No.3355/2019-2020
1. COVID-19 DONA ATAN LAW MINISTER-IN A BIAL CHHUNGA VILLAGE LEVEL TASK FORCE TE HNENAH SANITIZER LEH SUMFAI A HLAN
Nimin March ni 26, 2020 khan Law Minister, Pu TJ Lalnuntluanga chuan a bial chhung 24-Champhai South (A/C) huamchhunga Covid-19 dona atana thawktu Village Level Task Force-te hnenah kut tihthianghlimna (Hand Sanitizer) leh tangka fai Rs 2,35,000/- a hlan.
Tanpuina thilpekte hi veng/khaw len dan a zira sem a ni a, March thla laihawl vel khan Minister hian a MLA Fund hmangin Covid-19 dona atana a tul ang anga hman turin District Level Task Force on Covid-19, Champhai hnenah cheng nuai 1 a lo hlan tawh bawk a ni.
Law Minister Pu TJ Lalnuntluanga hmalakna kaltlangin vawiin khan 24-Champhai South A/C huam chhunga Village Level Task Force-te tan hmaituamna (Surgical mask) sem chhuak a ni bawk.
2. KHAWZAWLA BAZAR DAN TUR LEH MAMAWH SEM RUAL DAN TUR BITHLIAH
Khawzawl District Magistrate Pu H.Lianzela chuan Covid-19 laka him theihna tura Complete Lockdown kalpui chhunga Khawzawla Bazar dan tur leh mamawh semrual dan tur bithliahin , mipuite chu zawm vek turin a ngen a ni.
1. Bazar hun tur: Tunkar bik atan chuan ni 27.03.2020 Zirtawpni zing Dar 6:00AM-12:00 Noon ah eichawp dawrte hawn a ni. March ni 30, 2020 atangin thu leh awm hma chuan bazar hun tur hi Thawhlehni, Nilaithawhtan leh Inrinni Dar 6:00Am-10:00AM a ni ang a, hemi hun chhung hian mipuiten an mamawh khawpui chhung dawr hrang hrang atangin an lam khawm thei ang a. Mipui intlar dan tur leh mamawh an lam dan tur ruahmanna chu Village Level Task Force (VLTF) ten an siam ang a, felfai thei ang berin an kalpui ang. Mipui innek buai emaw intibuai emaw an awm loh nan dawr lian awmna vengah chuan Police ten VLTF-te an pui ang.
2. Mamawh lei theih zat tur : Khawzawl khawpui dawr hrang hrang a mamawh eichawp awmzat thlirin mipui ten rualkhai taka kan chan theih nan a hnuai a mi ang hian chhungkaw khatin Essential Commodities an lei theih zat tur bithliah a ni a, hei hi dawrkaite leh a dawrtute pawhin zawm ngei tur a ni.
Sl No | Item Hming | Chhungkaw khat hnena pek theih zat |
1 | Buhfai | 10 Kgs |
2 | Tel | 2 Ltrs |
3 | Bawnghnute | 2 Ltrs |
4 | Dal | 2Kgs |
5 | Alu | 2Kgs |
- Dawrkaite chu a theih chin chinah home delivery kalpui tura beisei an ni a, mipui mamawh a khaihlak loh nan Essential Commodities a tam thei ang ber chawlut zel tura ngen an ni a. Khawzawl District chhunga khawdang atanga chakkhai mamawh rawn lamtute chu ngai pawimawh hmasa tura ngen an ni bawk.
- Mipui mamawh te harsatna awmlo a a lo thlen zel beisei a ni a, mi tumah kar khat chhung mamawh bak lei lawk lo tura ngen an ni a, mamawhte a tla chawpa lei thin tura ngen an ni.
3. PRESIDENT LEH VICE PRESIDENT TEN GOVERNOR, LG LEH STATE LEH UT ADMINISTRATOR ZAWNG ZAWNG TE COVID-19 LAKAH SAWRKAR HMA LAKNA SAWIPUI
Vawiin khan President of India, Pu Ram Nath Kovind leh Vice President of India, Pu M. Venkaiah Naidu te chuan Governor, Lieutenant Governor leh State leh Union Territory-te Administrator zawng zawng te video-conferencing an neihpui a. Ram pumah COVID-19 hri darh mek dona kawnga Sawrkar Laipui leh State Sawrkar hrang hrang hma lakna te leh hemi kawnga inpuihtawn dan leh hma lakna te tih chak dan kawng hrang hrang an sawiho a. Mizoram Governor Pu P.S. Sreedharan Pillai pawh he video-conferencing ah a tel a ni.
President chuan Sawrkar hma lakna tichak turin khawtlang chakna leh theihna zawng zawng nen tan a tul thu sawiin Governors, LG and Administrator-te chu an mahni state leh UT theuha Indian Red Cross society volunteer-te, tlawmngai pawl leh sakhaw behchan pawl volunteer-te he hrileng mek dona kawnga thawhpui dan kawng hrang hrang dap turin a chah.
President Kovind leh Vice President Naidu te chuan COVID-19 vanga mi rethei zual te, chhuanchham te leh unorganised sector-a hnathawk tuten harsatna hrang hrang an tawh mek chu Sawrkar hma lakna hrang hrang kaltangin sutkian an beisei thu an sawi.
4.SERCHHIP DISTRICT TASK FORCE TE LAWMTHU
Serchhip District Task Force Committee on Covid-19 te chuan Covid-19 laka kan him theih nana theih tawpa hma an lakna tanpuitu, sumdawng, tlawmngaipawl leh khawtlang hruaitute, thuawi taka awm mipui zawng zawng te hnenah lawmthu an sawi a. Hmalakna te tha taka zawm zel turin mipuite a ngen bawk.
Pu Lalchamliana, Home Minister, Hrangturzo bialtu MLA chuan tunah hian a bial mipuite mamawh zual phuhrukna tur thil hrang hrang a ngaihtuah mek a, reiloteah mipuite hnen a thlen thuai beisei a ni. Er. Lalrinawma, Deputy Speaker, Tuikum bialtu MLA chuan a bial chhung khawtinte chu Plastic Tanky 200 litres theuh a pe a, khaw thenkhatin an la inphur thleng lo deuhva, MLA Fund atangin a bial chhung khuaa Task Force te hman turin pawisa Rs. 218000 a sem chhuak bawk. Serchhip Bialtu MLA Pu Lalduhoma chuan Glove medium size box 12, Mask Pocket 5 leh Hand Sanitizer Litre 15 vawiina Medical Team te hman turin a pe a. Thenzawl lamah pawh engemawzat a pe bawk.
Medical lama thawktute invenna hmanraw chi hrang hrang atan K. Lalnema Store, Serchhip Bazar chuan hmanrua tam tak pe in a thui sak bawk a, Dr. C. Vanlalnghaka, Asst. Proffesor leh Pu Zakapa te chhungkua pawhin hmanraw mamawh engemawzat an pe bawk.
Government Serchhip College ten Hand Sanitizer siamin, Bank, ATM, Police Thana, Local Task Force hote leh Hospital te hman atan an hlan a, anni mamawh thenkhat hi PHE lam ten an lo tanpui bawk a. An chungah District Task Force a lawm hle.
Veng leh khaw hrang hranga Village Level Task Force te mamawh thilpek, pawisa fai leh thil dang petute zawng zawng, kohhran, pawl leh mimal chungah lawmthu a sawi bawk.
District chhung hmun hrang hranga inkhung hrang tura tih ten thuawih taka sawrkar ruahmanna zawm a, sawrkar an thawhpuinaah lawmthu a sawi bawk.
5. NEET EXAM HUN SAWN
National Testing Agency, Department of Higher Education, Ministry of Human Resources Development, Govt. of India chuan March ni 27, 2020 ah thuchhuah siamin National Elegibility cum Entrance Test (NEET) May ni 3, 2020 a neih tur chu a hun a sawn fel ta. March ni 27 a admit card tihchhuah tum pawh April ni 15 hma chuan tihchuah theih a ni dawn lo. COVID-19 avanga buaina awm mekin ziaawm lam a pan hunah exam hun tur hi puan a ni ang.
6. SERCHHIP DISTRICT DAILY REPORT ON STATUS AT QUARANTINE FACILITIES
Sl. No. | Location of Quarantine Facility | capacity | No. of persons admitted on the date of report | Progressive Total | No. of persons discharged on the date of report | Progressive Total | No. of persons committed for isolation to hospital on the date of report | Progressive total |
1 | Tourist Lodge, Serchhip | 12 | Nil | 9 | Nil | Nil | Nil | Nil |
2 | District Hospital, Serchhip | 7 | Nil | 1 | Nil | Nil | Nil | Nil |
3. | Ayush Hospital, Thenzawl | 10 | Nil | Nil | Nil | Nil | 1 | 1 |
4 | Chawngbuangi Memorial School, Dinthar Veng, Serchhip | 10 | Nil | 2 | Nil | Nil | Nil | Nil |
5 | PHC, East Lungdar | 5 | Nil | 1 | Nil | Nil | Nil | Nil |
6 | CHC, Thenzawl | 10 | Nil | 1 | Nil | Nil | 1 | 1 |
7 | 8th Assam Rifles, Serchhip | 40 | Nil | 31 | Nil | Nil | Nil | Nil |
8 | 60 Bn BSF, Dawngzawl | 5 | Nil | 1 | Nil | Nil | Nil | Nil |
| GRAND TOTAL | 99 | NIL | 46 | NIL | NIL | 2 | 2 |
7. Mizoram sawrkar thurawn angin vawiin khan thuleh awm hma chu Zoram Medical College, Falkawn chu COVID-19 Isolation and Treatment Centre atan puan a ni.
8. MIPUI NITIN MAMAWH PHURTUTE TAN MASK LEH GLOVES
Mipui nitin mamawh essential commodities phurtu motor lian khalhtute hman tur mask 1000 leh gloves pair 1000 chu vawiin khan Health Minister Dr.R.Lalthangliana chuan Food, Civil Supplies and Consumer Affairs Director kutah a hlan. A sem darh hna chu FCS&CA hian an thawk dawn a ni.
9. DAILY REPORT ON SCREENING OF COVID-19, KOLASIB DISTRICT
Screening Point |
| Ve- hicle | Cumu lative | Pass- enger | Cumu- lative | Home Quaran- tine | Cumu- lative | Facility Quaran- tine
| Cum- ulative |
Vairengte |
| 43 | 3293 | 92 | 23817 | 2 | 424 | 0 | 9 |
Bairabi |
| 2 | 1893 | 16 | 9264 | 0 | 33 | 0 | 6 |
Total |
| 45 | 5186 | 108 | 33081 | 2 | 457 | 0 | 15 |
*Kolasib district ah hian Quarantine Facility hmun 12 ah siam a ni a, hengah te hian mi 125 dahhran a enthlak an awm mek a ni.
10. AIZAWL DC CHUAN MIPUI NITIN MAMAWH PHURTE DANGLO TURIN THUPEK A TICHHUAK
Chief Secretary, Govt. of Mizoram leh Chairman, State Executive Committee, State Disaster Management Authority, Mizoram-in Ni 25 March 2020-a Order a tih chhuah No. B-13021/ 103/2020- DMR Dt.25-03-2020 angin mipui nitin mamawh buhfai, thei, thlai, bawnghnute, sa, sangha, ran chaw, chawhmeh chi hrang hrang, eirawngbawlna gas, damdawi leh hospital hmanraw dang phur motor eng chi pawh tlan tir a, an thlenna tur hmun an thlen hma chu dan khawtlai loh tur a ni a. Chuvangin, heng mipui nitin mamawh phur te hi mi tumahin khawiah mah dan khawtlai loh tur tiin Aizawl DC chuan thupek a tichhuak.
