No.3398/2019-2020  

DIPR’S UPDATE ON COVID-19 FOR MIZORAM DT. 28.03.2020  TIME: 6:00 PM 

LOCK DOWN CHHUNGIN CHIEF MINISTER HMALAKNA IN VEGETABLE SUPPLY CHAIN AWM DAWN

No.3370/2019-2020

Covid -19 laka inven nana ram pum huap lock down kalpui a nih mek laiin mipui ten eitur thlai leh anhnah lam an tlakchham lohna tur leh thlai huan neitute pawn an thlai tharte chhe mai lova suma an chantir theih nan sawrkar chuan chak takin hma a la zel a. Horticulture Department enkawltu, Chief Minister Pu Zoramthanga hmalaknain Nodal Department - Horticulture Department, Commerce & Industries, MIZOFED leh Local Task Force te tangkawp chuan Mizoram sawrkarin tual chhunga thlai thartute thlai tharchhuah dehralna tur a ruahman Local Vegetable Supply Chain chu kalpui áš­an a ni.

Dr. Elizabeth Saipari, Director of Horticulture hnen atanga report dawn dan chuan Mizoram sawrkar ruahman angin Pu H. Dolianbuaia, Chairman, Serchhip District Task Force on Covid-19  leh  Pi M. Vanlalzami, DHO Serchhip, Horticulture Department  leh Pu C. Lalsiamliana, Chairman, Agri & Horti Co-op Society ten hma an la nghal a. Heng thlai te hi nizan zanlaiah khan Serchhip Bazar atangin Motor Trip 18 lai rawn phur chhuakin vawiin 28.03.2020 ah Veng engemaw zatah sem chhuah a ni a. Hei bakah hian Ar vulhtu mangangte ta Arsa 28.0 Qtls. an hralh chhuahsak bawk a ni.

Serchhip atanga thlaithar lo lut bakah hian Thingsul Tlangnuam, Tlungvel leh Aizawl chheh vel atangin Mizo thlai chi hrang hrang Behlawi leh a dangte, Thei, Balhla leh Thingfanghma lak luh a ni bawk a. Vawiin tlai thlenga COVID-19 Vegetable Supply Chain hnuaia thlaithar lak luh tawh zawng zawng hi Trip sawmhnih (20 Trips) chuang a ni.

Local Vegetable Supply Chain ah hian Horticulture Department, Commerce & Industries leh MIZOFED te an tangkawp a. Designated Collection Centres i.e, Ngaizel, Chanmari, Bara Bazar leh Vaivawkawn market-ah a thlen tura ruahman a ni. Heta tang hian LLTF ten an hun chan dan angin  an lam ang a, an vengah theuh an sem leh theih tur a ruahman a ni. Thlai lak luhte hi MIZOFED chuan a hmunah a man an lo pe nghal zel a ni.

 

# COVID-19 VANGIN ZORAM MEDICAL COLLEGE, DAKTAWR LEH STAFF BAKAH FAKLKAWN KHUA A HLAUHAWMLOH A, THAWKTUTE INPEKNA A FAKAWM A NI : Dr. ZR. Thiamsanga

No.3372/2019-2020

Health & Family Welfare Board Vice-Chairman Dr ZR Thiamsanga chuan vawiin khan Mizorama COVID-19 veite enkawlna tura ruat Zoram Medical College (ZMC), Falkawn tlawhin Zoram Medical College inbuatsaihna a enpui a, H&FW Department Secretary Pu H. Lalengmawia leh Director Dr. Lalhmangaihi ten an tawiawm a ni.


Dr. ZR Thiamsanga chuan ZMC a tlawh chhan chu COVID-19 veite enkawlna tura ruat a nih bakah ZMC bakah Falkawn leh ZMC a thawk daktawr leh staff te thinhrikna tawngkam hriat tur a awm fo vangin an hlauhawm lova, an him tawk a ni tih mipuiten hria se a duh vang tih a sawi a. ZMC chu WHO leh sawrkar laipui duhdan anga uluk taka enkawl a nih thu sawiin a thawktute pawh mahni nunna thapin midang tan an thawk a, in lama an haw dawn pawhin dan ang thlapin uluk takin an intifai a, him tak leh hlauhawmlo an ni tih hriat a ngai a, an rilru tihnual thei zawnga tawngkam cheh lo turin mipuite a ngen a ni.


Dr. ZR Thiamsanga chuan tun dinhmunah COVID-19 test sample 28 thawn tawh a nih thu sawiin heng zinga result hriat tawh 26 ah pakhat a positive a, a bak zawng chu negative vek a ni a ti a, tunah hian result nghak mek pahnih a awm a, vawiinah test sample 12 thawn a ni ang a ti. COVID-19 vei enkawl mek pawh a dinhmun hlauhthawnawmah a awm lotih sawiin a nupui fanaute pawh test sample a negative hnu ah uluk taka enkawl zui an ni a, an hriselna a that bawk avangin an awmna veng Local Task Force ten en tangrualin an chenna in lamah quarantine tura chhuah tir an nih thu a sawi bawk.


COVID-19 laka inveng thei dinhmunah kan la ding niin a hriat a, hei vang hian India Prime Minister Narendra Modi leh Mizoram sawrkarin lock down a puan hi kan ngaihpawimawh a kan zawm that a pawimawh em em a ni a ti a, hetih kawnga sawrkar department hrang hrang, kohhran, khawtlang leh Local task Force te hmalakna fakin Sawrkar thu awih a pawimawh hle tih a sawi. ZMC inbuatsaih dan sawiin khum te inkar hlat deuh hlek a dah a tul avangin ZMC chu khum 150 awmna ah siam rih a ni a, ICU 7, NICU 5 siam niin ICU hi 24 a extend theih turin ruahmanna siam a ni a ti.


COVID-19 testing laboratory pawh IMCR in siam phalna a pek tawh thu leh, April ni 2, 2020 a hman tan theih tura chak taka hma lak a nih thu leh daktawr pahnih leh technician pahnih Silchar Medical College ah training neih tir mek an nih thu a sawi a. Mipuite chu kut silfai uluk tur leh social distancing zawm tha a khuh leh hahchhiau apianga hnar leh ka hup tha turin a chah a ni.

 

# LOCKDOWN CHHUNGAH ESSENTIAL COMMODITIES LAKLUH LEH SEM THA TAKIN KALPUI DAWN

No.3373/2019-2020
 

 

Aizawl, the 28th March 2020: Covid-19 hrileng laka kan himna tura Lockdown neih a nih chhungin nitina mipui mamawh a bikin buhfai kham khawp tur sawrkar ruahmanna angin Mizoramah lakluh mek zel a ni a. Food, Civil Supplies & Consumer Affairs (FCS & CA) chuan nitina mipui mamawh lakluh leh awmze neia pekchhuak zel a nih theih nan a hnuaia mi ang hian ruahmanna a siam a ni.

 

1. Covid19 avanga Lockdown chhungin District Level Task Force leh FCS & CA Department  hotute ruahmanna angin nitin mamawh Essential Commodities te tluang takin Mizoram ah rawn phur luh zel a ni a.  A sem danah pawh FCI leh Private sumdawng lam atanga buhfai lak luh theih ang anga la lut turin theih tawp a tan lak mek a ni a.  Rualkhai taka sem a nih theih nan pawh District Administration leh District Level Task Force (DLTF) hotuten ruahmanna an siam zel dawn a ni.

 

2. Ration buhfai pawh April quota a free in heng beneficiaries – AAY, PHH leh Registered Building and Other Construction Workers te tan pek a ni dawn a. Heng member ni lote pawh mi harsa, chhuanchham mai tur nia Local/Village Level Task Force concerned ten an hriatte chu  free ration pek tho tura ruahman a ni. Pu K.Lalrinliana ,Minister, FCS&CA  hmalaknain MLA tin ten buhfai  quintal 5(nga) theuh an bial chhunga mamawhte an a chhawmdawlna tur atan ruahmanna siam a ni. 

 

3. Essential Commodities phurtu Driver ten an ngen angin  Minister of State , FCS&CA leh dept hotute ruahmanna angin Driver te tan Covid19 hri leng laka an invenna turin ruahmanna fel takin a siam zel a, kut silnate pawh Godown leh Supply Centre ah te dah a ni chho zel a ni. Tin, District tina DCSO leh DC ten a tul angin Driver ten bungrua an phurh laia an chaw eina tur hotel leh workshop te an ngaihtuah pui mek zel bawk a ni. Hriattur tul angte pawh an Association hruaitute leh DLTF kal tlangin hriattir zel an ni. 

 

4. MOS, FCS&CA leh Department hotute hma lakna zul zuiin Health Minister Dr R. Lalthangliana’n FCS&CA frontline workers (essential commodities  phurtute leh godown a thawkte) tan a hman turin glove leh mask 1000 ve ve leh hand sanitizer  litre 100  zet min pek avangin kan lawm hle a. Hei hian mipuite tana hnathawhna kawngah leh an hriselna vawn himna kawngah nasa taka min tanpui ngei kan ring a ni. Heng hi Association hruaitute hnenah a theih ang anga hlan mek zel a ni.

 5. Curfew/lockdown chhunga essential commodities phurtu/ thiartu leh heti lama harsatna neite tan movement permit heng a hnuai a Department Officer/Executive Magistrate tarlante hnenah hian sms/whatapp in dil thei a ni ang a. 

 

Sl No

Name & Designation

Contact No

1

Dr Lalhriatzuali Ralte, Director, FCS&CA 

9436141306

2

Laltanpuia Hnamte, Joint Director, FCS&CA

9436143299

3

V. Laldinsanga, Deputy Director, FCS&CA

9615932901

4

R. Sanghnuna, DCSO, Aizawl West

9436146071

5

Lalhlimpuii, DCSO, Aizawl East

9863225008

 

Dilna atan hian - Diltu hming, Veng, Voter’s ID/Driving License no, Mamawh chhan, Mamawh hun chhung te ziah lan ngei tur a ni ang.

 

FCS&CA Department chuan Aizawl hmun hrang hranga a tul thuta hma la thei turin Nodal Officer a ruat a. An ni hi Covid19 avanga ei leh bar leh nitin khawsakna mamawhahte harsatna tawk an awm chuan Local Level Task Force te kal tlangin biak pawh theih an ni ang. 

 

Sl No

Zone

Name and Designation

Contact Number

Area

1

Aizawl East

Vanlalrema Hnamte, Asst. Controller, Legal Metrology

9436154512

Dawrpui including New Market, Chhinga Veng, Armed Veng, Chite, Saron Veng, Tuithiang, Bethlehem veng, etc.

2

Aizawl West

Sanghnuna, DCSO, Aizawl West

9436146071

Tuikual, Dawrpui Vengthar, Dinthar, Chawnpui, Zotlang, Zonuam, Luangmual, Chawlhmun, Tanhril, Sakawrtuichhun, Rangvamual, Phunchawng, Edenthar, Kanan,  Vaivakawn, Hunthar, Zarkawt, Chanmari West etc

3

Aizawl North

Lalrinthanga, Asst Controller, Legal Metrology

9436196512

Chanmari, Electric Veng, Ramthar, Aizawl Venglai, Ramhlun, Bawngkawn, Durtlang, Zuangtui, Chaltlang, Laipuitlang, Thuampui, Falkland, Zemabawk etc

4

Aizawl South

Johny Remngaia, Dy Controller, Legal Metrology

9436154427

Kulikawn, Mission veng, Thakthing, Khatla, Bungkawn, Venghlui, College veng,  Venghnuai, Damveng, Model veng, ITI, Republic, Tuikhuahtlang, Salem veng, Tlangnuam, Saikhamakawn, Hlimen, Melthum, Maubawk, Law

 

Incident Response Room : 1) Inpsector Room   Ph No 0389-2314175

                                                2) Director, FCS&CA Ph No 0389-2322872

Public Relation Officer        :           Pi Lallungawii           Ph No 9436155889

Incident Response Officer  :           Pu V. Laldinsanga   Ph No 9615932901

 

 

#28.03.2020 THLENGA FCI KUDAMA BUHFAI AWM ZAT

No.3361/2019-2020  

Food Corporation of India (FCI), District Office, Aizawl hnen atanga thu dawn danin hetiang hi 28.03.2020 thlenga MIzoram hmun hrang hranga FCI kudama buhfai kan neih dan a ni.

 

 

 

Rice Raw Grade A

Rice

Common

Wheat

Belhkhawm

Food Supply Depot AIZAWL

4635.45610 MT.

0.000

0.000

4635.45610 MT.

Food Supply Depot KOLASIB

920.34872 MT.

0.000

448.41573 MT.

1368.76444 MT.

Food Supply Depot BUALPUI

1230.71671 MT.

0.000

0.000

1230.71671 MT

Food Supply Depot LUNGLEI

2246.97556 MT.

0.000

0.000

2246.97556 MT

Food Supply Depot BAIRABI

3327.81071 MT.

0.000

.00000

3327.81071 MT

Food Supply Depot LAWNGTLAI

1787.63172 MT.

0.000

0.000

1787.63172 MT

Belhkhawm

 

 

 

 

14597

 

 

#COVID-19 DO NAN CM RELIEF FUND AH MI THAHNEMNGAITEN SUM CHHUNGLUT

No.3366/2019-2020

 

Novel Coronavirus (Covid-19) do turin leh he natna laka mipui an him theihna tura Mizoram Sawrkarin hma a lak naah a tul apianga hman turin Chief Minister's Relief Fund ami tur sum a hnuai a mite atang hian hmuh a ni:

 

1. United Penticostal Church (NEI) - Rs. 2,00,000

2. Personal contribution from Commissioners leh Secretaries * - Rs. 1,29,875 

3. Diocese of Aizawl, Catholic Church - Rs. 1,00,000

4. Mizoram Bar Association - Rs. 1,00,000

5. Mizoram Primary Teachers' Association Gen. Hqrs. - Rs. 1,00,000

6. Netsurf Internet Service - Rs. 1,00,000

7. Revenue Division Staff Welfare, P&E Department - Rs, 10,000

8. Mizoram Secretariat Service Association - Rs. 150000 

 

Heng a chunga tarlan bakah hian tanpuina pe engemaw zat an la awm bawk a. Chief Minister's Office chuan heng mi inphal tak tak, thahnemngaia CM Relief Fund a petu zawng zawng chungah lawmthu a sawi a ni.

 

Mizoram sawrkar hnuaia Commissioner leh Secretary te hian an ni khat hlawh atangin an thawhkhawm a, mi 14 atangin contribution hi hmuh tawh a ni.

 

#COVID-19 DO NAN HEALTH MINISTER HNENAH MI THAHNEMNGAITEN SUM AN THAWHKHAWM

No.3363/2019-2020 

COVID-19 ral do beihpui thlakin Mizoram mipuite kan tangrual zel a. March ni 28, Inrinni thleng hian Health Minister hnena COVID-19 dona atana tanpuina sum petute leh an pek zat chu hetiang hi a ni.

Mizoram College Teachers’ Association (MCTA)- Rs. 1,50,000/BCM Zotlang Pastor Bial- Rs 20,000/-

Mizoram Cooperative Apex Bank, Employees Union- Rs.2, 00,000/-

Mizoram University Teachers Association- Rs.1, 00,000/-

Mizoram Rural Bank- Rs.7, 22, 217/-

Mizoram Baptist Kohhran, General Headquarters, Lunglei- Rs.3, 00, 000/-

Mizoram Baptist Kohhran Hmeichhe Pawl, Headquarters, Lunglei- Rs.50, 000/-

TBC Car Rentals, Upper Khatla, Aizawl - Rs.50,000/-

Mizoram Govt. Pharmacists Association - Rs 30,000 /-

Heng sum te hi COVID-19 dona atana tangkai taka hman tum a ni a, mumal taka chhinchhiah leh vawn a ni. Tanpuina sum petu zawng zawngte chungah Health department chuan lawmthu a sawi tak meuh a ni.

GOVT. CHAMPHAI COLLEGE-IN COVID-19 DONA TURIN HAND SANITIZER LEH DISINFECTANT A SIAM

No.3371/2019-2020


Covid-19 hripui, inkaidarh chak tak mai venna kawnga pawimawh tak kut tihthianghlimna  Hand Sanitizer leh hmunhna tihthianghlimna Disinfectant  mamawhna a sang ta hle a,  Covid-19  dona kawnga thawktute tan pawh lei tur avang ta em em a, hmuh phakah lei tur a awm ta meuh lo a ni. Hemi phuhru tur hian Govt. Champhai College-a thawktute chuan tan an la vat a. March Ni 20,  2020 ah Science Faculty- te chuan Government Champhai College  hmanraw neihsa tlemte hmangin Chemistry Laboratory-ah WHO Standard Protocol ang thlapin  Hand Sanitizer litre 15 an siamchhuak ta a. Hemi ni vek hian Champhai khawpui chhunga ATM hrang hrangah leh YMA Duty Post hrang hrangah te mamawh dan ang zela  semchhuah nghal a ni.

Mamawhna a sang zela,  YMA leh ram hruaitute ngenna avangin March ni 24 leh 25, 2020 khan tam tham zawka siam leh a ni a. A siamna hmanrua College in a neih mai tawh loh avangin  a tul ang apiang YMA leh mimal thahnemngaite'n  an  ngaihtuah sak bakah College pawhin  sum  Rs 10677 seng  tel bawkin, tam tham zawk a siam belh leh a ni.

Tun thlenga Government Champhai College-in Covid-19 dona kawnga invawn thianghlimna hmanrua  a siam zat chu  Hand Sanitizer     Litres 500 leh Disinfectant     Litres 40 a ni.

Thil siam chhuah takte hi a hnuaia tarlanah te hian semchhuah a ni.
1)      SBI ATM
2)      Canara Bank ATM
3)      Zotlang YMA Duty Post
4)      Tlangsam YMA Duty Post
5)      Zote YMA Duty Post
6)      Zote Sathar Kham Duty Post
7)      Khankawn Police Check Gate
8)      Veng hrang hranga Local Task Force Duty-te
9)      YMA Branch-te: Vengthlang, Venglai, Vengthar, Electric Veng, Zotlang, Ruantlang, New Champhai, Kahrawt, Vengsang.
10)     Mimal engemawzat
11)     Office : District Court, PHED, District Hospital leh DC Office,
12)     Genesaret Gospel Home
13)     A bang zawng leh a tam ber chu hmanraw bul tumtu Sub- Headquarters YMA hnenah hlan an ni a; an ni hian an huam chhungah a tul angin an sem ve leh a ni.

 

 

# MAMIT DISTRICT CHHUNGA COVID – 19 HRI LENG MEK AVANGA HOME QUARANTINE DINHMUN

No.3369/2019-2020 

 

Novel Coronavirus ( COVID – 19 ) hri leng mek  avanga, fimkhur thilthu-ah Mamit District chhunga  Home Quarantine tura tihte vawiin Dt 28.3.2020 hian mi 1 report dawn belh a ni a, tihian tun thlenga dinhmun chu a hnuaia mi ang hi a ni. Mahni ina inhrung hrang tura tihte Mamit District chhung khaw hrang hranga Village Level Task Force-te chuan fimkhur takin an kalpui mek zelna ni.

 

 

 Till Dt 24.3.20     

25.3.20

26.3.20

27.3.20

28.3.20

Commulative dt 28.3.20

Sl. No

Veng/Khua

A zat

A zat

A zat

A zat

A zat 

A zat

1

Mamit Town

16

4

2

Nil

Nil

22

2

W. Lungdar

1

Nil

Nil

Nil

Nil

1

3

Dampui

1

Nil

Nil

Nil

Nil

1

4

W. Phaileng

3

4

Nil

Nil

Nil

7

5

Bawngva

3

Nil

Nil

Nil

Nil

3

6

Darlak

5

Nil

Nil

Nil

Nil

5

7

Lallen

2

Nil

Nil

Nil

Nil

2

8

Sihthiang

4

Nil

Nil

Nil

Nil

4

9

Kolalian

4

Nil

Nil

Nil

Nil

4

10

Tuipuibari

3

Nil

Nil

Nil

Nil

3

11

Tumpanglui

2

Nil

Nil

Nil

Nil

2

12

Hriphaw

1

Nil

Nil

Nil

Nil

1

13

Kawrthah

1

Nil

Nil

Nil

Nil

1

14

Tuidam

3

Nil

Nil

Nil

Nil

3

15

Damdiai

2

Nil

Nil

Nil

Nil

2

16

Tlangkhang

4

Nil

Nil

Nil

Nil

     4

17

Kanghmun

3

Nil

Nil

Nil

Nil

3

18

Andermanik

9

Nil

Nil

Nil

Nil

9

19

Rajiv Nagar

6

Nil

Nil

Nil

Nil

6

20

Khantlang

2

Nil

Nil

Nil

Nil

2

21

Zawlpui

1

Nil

Nil

Nil

Nil

1

22

Pangbalkawn

2

Nil

Nil

Nil

Nil

2

23

Silsury

4

Nil

Nil

Nil

Nil

4

24

Kanhmun

5

Nil

Nil

Nil

Nil

5

24

Zawlnuam

1

2

Nil

Nil

Nil

3

25

An awmna khua tarlan loh

4

Nil

Nil

Nil

Nil

4

26

Phuldungsei

Nil

1

Nil

Nil

Nil

1

27

Hnahva

Nil

2

Nil

Nil

1

3

28

Parvatui

Nil

2

Nil

Nil

Nil

2

29

Kawnmawi

Nil

Nil

Nil

3

Nil

3

30

Darlung

Nil

Nil

Nil

2

Nil

2

31

Kawrtethawveng

Nil

Nil

Nil

2

Nil

2

32

Mualthuam

Nil

Nil

Nil

1

Nil

1

33

Kananthar

Nil

Nil

Nil

4

Nil

4

 

TOTAL

92

15

2

12

1

122

 

 

#Status of Lawngtlai District Surveillance of COVID-19

Status of Lawngtlai District Surveillance of COVID-19

(as on 27/03/2020 10:00 PM)

Sl No.

Particulars

Previous report

Newly added

Cumulative

Remarks

1

Number of persons screened

1106

181

1287

 

2

Number of persons under home quarantine (returnees from outside the country)

0

0

0

 

3

Number of persons under home quarantine (returnees from outside the state)

194

34

228

 

4

Number of persons under facility quarantine

19

3

22

 

5

Number of persons isolated

0

0

0

 

6

Number of samples collected for test of COVID-19

0

0

0

 

7

Number of samples tested positive

0

0

0

 

8

Number of persons hospitalised

0

0

0

 

9

Number of deaths

0

0

0

 

 (as on 27/03/2020 10:00 PM)

 

 

LINE LISTING OF HOME AND FACILITY QUARANTINE WITHIN LAWNGTLAI DISTRICT
 (as on 28.03.2020 1:00 PM)

Sl No.

Name of Facility & Quarantine Centre

Home
 Quarantined

Facility
 Quarantined

Total
 Quarantined

1

District Hospital Lawngtlai
 Type-III Quarters

0

9

9

2

Lawngtlai MC

42

0

42

3

Bungtlang 'S' PHC
 RD Rest House

11

3

14

4

Sangau PHC
 Tourist Lodge

34

5

39

5

Bualpui PHC
 Tourist Lodge

3

5

8

6

Borapansury PHC
 Tourist Lodge

21

0

21

7

Lungpher PHC
 LADC Rest House

6

0

6

8

Chawngte CHC
 Tourist Lodge

111

0

111

TOTAL

228

22

250

 

 

#CHAMPHAIAH EI LEH BAR NGAIHTUAH DAN TUR LEH PAWN LAM MI TANGKHANG MEKTE CHHAWMDAWL DAN TUR REL A NI

No.3365/2019-2020

Tunlai hrileng mek Covid-19  laka invenna tura lockdown kalpui anih hnua ei leh bar lama harsatna awm theite chinfel dan tur (Food Chain Supply)  leh Champhai district chhunga pawn lam mi tangkhang mekte chhawmdawl dan tur  chungchang chu vawiin khan I&PR Conference Hall, CHANEM-ah District Level Task Force on Covid-19  thukhawm chuan a rel. 

Meeting kaihruaitu  Pu Mark Lalthanliana, Addl DC Champhai chuan ei leh bar mipuite’n an tlakchham lohna turin theihtawp chhuaha hmalak a ni a, tun dinhmunah  thlaphanna tur a awm lo a, nakin zel atan pawh chak taka hmalak zel a ni, a ti a. Lockdown hun chhung a la rei dawn avangin mipuite chu dawhthei taka awm  tur leh  hotute thu zawm turin a ngen a. Mahni veng theuha hmalatu Village Level Task Force-te pawh   rilru dai leh ngaihtuahna fim tak hmang thin turin a fuih a. Thahnemngaih luat vanga rilru inhliam palh chang pawha rilru zau tak pu chunga  inhrethiam tawn zel turin a ngen a.  Mahni veng leh khua bil chauh inngaihtuah lova, mizo takin midangte hmakhua ngaia ngaihtuahna zau zawk seng zel turin a chah nghal a ni.  

Champhai SP Pu Rex Zarzoliana Vanchhawng chuan   Covid-19  darh zel tur venna tura lockdown puan chuan nitin mamawh ei leh bar leh chakkhai lam a ngaipawimawh em em a ni, a ti a. Village Level Task Force-te hmalaknain veng leh khaw tinahte chak taka hmalak mek zel nimahse nakin zel ngaihtuah tel a ngaia, chakkhai lam nan vawi leh khatah  inhawng huk silo, inkharkhip lutuk lo deuha venhimna mumal tak hnuaiah fimkhur thei ang bera chakkhai lam leh dap dan ngaihtuah angaih thu a sawi a. Champhai khawpui mai bakah thingtlang lamte dinhmun thlenga ngaihtuaha   enzui angaih thu sawiin, hemi kawngah hian Local Level Task Force leh Police lamte tang ruala  ruahmanna siamin, felfai taka kalpui anih theih a beisei thu a sawi bawk. 

Pu Lalnunfela Chawngthu, SDO Sadar-in thurel tur tlangpui a sawifiah  hmasak  hnuah,  Pu Vanlalvuana Rokhum, SDHO Champhai leh Pu George Lalthanngura, DAO Champhai te’n thlai rah leh  hnah dinhmun tlangpui an sawi a. Meeting chuan nitin mamawh chawhmeh, thlai hnah leh rahte a theih ang anga lakhawma rualkhai taka semzai anih theihna tura hmalak nise a ti a. Hemi buaipui tur hian  Pu Vanlalvuana Rokhum, SDHO, Horticulture Department  Champhai chu Nodal Officer atana ruat niin, Village Level Task Force-te nen  thlai hnah leh rah lak khawm chungchang leh  a tul ang zela  semzai dan tur an ngaihtuahho thin dawn a ni.  Thlai hnah leh rah la tura feh pawh Village Level Task Force-te ruahmannain  a tul ang zela kalpui nise tih niin,  district pawn lam atangin Buhfai, Dal, Alu, Tel leh mamawh dangte district administration hmalaknaa ngaihtuah zel tum anih thu tarlan a ni bawk. 

Meeting-ah hian Covid-19 kaidarh zel danna tura  lockdown puan anih avanga pawn lam mi Champhai District chhunga tangkhang mekte chhawmdawlna pek dan tur chungchang pawh ngaihtuah ho a  ni a. Sawrkar thuchhuak  bawhzuiin  pawn lam mi  tangkhang mekte chu enfiaha, a  tul anga chhawmdawlna pek nise tih a ni a. DC office lam atangin finfiah dan tur lehkha mumal tak siam a, chu mi behchhan chuan Village Level Task Force te’n an mahni huamchhung theuhah zirchianna lo nei se,  an hming, address, hnathawh, harsatna tawh mekte leh tul dangte  lakkhawm anih  hnuah a tul anga chhawmdawlna pek  nise  tih a ni a. Heng bakh hian VLTF guideline siam chhuah tharte zirchian niin, a tul anga enfiah leh nise tih a ni bawk. 

#POWER & ELECTRICITY DEPARTMENT THUCHHUAH

No.3368/2019-2020

Khawvel ram pumin a buaipui, COVID-19 vanga chhungkaw tin pawn chhuak lova kan-in kharkhip lai hian  Power Supply  mamawhna a sang dawn hle a, Power & Electricity Department chuan mipui ten he hun khirh tak chhunga power lama harsatna an tawh loh nan theih tawp a chhuah a ni.

Hripui leng mahse P&E Department Officer leh Staff te chuan hrileng laka  fimkhur thei ang berin an hna chanpual an thawk reng dawn a, mipuite rilru thlamuang taka lo awm turin P&E Department chuan a ngen a ni. Electric vanga harsatna nei te chuan SLDC Control Room Ph :  03892322174 ah hrilh hriat tur a ni a, he number be pawp thei lo te chuan mahni bialtu JE/SDO te hnenah hrilh turin mipuite a hriattir a ni. Boruak rit tak hnuaiah harsatna te a theih chen chen chinfel  zel tum a ni a, nimahsela duhthusam tih hlawhthlin theih lohna hmun a awm palh a nih pawhin mipuiten lo hrethiam hram hram turin a ngen a ni.

Electric duty rawn kal reng reng te nen Sawrkar duh dana inhnaih chilh lo turin P&E Department chuan mipuite a ngen a. Emergency thil nilo leh electric bill chungchang erawhchu tun dinhmunah complain lo turin a ngen bawk a ni. Mipui him zawk nan  electric bill counter khar a ni a, electric bill sem dan a rualkhai zawk nan online-a pekna pawh tih tawp lailawk a ni, hun ralmuan veleh bill hi a hlawma pek mai turin ruahmanna siam a ni ang. Damdawiin mamawh leh Tui pump na tura power hnianghnar zawk pek a nih theih nan  chhung tinin current hmang tlem a, oven, geyser etc. hmang tlem turin P&E Department chuan a ngen bawk a ni.

Ram pumin harsatna a tawh laia  Power supply-ah buaina Mizoram in tawh loh nan control room duty te leh line a thawk zawng zawng ten mipui tawiawmna a ngen a, emergency-ah electric duty ten rang taka hna an thawh theih nana lirthei veivah kawngah local task force member zawng zawng te tanpuina ah lawmthu P&E Department chuan a sawi a ni.

Hrileng, COVID-19 karah loh theih loha mahni in chhuahsana mipui tana thawktute tana min tawngtai pui turin mipuite Department chuan a sawm bawk a ni .

 

#NOVEL CORONAVIRUS HMACHHAWN TURA MIZORAM SAWRKAR HMALAKNA THENKHAT LEH LAWMTHU SAWINA

 No.3364/2019-2020


Tunlai a khawvel ram hrang hrang tuamtu hrileng Novel Coronavirus laka Mizoram humhimna turin leh kan inven tlan theihna turin Mizoram sawrkar leh mipuiin hma kan la nasa em em a. Khaw tinah leh vengtinah kan him tlanna turin mitinin theih ang tawp an chhuah a, discipline pawh a tha hle a ni. Sawrkar lamin hma a lakna thenkhat hriat kimloh a awm thei a. Chungte chu hengte hi a ni:


1. Finance: Sum leh pai thu ah Chief Minister Pu Zoramthanga, Finance Minister ni bawk chuan he natna laka Zoram mipui an him theih nan sawrkar chuan ui hauh lovin a tul ang zela sawrkara sum awm chu hman a nih tur thu sawiin, chutiang ang tak chuan Finance Department a thawktute pawh instruction a pe a. Chumi hnu chuan State Level committee te, health department leh he hmalaknaa department tel dangten ruahmanna siamin, cheng vaibelchhe 5 (nuai 500) chuan mamawhte a khuh thei dawn nia an sawi angin, Chief Minister instruction in Finance Department chuan reilote chhungin cheng nuai 500 chu sanction a ni.

2. Health Equipment lei leh Lakluh dan kawng:
Damlo enkawltuten an invenna tur mamawh PPE (Personal Protective Equipment) mamawhna avangin Delhi a Resident Commissioner te chu a hmunpuiah a lo zawng a, an hmuh theih ang ang a tam ber lakhawm tur a hrilh an ni. Hun tepter tawh taka bungraw tam tham tak inthawn tur chuan thlawhna mamawh a ni a, amaherawhchu India ramin thlawhna zawng zawng thlawh a tih tawp lai a ni si a. North east tan a man to mahse kan ti mai tur a ni, tiin CM chuan Delhi lama RC te bungraw phur thlawhna zawng tura chahin, Airbus 320, cheng nuai 40 chuang a hire tur hmuh a ni a. Chief Minister chuan Home Ministry lam be bawkin, Mizoramin a mamawh em avangin ngaihtuah sak ngei turin a zuk ngen a. A tawpah Civil Aviation Ministry nen a inbia in Air India hnuaia mi, Cargo Airbus 319 chu cheng nuai 16.23 a phur turin tihfel a ni ta a. Chu thawlhna chu nimin zirtawpni (27.3.2020) khan Lengpuiah a lo thleng a ni. PPE leh mamawh dangte chu avaiin Kg 1797 a rit niin, tihian India hmarchhakah hetianga thlawhna chah hmasa ber kan ni.

 Sawrkar laipuiin Mizoram chu a ngai pawimawh em em a. Nimin zirtawpni chawhnu khan Union Home Minister Pu Amit Shah pawhin Mizoram dinhmun rawn zawtin Chief Minister a bia a. India sawrkar aia Lockdown kalpui a nih hmasak tawh thu te, Lengpui airport pawh khar a nih dan te a sawi a. Mizoramin mamawh a neih reng reng chu sawi turin leh sawrkar laipui chuan theihtawpin tan a lakpui tur thu Union Minister chuan a sawi a ni.


Nimina heng bungrua lo thleng te hi mi 10,000 bawr lai thuam theihna niin mamawh dan ang zelin doctor te, nurse te leh damdawi mite hman theih tura ruahman a ni.

3. Supply lama hmalakna:
He hrileng hi fimkhur a pawimawh em avangin mipui punkhawm leh pawnchhuah chungchangah pawh inkhuahkhirhna a khauh hle a. Tunah rih chuan inthlahdul hi a tha rihlo a ni tiin Chief Minister pawhin a bik takin AMC area ah chuan curfew la kenkawh leh bazar chhuah rihloh chu a duh dan a ni.

Heng avanga mipuiin ei leh in lama harsatna an tawh loh na turin ruahmanna siam a ni bawk. BPL leh AAY te tan thla khat chhung chu a thlawna buhfai an dawn theih na tur ruahmanna siam niin, heng zinga tello chhungkaw harsa zual la awmte tan pawh Local Task force te kaltlangin a thlawn a buhfai an dawn dan tur ruahman a ni.

Nitin mamawh (Essential Commodities) mipuiin an nghei loh nan sawrkarin hma a la nasa hle a. Phai atanga chawk luh bakah, Mizoram hmun hrang hrang atanga thlai thar te phur khawm a Aizawl a zawrh a nih theih nan Chief Minister sawi bawhzuia Supply Committee din chuan ruahmanna a siam a. Nizan mai khan khaw hrang hrang atanga thlai thar lakkhawm chu Horticulture Department, Commerce & Industries Department leh Mizofed te buaipuiin collection centre ah dah a ni a. Thawktuten tlaivar puiin an fakawm hle a ni.

Chakkhai hralh leh lei kawngah pawh mumal taka ruahmanna siam zel a ni a. Harsatna awm thei tur thlir rengin, mi pawna an bazar a an chhuah huk theihna tur hawng lova, Chief Minister in a hrilh angin dawr lian whole sale a petute hnen atanga lak theih hun chu vengtin Local Task Force ten a darkar a insem in, mipui hnena hralhchhuah leh dawn pawhin chhung tin ten rualkhai taka inchuhbuai awm lova an lei theuh theih nan, in number a thliar in emaw, felfai taka veng tina hralhchhuah hun siam tura hriattir an ni a. Bazar theih hun siam tura lo tih tawh pawh mipui thil ngaihtuahthiam chin in a him loh dan tur te rawn sawiin, chumi hnu ah zanah CM hovin ngaihtuah that leh niin, hlih leh a ni ta bawk.

4. CM Relief Fund leh Lawmthu sawina: CM Relief fund ah mi tam takin sum an rawn chhunglut zel a. Kohhran, pawl leh mimal ang te in ram chhung leh ram pawn atang tein state in Coronavirus laka him tura hma a laknaah mi harsa leh mamawhte tana phal taka an chhungkhawm hi a lawmawm hle a . A petute pawh a remchan angin puanchhuah zel an ni.

  District leh Local/Village Level a Task Force te an thawk hah in an fakawm hle a. Tun kan dinhmun ah Health lama thawktute an inpekna a ropui hle a. Anni bakah hian duty avanga loh theihloha chhuah ngaite, sawrkar hnathawk leh sawrkar hnathawk nilo pawh, an chungah sawrkar chuan lawmthu a sawi tak meuh a. Mipui an tanrualna leh sawrkar thupek ngaichanga thuawih taka an awm avangin lawmthu a sawi bawk a ni.

 

 

# DAILY REPORT ON SCREENING OF COVID-19, KOLASIB DISTRICT

 

Screening Point

Date

Vehicle

Cumulative

Vairengte

27.3.2020

85

3378

Bairabi

27.3.2020

7

1893

Total

27.3.2020

92

5271

            

 

Screening Point

Date

Passenger

Cumulative

Home Quarantine

Cumulative

Facility Quarantine

 

 

Cumulative

Vairengte

27.3.2020

177

23994

2

426

0

9

Bairabi

27.3.2020

85

9349

0

33

0

6

Total

27.3.2020

262

33343

2

459

0

15

 

Kolasib district ah hian Quarantine Facility hmun 12 ah siam a ni a, mi 125 awm te zing a pakhat chuan insawiselna leh damlohna engmah nei lovin Quarantine hun chhung a hmang zo a, vawiin khan in lam ah haw tir a ni.