mek zel niin, Zikhlum, Bawkbawn leh Tomato te chu man to uchuaka hralh an awm thu report ngaihtlak a ni a. Heng thlai tharte hi MIZOFED in an la chhawng a, MIZOFED hian Zikhlum kg 1 – Rs. 30, Bawkbawn kg 1 Rs. 25 in an la a, an hralh zui dan hi helamin an hriatpui zui tawh loh thu sawi lan a ni bawk. Thlai tharte hi Thawhtanni leh Zirtawpni ah te Aizawla thawn thlak thin niin, hmun danga atanga la turte tan Nialaini ah lak tir nise tih a rel bawk a ni.

He meetingah hian Pu Vanlalhmachhuana, BDO, Member Secretary, Pi C. Lalduhzuali, SDO(Sadar), Pu PC Laltanpuia, Addl. SP bakah Committee Memberte an tel tha hle a ni.

#MINISTER PU ROBERT ROMAWIA ROYTE-IN AIZAWL SOUTH-I BIALA MI HARSATE TAN BUHFAI SEMIN LOCAL TASK FORCE TE SUM A SEM

No.51/2019-2020 

Nimin ni 1/4/2020 khan Aizawl South-I MLA biala veng 7 tan buhfai bag 10 leh pawisa Rs 10,000/- theuh Pu Robert Romawia Royte, Aizawl E-II Bialtu MLA leh Minister ni bawk chuan a sem. Heng buhfai leh sumfai te hi Local Level Task Force theuhte kutah hlan a ni.

Aizawl East-II bialtu Minister Pu Robert Romawia Royte ruahmannain tukin zingah a thum thum nan a biala harsa bik te tan Local Task Force kaltlangin buhfai bag 24 sem leh a ni.

Minister chuan Lockdown avangin infiam mite leh mipui hrim hrim pawhin mahni inchhung khurah taksa insawizawi uar a tul thu sawiin Novel Coronavirus do tur pawha taksa fit a pawimawh avangin a rem dan ang anga exercise la nasa zual turin infiammite leh mipuite a chah a ni. Minister Pu Robert Romawia Royte chuan Mizoram chu India ram hmun dang aiin kan inchhungkhung hmasa a, Speaker, Dy. Speaker, Minister zawng zawng leh MLA zawng zawng ten tan la vekin Officials te leh Tlawmngai Pawl, Kohhran leh mipui te pawh kan tangrual tha a, State dangten Mizoram min awt em em a ni a ti a, he natna hrileng vang hian Zoram mipuite thlaphang lo turin a chah a ni. State pawna Mizo awm mekte pawh Mizoram Sorkarin a ngaihven reng a ni, tiin a sawi.