No.3290/2019-2020

AAI IN MIZORAM RS.10 LAKHS PE 

Airport Authority of India (AAI) chuan COVID-19 hrileng dona kawnga Mizoram hmalakna tichak turin puihna Rs. 10 lakhs (nuai sawm) a pe.

AIZAWL DDK THUCHHUAH

NAKTUK dt.26.3.29 - dt.14.4.20 inkar hian DDK Aizawl programne tih chhuah ṭhin chu Covid-19 emergency avangin tih danglam a ni.

Hemi chhung nitin 12:00 noon - 9:00 pm inkarah Mizo programne chhuak lovin DD India pek chhawn a ni ang a,  3:00 pm, 5:00 pm Mizo news headlines leh 6:30 pm news bulletin te chu a ngaiin pek chhuah a ni ang. Hemi karah hian Sawrkar thu chhuak leh Covid-19 chungchanga thu pawimawhte chu a ṭul ang zelin tih chhuah a ni bawk ang.

EMERGENCY CONTACT NUMBER

LAWNGTLAI BAWRHSAPIN COVID-19 DARH ZEL TUR DAN NAN MIPUITE HNENA HRIATTIRNA THUCHHUAH

Lawngtlai Bawrhsap Pi Shashanka Ala, IAS chuan Novel Coronavirus (COVID-19) hri leng mek a darh zel loh nan leh he hri leng laka Lawngtlai mipuite an him theih nan The Mizoram Epidemic Diseases (COVID-19) Regulations, 2020 section 11(i)-in thu neihna a pek angin vawiin khan heti ang hian Lawngtlai District mipuite hnena hriattirna a chhuah.

 Hmun khatah mi 10 aia tam awm khawm khap bur a ni.

Ram dang nena inkal pawhna ramri khar vek a ni a, eng vang mahin ramri kan phal a ni lo.

Bawrhsap (Deputy Commissioner) pisa atanga phalna fel tak tel lovin district       chhung khawiah mah mimal lirthei khalh chhuah phal a ni lo.

Loh theih lohva pisa kai ngai leh chet chhuah ngai sawrkar lirthei, Bawrhsaisa atanga pek chhuah chhinchhiahna bel chauh tlan chhuah phal a ni.

Mipuiin ni tin khawsak rel nana an mamawhte an tualchhung thuneitu (village  task force)-te hnenah hriattir tur a ni a, anni’n a tul angin an lo buaipui ang.

Ina inkhung hrang tura tih reng rengin tha takin an zawm tur a ni a, engti kawng zawng mahin mi dang nen an inchiahpiah tur a ni lo. Thupek pawisa lo va, bawhchhia an awm chuan an chungah khauh takin dan lek kawh a ni ang.

Sumdawng lirthei, chaw leh ni tin mamawh phurte chauh district chhunga luh phalsak an ni.

 Khua/veng tina village council leh YLA branch tinte chu an huam chhunga harsatna tawk leh mamawh neite ngaihven reng tura beisei an ni.

 Thu leh awm hma chuan, damdawi dawr leh dam khaw chhuah nana ni tin mamawh zawrhna dawr tih loh dawr dang reng reng chu khar vek tur a ni.

 Lirthei tui (petrol leh diesel) chu Bawrhsap khuahkhirhna hnuaiah a awm rih ang.

Thu leh awm hma chuan, mipui zawng zawng chhuakvak lo va, mahni inah tawmim vek turin ngen kan ni.

 Dam khaw chhuah nana mipui mamawh ang chi reng reng chu eng tik lai paw’n kaltir reng a ni dawn a, chi-ai loh tur a ni.

COVID-19 CHUNGCHANGA MIZORAM DINHMUN (24.3.2020 12:00 Noon-25.3.2020 12:00 Noon)

WHO chuan Novel Corona Virus(COVID-19) chu khawvel pumah darh tawhah a puang a, ram 197 ah a darh tawh  a ni. Khawvelin a rang thei ang bera hmalak ngaihna a ni. Hetiang a lo nih takah chuan Mizoram sawrkar pawhin he natna laka invenna leh  a vei te hmuhchhhuah zung zung theihna turin hma a la a. February, 2020 atang khan   Lengpui Airport leh ramri-ah zin mite chu he natna an vei leh vei loh endik thin an ni. He COVID-19 lo darh zel tur ven anih theih nan mipui te chu sawrkarin mipui himna tura a thuchhuah te zawm vek tur a ngen kan ni. Mitin ten kan khuhin kiu/ban thlepin ka kan hup tur a ni a, tui leh sabawnin fai takin kut sil fo tur a ni. COVID-19 vei awmna ram/state atanga lo haw te chu, an lo thlen  ni atangin ni 14 tal, mahni inah emaw sawrkar hmun ruat bikah khunghran tur an ni. Hei hi natna neilo te pawhin an zawm ngei tur a ni.

COVID-19 chungchanga hriat duh nei te leh khawsik, khuh leh thawhah nei te chuan Helpline no. 102(toll free), 0389 2323336, 0389 2318336 -ah phone tur a ni.

Status of State Surveillance of COVID-19 (Time:24.3.2020 12:00 Noon - 25.3.2020 12:00 Noon)

ESSENTIAL COMMODITIES CHUNGCHANGA SUPPLY MINISTER THUCHAH

Food Civil Supplies and Consumer Affairs Minister Pu K.Lalrinliana chuan vawiin khan COVID-19 kaihhnawiha mipui nitin mamawh essential commodities khaihlak lova kan hmuh theihna turin sawrkarin tan a la mek, tih a sawi a..

Supply changtu Minister Pu K.Lalrinliana chuan mipuiin ei leh bar kan tlakchham lohna turin April thla quota ration sem tur hi March thla tawpah sem a ni ang, a ti a, AAY leh Priority Household card (ration card eng leh pawl) neihote tan chuan ration a thlawna sem a ni ang, a ti. Ration card var (APL) nei zingah pawh harsa tak tak an awm tih sawrkarin a hria a, heng mi rethei zual Ration card var neite chungchang pawh sawrkarin a ngaihtuah dawn, tih a sawi bawk. Labour, Employment, Skill Development and Entrepreneurship Department hnuaiah Labour Cess-a sum hmangin heng ration buhfai te hi a thlawna sem a ni dawn tih Supply Minister chuan a sawi a, heng mi rethei zual an awm em tih endik hi Local Task Force kutah dah a ni dawn, a ti.

 FCS&CA Minister Pu K.Lalrinliana thuchah kimchang hi Cable TV leh Doordarshan-ah tih chhuah a ni ang. 

MIZORAMAH COVID-19 VEI HMUHCHHUAH A NI. MIPUITE CHI-AI LO TUR LEH SOCIAL DISTANCING ZAWM TURIN NGEN AN NI

COVID-19 vei hmuhchhuah hi patling kum 50 mi niin March ni 15 khan Amsterdam (Netherlands) atangin a rawn chhuak a, thlawhtheihnaa a rawn haw kawngah Doha (Qatar), New Delhi leh Guwahati rawn tlawhin March ni 16 ah Mizoram a thleng a ni..March ni 15, 2020 ah New Delhi rawn thlengin zankhat a riak a, March ni 16, 2020 khan Indigo Airline ah chuangin New Delhi atangin Guwahati a rawn tum a, hemi ni vek hian GoAir ah chuangin Lengpui Airport, Aizawl a rawn thleng a ni. Ministry of Health & Family Welfare-in hetih hunlaia kaihhruaina a siamah COVID-19 symptom langchhuak chauh swab test sample lak tur tih a ni. 

March ni 22, 2020 khan a chenna inah daktawrin a tlawh nghal a. Test tur throat sore swab sample la in GMCH laboratory, Guwahati-ah thawn nghal a ni. Amah tlawhtu daktawr pawhin an chhungkua an lo in quarantine tha hle tih a sawi nghe nghe

Swab sample test result hi nizan March ni 24, 2020 zan rei tawh lamah Mizoram sawrkarin a dawng a, fimkhur taka test hi neih niin vawikhat dang test nawn leh a nih hnu ah COVID-19 positive a ni tih hi confirm a ni. Confirm a nih veleh a chenpui a nupui leh a fate pahnih chu ZMC Isolation ward ah phurh phei nghal niin khunghran nghal an ni.

Tunah hian contact tracing (natna veitu in a lo zin haw kawnga mihring a bul hnaia awm zawng zawng chhui) nghal a ni a. March ni 16, 2020-a Delhi leh Guwahati inkar Indigo Airlines flight no. 6E 939 leh March ni 16, 2020 Guwahati leh Aizawl inkar GoAir flight no G8X/G8298 a chuangte list sawrkarin a nei vek tawh a, hei bakah hian heng thlawhtheihna a chuang te chu lo in self-quarantine nghal vek a, an chhungte pawh chutiang bawka hma la tur leh Health & Family Welfare Department hotute emaw COVID-19 Helpline- 102 (toll free), 0389-2323336/2318336 ah te in report tura ngen an ni a. COVID-19 positive case te hming leh nihna (identity) social media a thehdarh lo turin mipuite ngen kan ni bawk.

 Health Minister Dr. R. Lalthangliana chuan COVID-19 vei hmuhchhuah tak hi mi puitling tak, ram pawna zirna sang zawk zir mek a ni a, amah pawh a fimkhur em em a ni, a ti a, mipuite thlabar leh chi-ai mai lo tura chahin hri vei chhungte leh an laichinte tana hriat nuamlo tawngkam dengkhawng tak tak hmang lova thlamuantu leh tawngtaisaktu ni zawk turin a sawm a. Media te pawh thuthang diklo thehdarh laka venpui ah a sawm a. Mipuite chu in lamah tawm tur leh social distancing (metre khat tala midang hlat a awm tur) zawm turin a chah a ni. 

MIZORAMA POL LEH LPG DINHMUN (25.3.2020) 

Aizawl the 25.3.2020 : Vawiin thlenga report hmuh theih ah IOC Depot, Vairengte atanga POL pekchhuah zat leh Borkhola Assam atanga LPG lo lut, Vairengte a report zat chu a hnuai ami ang hian a ni:

POL: Dt. 24.3.2020 (6:30 AM) - 25.3.2020 (6:30 AM) IOC Depot Vairengte atanga pekchhuah

LPG: 24.3.2020 (6:30 AM) to 25.3.2020 (6:00 AM) chhunga Borkhola Assam atanga LPG lo lut Vairengte a report:

NITIN MAMAWH (ESSENTIAL COMMODITIES) MIZORAMA LO LUT TE (25.3.2020)

Aizawl the 25^th March, 2020: Mipuite nitin mamawh (Essential Commodities) phur, March ni 23, 2020 tlai dar 6 atanga March ni 24 tlai dar 6 thlenga Vairengte Supply Check-gate a in report te -

DT. 23.3.2020 (6:00 PM) - 24.3.2020  (6:00 PM) VAIRENGTE SUPPLY CHECK GATE PALTLANG TE BUNGRUA

MP FUND NUAI 10 PE

Pu Ronald Sapa Tlau, MP (RS) chuan COVID-19 dona atan a tul a pianga an hman turin Indian Medical Association (Mizoram Chapter) te chu a MPLAD Fund atangin cheng nuai 10,00,000 (Cheng Nuai 10)  a pe.

STATUS OF LAWNGTLAI DISTRICT SURVEILLANCE OF COVID-19