DIPR’S UPDATE ON COVID-19 FOR MIZORAM, DT. 7.4.2020 

 TIME: 05:00 PM

#Details of Screening at various screening sites in Mizoram

Date : 7.4.2020 (Time: 6.4.2020 12Noon – 7.4.2020 12:00 Noon)

#  Status of State Surveillance of COVID-19

(Time: 6.4.2020 12Noon – 7.4.2020 12:00 Noon)

#MAMIT BIALTU MLA HOVIN MAMIT KHAWPUI CHHUNGA HEADS OF OFFICE (HoO)-TE THUKHAWM

No.177/2020-2021

Vawiin khan DC Conference Hall, Mamit-ah Er. H. Lalzirliana, Mamit Bialtu MLA hovin Mamit khawpui chhunga Sorkar Department hrang hrang Heads of Office-te chuan tunlai hrileng mek Novel Coronavirus avanga Mamit District chhunga hmalakna hrang hrangte thlir hovin an thukhawm.

Mamit Bialtu MLA chuan DC kaihhruaina hnuaia District Level Task Force hmalakna-ah lawmthu a sawi a. Kan District Chhunga Heads of Office (HoO)-te action plan leh an hmalak tawhna chu tha a tih thu leh lawmawm a tih thu a sawi bawk. Mamit District chhunga VLTF hnathawh chu ropui a tih thu sawiin sorkar atanga hlawh la lo an ni chungin hrileng laka kan himna atana an hnathawh leh hmalaknate chu fakawm a tih thu a sawi bawk. Kan District chu International leh Inter State boundary nei kan nih avangin he hri laka kan him theih nan theihtawp kan chhuah chhunzawm zel a ngai a. Tun thlenga chhuanchham, meialh ringawt en a awm kan la awm lo-te hi a vanneithlak a. Kan bial theuhah theihtawp kan chhuah a tul a, tun hun hi tan rualna hun a ni tih hria a, kan ram leh hnam tan tlawmngai taka he hri hi do turin a chah a ni.

Meeting-ah hian tunlai hrileng mek avanga mipuite'n nitin mamawh hrang hrangah harsatna an tawh lohna tura ruahmanna te thlirho a ni a. Tun dinhmunah Buhfai-ah harsatna a awm lova, Mamit leh W. Phaileng khawchhung tih loh chu Buhfai Stock sa hi August thla leh December thla thleng a awm thu Meeting-ah hian tarlan niin Oil leh Gas-ah mipuite'n harsatna kan tawh lohna turin Gas Distributors te'n Indenting chak se tih a ni a. Mipuite'n hnianghnar taka Gas kan neih theihna tura indent zung zung turin Gas Distributors-te ngen an ni a. Gas Distributors-te lo vilzui turin DCSO Mamit chu Meeting hian a ngen nghal bawk.

Meeting-ah hian lockdown chhunga mipuite'n awlsam zawka thlai thar kan lei theih nan Darlak, Phaizau leh Dapchhuah khuate atangin Horticulture Department Mamit leh VLTF tangkawpin Mamit khawpui chhungah thlai thar an chawkluh thin thu tarlan a ni a. Mitin mamawh tui chungchang sawiho niin power supply a awm that chuan pump reng a nih thu leh power khaihlak awm palhah pawh Diesel Stock a nih thu report ngaihthlak a ni.

Meeting-ah hian Mamit District-in Electric eng chungchanga harsatna kan tawh loh nan P&E Department-in theihtawp a chhuah thu ngaihthlak a ni a. Line chhiat palhah pawh siamtha tura che chhuak vat turin an inpeih reng thu ngaihthlak a ni bawk. Excise Department Mamit pawhin theihtawpa hma an lak mek thu Meeting-ah hian tarlan niin amaherawhchu Judicial lam atangin an mi mante Charge loh tur tih a nih avangin Payrole-in an mi mante chhuah lailawk an nih thu tarlan a ni.

Vawiin MLA hova thutkhawmah hian Health Department, Mamit chuan COVID-19 vei awm palh thulha an enkawlna hmun tur Isolation Ward, District Panchayat Resource Centre (DPRC)-ah buatsaih a nih thu an tarlang a. A tul huna chechhuak thei turin  Doctor leh Nurse COVID-19 natna kai chauh enkawl tur detailment siam a nih tawh thu tarlan niin Personal Protective Equipmemt (PPE) leh Mask, Doctor leh Nurse-te hman tur an neih kim thu report ngaihthlak a ni bawk.

AH&Vety Department pawhin kan District chhungah Daily Animal Health status khawnkhawm thin anih thu leh report siam thin a ni thu Meeting-ah hian an tarlang a. Broiler leh a chaw bikah theihtawpchhuahin arvulhtute nen hma an lak mek thu an tarlang bawk.

Khawvel puma natna hrileng mek Coronavirus-in kan District chhung a rawn luh lohna turin Police leh 4th IR Bn -te hmalaknain Border bakah Mamit District luhna leh chhuahna-te uluk taka venhim a ni a. Border leh khawpui chhungah Petrolling neih thin anih thu vawiin Meeting-ah hian ngaihthlak a ni bawk.

Vawiin Mamit Bialtu MLA hova thutkhawmah hian Mamit khawpui chhunga Heads of Office-te an tel tha hle a ni

#PPE VOLUNTEER GROUP CHAMPHAI TEN TANPUINA SEM CHHUAK

No.176/2020-2021

Tunlai hrileng darh chak tak Novel Coronavirus Disease, Covid-19 dona kawnga  hmalatu  hrang hrangte’n he hripui beihletna kawnga invenna thuam  Personal Protective Equipment (PPE) leh a dangte an  indaihlohnate  hria a, mamawh phuhruk anih theihna tura mi inphal leh thahnemngaite kaltlanga March Ni 27, 2020 a din, PPE  Volunteer Group Champhai chuan Covid-19 laka invenna hmanruate an sem chhuak mek zel.

Din anih atangin chak taka hmalak niin,  pawl member leh mi inphalte hnen atanga tanpuina tlingkhawm pawisafai leh thil siamna tur hmanrua atangin  Covid-19 dona kawnga tha thawhtu hrang hrangte himna tur hmanruate a theih ang anga siam tan a ni a. Sum neih ang ang te hmangin mamawh an lakkhawm a, Puanthui thiam mi tlawmngaite dap zelin mi 42 an rawn penchhuak thei a, a thui leh sem hnate a remchan dan ang zela kalpui thin a ni a. Mahni hmanraw intumte tan pawh a thlawnin an siam sak thin bawk a ni.

Tun thlenga khawtual kutchhuak ngei Covid-19 beihletna hmanraw hrang hrang  avaia sem chhuah tawh zat chu  Mask 1265,  PPE suit 205, Cotton suit 5  leh Cap 16  te a ni a. April Ni 3 thleng khan tanpuina sumfai Rs 31,600/-, Cotton ready made Belt 1, Elastic roll 1 leh  Hand Sanitizer litre 2 dawn a ni.

Vawiin April Ni 7, 2020 hian  PPE  Volunteer Group Champhai chuan Damdawiin hrang hrang, District Panchayat Resource Centre (DPRC) Quarantine Centre, Village Level Task Force-te, Police-te leh mamawhna hmunah te  Covid-19 laka invenna hmanruate an sem chhuak leh a ni.

#“ZORAM MEDICAL COLLEGE A COVID-19 TESTING LABORATORY VAWIIN ATANG HMAN TAN A NI” - Dr.R.Lalthangliana, Minister, Health & Family Welfare

No.175/2020-2021

Health & Family Welfare Minister Dr. R. Lalthangliana chuan Zoram mipuite World Health Day, 2020 chibai buk pahin Zoram Medical College a COVID-19 Testing Laboratory pawh vawiin atang hman tan a nih thu thuthar thehdarhtute puala a thusawiah a tarlang.

Health Minister chuan vawiinah a hmasa ber atan COVID-19 vei kan neih enkawl mektu mi inpe te - doctor , nurse leh healthcare worker mi 14 te nasopharyngeal swab test a nih thu leh anni bakah hian low risk damlo pakhat test a nih thu a sawi a, heng test result hi zanin hian hriat theih a ni dawn thu leh result hriat a nih veleh I&PR kaltlangin puanchhuah a nih tur thu a sawi a. Vawiin a sample test hi COVID-19 vei rinhlelh an ni tihna lam a nih loh thu a sawi bawk.

Health Minister chuan Mizorama COVID-19 vei enkawl mek dinhmun a tha tih sawiin ani bak test neih tawh dang zawng zawng a la negative vek rih thu a sawi a. COVID-19 testing laboratory chu a hranpa in hawnna programme siam a nih loh thu leh Mizoram Kohhran Hruaitu Committee hruaitu thenkhat leh tawngtai mite’n Pathian hnenah an awmhmun atangin an hlan thu a sawi a. Laboratory-a thawktute leh COVID-19 vei mek tan Zoram mipuite tawngtai chhunzawm zel turin a ngen a ni.

Health Minister chuan a hmaa sample kan test-na thin Silchar lamah COVID-19 case a lo awm ve tak nual hnuah Silchar lam tihbuai ngai lova keimahni pual ngeia testing laboratory kan nei thei ta chu a hun takah Pathianin min peihsak ni a a hriat thu sawiin, testing kit pawh 1000 lai Dibrugarh atangin chah thlen a nih thu a sawi a. World Health Day takah he COVID-19 test-na khawl peih fel a ni pawh chu a lawmawmin a inhmeh hle a ni, a ti.

Health Minister chuan Mizoram chheh vel Assam leh Tripura-ah COVID-19 vei hmuhchhuah an nih tak zel avangin ramri ven fimkhur a ngai zual hle tih sawrkarin a hria a, hemi atan hian theihtawpa inzarhpharhin hma an la mek tih a sawi bawk.

COVID-19 veite puala Zoram Medical College tih ruah a nih tak avangin Aizawl Civil Hospital leh Private Hospital dangte’n nasa takin an buai phah tih sawrkarin a hriat thu leh an inpekna sang tak avangin  lawmthu a sawi a. COVID-19 test-na khawl kan neih theihna tura hmalatu Core Committee leh COVID-19 vei mek enkawl tura inpe te chungah lawmthu sawiin, sawrkar hmasa in tha taka Zoram Medical College-in tun dinhmun a thlen theihna tura hma an lo lak avangin lawmthu a sawi a. COVID-19 dona kawnga rim taka thawktu zawng zawngte chungah leh Zoram Medical College staff zawng zawngte chungah lawmthu a sawi bawk a ni.

#MIZORAM ATANGA TABLIGHIBJAMAMAT MARKAZ KHAWMPUIA KAL AWM LEH AWMLOH CHHUI MEK

No.166/2020-2021

Mizoram Sawrkar chuan COVID-19 hrileng darh chungchanga mipui ngaihven hlawh, Delhi a Sakhaw pakhat inkhawmpuia kal Mizoram atanga an awm leh awm loh chhui kawngah Mizoram Police kaltlangin ngawrh takin a chhui chian hna a thawk mek a. He thil kaihhnawihah hian Mizoram Police chuan an hmalaknate a hnuaia mi ang hian an chhuah.

Tunhnai March 2020 thlatir lama Nizamuddin, New Delhi-a Mosolman khawmpui Tablighi Jaamat Markaz atanga Covid-19 darh nasat dan chu Mizoram Police chuan hre rengin Mizoram chhung atanga kal an awm leh awmloh ngun takin a chhui reng a ni.

Ngun taka chhuichian anih hnuah hriat theih chinah Mizoram atanga kal hi an

awmlo ngei ni a hriat a ni a, chutih rual in Village Level Task Force te nen tangkawp in Covid-19 kai te Mizoram a an luh lohna turin theihtawp chuah mek ani.

Mizoram Police leh thenawm state Assam leh Tripura Police te chuan he Muslim khawmpui a Assam leh Tripura State atanga tel te chhuichhuah hna hi ngawrh takin an Ia bei zui zel ani.

Fimkhur theihtawpa kan lo inven lawkna kawng atan he Mosolman khawmpui a tel Mizoram chhunga la awm kan awm palh anih chuan ni 7.4.2020 (Thawhlehni) tlai dar

6:00PM hma ngei in mahni awmna Police Station hnai ber ah in report turin Mizoram Police chuan a hriattir a ni. In report lo te chu khawng takin The Disaster Management Act 2005 leh Indian Penal Code hmangin hremna pek an ni ang.

#SCHOOL EDUCATION DEPARTMENT IN COVID-19 DO NAN CM RELIEF FUND AH Rs. 1,28,63,000 CHHUNGLUT

No.167/2020-2021

Human Resources Development hnuaia office hrang hrang (School Education Directorate, SCERT, MBSE) hnuaia thawktu ten Covid19 dona turin leh a remchan anga puih ngaite puihna tura an pawisa thawhkhawm Rs. 1,28,63,000 chu vawiin khan School Education Minister Pu Lalchhandama Ralte chuan CM Relief Fund ah a hlan.

School Education Minister leh Commissioner & Secretary te kaihhruaina hnuaiah March ni 27, 2020 atang khan CM Relief Fund atan hian pawisa thawhkhawm tura hma lak tan a ni a. Directorate of School Education hnuaia office hrang hrang thawktu DEO, SDEO leh Samagra Shiksha hnuaia thawktu zawng zawngte, Mizoram dung leh vanga Higher Secondary School, High School, Middle School leh Primary School a Principal te, Headmaster te, Lecturer leh Teacher zawng zawng te thawh tlingkhawm chu Rs.1,19,26,486 a ni a. SCERT hnuaia officer leh staff te leh DIET Principal leh Lecturer te thawhkhawm zat chu Rs. 7,93,934 niin, MBSE a thawktu officer leh staff ten Rs. 1,42,580 an thawk bawk a ni.

Additional Chief Secretary Pu JC Ramthanga chuan Chief Minister aiawhin sum thawhkhawm hi a lo dawng a ni.

#SERCHHIP DISTRICT A PHALNA NEIA ZINTE TANA DAWR INHAWNG TUR RUAHMAN AN NI

No.170/2020-2021

Serchhip Bawrhsap Pu H. Dolianbuaia. MCS chuan district chhunga phalna neia zin vakte tana dawr inhawng tur a hnuaia mi ang hian a tichhuak.

Covid-19 hrileng vanga Total Lockdown neih mekah Essential Commodities phur motor leh sawrkar atanga tlan phalna nei te, Serchhip District chhunga chhiat palh tawh thuah leh ei leh in kawng laka mamawh an awma lamna turin a hnuaia mi ang hian Workshop/ Puncture Works te leh Hotel/ Restaurant in hawng thei tur bikte ruahman a ni a, dawr te hi engtiklai pawhin harsatna neite tana dawr theih rengin an awm tur a ni.

Thenzawlah:

Hotel ah Sangpuii Hotel, Ph: 8730840869, Workshop ah Azoa Workshop, Ph: 8259906422 (Zosangliana) leh Puncture Works ah Samir Thapa, Ph: 6909703719

Keitumah:

Hotelah Five Sister Hotel, Zosangliani, Ph: 8415843087 leh Tuichang Hotel, Hmangaihsangi, Ph: 8730964633. Puncture Works ah Keitum Puncture Work, a neitu CV Lalneihmawia, Ph: 8258882847

Chhingchhipah:

Mapari Restaurant, Ph: 6009010792 leh D&E Restaurant, 9612226408, Workshop ah John-a (private) Ph: 9862536618, Puncture Works ah SK Puncture Works, Ph: 9862233123 leh Lawrence Puncture Works, Ph: 936616274

N. Vanlaiphaiah:

RD Restaurant, Lalhmingliana, Ph: 9856411003, Workshop ah LC Motor Works, Laldinthara, Ph: 9856842425 leh Awma Puncture Works, Lalhmingsanga, Ph: 8575893610

Khawlailungah:

Hotel emaw thingpui dawr, a tul angina VC ten an lo buaipui ang, VCP No: 8119836988/9863525225, Pucnture Works ah David Lalhlupuia, Ph: 8974842201.

E. Lungdarah:

Sangi Hotel, Sangvungi 97747695889, Workshop & Puncture Works ah Pu Lianthanga Workshop, Ph: 7638938268

Khumtungah:

Dinmawia Hotel, Ph: 9856656281 (Zomawii)

Serchhipah:

Serchhip Hotel (Maduhi 8415262934/936641433), Eastern Auto Works, Lalhruaitluanga, Ph: 9856863647 leh Bawla Workshop, Ph: 7085073445 leh Puncture Works ah MS Puncture Works, Khawlremsiama, Ph: 9612027813 te.

#RUIHHLO NGAITE TAN HELPLINE

No.171/2020-2021

Mizoram Drug Users Forum ( MDUF) leh Mizoram Social Defence & Rehabilitation Board ( MSD&RB), Social Welfare & Tribal Affairs Department,Social Welfare Department te tangkawp chuan kan hun tawn mekah hian Ruihtheihthil avanga harsatna neiten tanpuina an mamawh hle tih a hriatpui a, ruihtheihthil nghei mekten an paltlang dinhmun hriatthiampuitu, taksa leh rilru lama an harsatna tawh mek sawipui theitu leh mumal taka counselling neihpui thei tur an mamawhna te hriatpuiin counselling hmanga tanpuina dawn theihna tur a ruahman a, a hnuaia mite hi mamawh tan biak theih reng an ni.

9862377185,9862732289,8729982033,7085629481,9862120717,8974772691,7005576775 & 9436140870

#ER.H.LALZIRLIANA, MAMIT BIALTU MLA-IN MAMIT KHAWPUI CHHUNGA VLTF-TE LEH HOME HRANG HRANG TLAWH

No.172/2020-2021

Vawiin khan Er. H. Lalzirliana, Mamit Bialtu MLA chuan Mamit khawpui chhunga Home hrang hrang 4 tlawhin Village Level Task Force-te pawh an duty-na hmun 10-ah a tlawh.

Mamit bialtu MLA hian Task Force duty-te chu khawtlang leh ram tan, tlawmngai taka venhimna hna thawk zel turin a fuih a, tun ang khawvel buaina hi kan tawn ngai loh thil a ni a, Mizoram MLA zawng zawngte pawh kan buaiin kan bial mipuite tan kan theihna zawn theuhah theihtawpin kan tang vek a, kan hma hun tur zel kan hriat loh avangin, Mizo tlawmngaihna tak tak nen he hripui hi i do tlang ang u a ti.

MLA hian VLTF duty-te hi kawm kualin harsatna an neihte leh an hmalakna te a zawh bakah mipui harsate chhawmdawlna tur atana ei tur chi hrang hrang an dahkhawmte a enpui bawk.

Mamit Bialtu MLA hian Mamit khawpui chhunga Home pali, Observation Home, Buannel Children's Home, Emau Specialized Adoption Agency leh Joshua's Childrens Home a tlawhte hi Alu Bag, Dal, Artui leh Tel a pek theuh bakah Mamit khawpui chhunga VLTF Duty-te hman turin Hand Sanitizer, Glove leh Mask thahnem tak a hlan theuh bawk.

#MAMIT-AH DISTRICT LEVEL TASK FORCE ON COVID-19 THUKHAWM

No.173/2020-2021

Vawiin khan DC Conference Hall, Mamit-ah Dr. Lalrozama, IAS, District Bawrhsap/ Chairman District Level Task Force On Covid-19 hovin khawvel puma hrileng mek Novel Coronavirus laka Mamit District himna tur leh Lockdown neih mek avanga mipuite ei leh bara an harsat lohna tur bakah District mipuite zawm tur khuahkhirhna dan siama thutkhawm a ni.

Meeting-ah hian Lockdown kalpui laia lirthei tlan tih tlem dan tur ngaihtuahho niin huan leh lo lama kal duhte tan pawh ramhnuai lama an awm theih chin mumal taka ruahman a ni a. Feh turte chu Zing dar 9:30 hmain chhuak vek tur leh feh haw turte chu tlai dar 5:30 hma ngeia haw hman ngei ngei turin hun bi siam a ni a. Hei bakah hian District chhung mipuite'n ei leh bara harsatna kan tawh lohna turin tunkar Ni 9.4.2020 (Ningani) hian khawdang atangin Wholesale dawrah an mamawh dawr bungrua chi hrang hrang rawn lak phalsak an ni a. Hemi ni vek hian zing dar 6 atanga tlai dar 6 thleng mipui mamawh lamna hun siam tura rel niin mipui dawra mamawh hrang hrang lamte hian Mask vuah hram nise tih a ni a. Hei bakah hian Social Distancing ngaipawimawh a, inhnaih lutuka awm lo turin DLTF chuan mipuite min ngen a ni.

Vawiin DLTF Meeting hian Mamit khawpui chhung hrileng laka a him theih nan Mamit khaw luhna leh chhuahna-te tun aia nasa zawka venhim nise a ti a. Heng luhna leh chhuahna-ah te hian Sub.Hqrs YMA hmalaknain tlaivar-a duty thin nise tih a ni bawk.

Vawiin vek hian VLTF parukte hnenah Sorkar atanga tanpuina pawisa Rs 5000/- leh Mask eng emaw zat hlan an ni a. He tanpuina hi Mamit District chhunga VLTF zawng zawng pek vek tur niin an bialtu BDO kaltlanga pek tura ruahmanna siam a ni.

#SAWRKAR DIN COVID-19 PSYCHOLOGICAL AND SOCIAL GUIDANCE COMMITTEE THUCHHUAH

No.174/2020-2021

Mizoram Sawrkarin COVID-19 dona kawnga mipuite tana kaihhruaina a siamte-

State, Local/Village Task Force te kaihhruaina hria la, zawm hram ang che.

Medical te leh hmatawnga hnathawktute thuawihin chawimawi fo ang che.

I dam loh chuan inah chawl hahdam la, I dam vat theih nan pawnah chhuak lo ang che.

Naupang an dam loh chuan Inah awmtir la. Phone-in Doctor rawn ang che.

Kum Upa i nih chuan i hriselna ngai pawimawhin mi dang zingah awm tlem ang che.

Chhungkaw zinga mi COVID-19 vei a awm palh theih a, Doctor rawn vat ang che u.

La naupang leh hrisel thate pawh natna pudarhtu an ni thei, fimkhur takin aw.

A theih chinah - hnathawh, lehkha zir –In atangin ti ang che.

A huhoa awmna, mi 10 aia tamna hmunah tel loh hram tum ang che.

I sum leh thil neihte rei zawk daih turin renchem ang che.

Mahni chuktuah huanah leh Lo ah te thlai ching tam la, chhungkaw intodelh ngai pawimawh ang che.

Dawr leh mi Ina kal te, a hla leh hnaia zinchhuah te, loh theih loh chin chauh ti rih la.

I taksa tana tha chauh ei la, in chhunga tih theih insawizawina te ngai pawimawh ang che.

I bul velah COVID-19 hre lote zirtir la, puih ngaite lo pui ang che aw.

Damdawi In, Home, Hostel-ah te thil pawimawh tawp pe tur i nih loh chuan kal rih suh.

Lockdown chhung hi chhungkaw sekrektin lam hna tul thawh nan hmang tangkai ang che

He “Hun khirh tak” hi a kian vat theih nan hei hi lo zawm hram hram ang che aw:

Kut sil fo la, thil eng pawh i khawih chuan i kut sil ngei ngei ang che.

Kut fai loin i hmai khawih lo ang che.

I khuh leh hahchhiauin i ka rawmawl/tissue paper/ banin hup thin ang che.

Damdawi (sanitizer)-in i thil hman leh khawih thinte tithianghlim fo ang che.

# HRIATTIRNA

Lunglei District chhunga VLTF COVID-19 duty ten lirthei-a lehkha an tar ang lo tar ve VLTF COVID-19 duty ni lo a awm theih avang leh hemi avanga harsatna awm thei a nih avangin VLTF COVID-19 Duty lirthei-a lehkha belah Lirthei number leh VLTF Chairman (VCP) emaw Vice-Chairman (YMA President) Seal leh signature a chuang ngei tur a ni.

# MIZORAMA POL LEH LPG DINHMUN (7.4.2020)

Vawiin thlenga report hmuh theih ah IOC Depot, Vairengte atanga POL pekchhuah zat leh Borkhola Assam atanga LPG lo lut, Vairengte a report zat chu a hnuai ami ang hian a ni:

POL 6.4.2020 chhunga  IOC Depot, Vairengte atanga  Oil pekchhuah:

LPG REPORT 6.4.20 6:30 AM to 7.4.20. 6:30 AM chhunga Borkhola Assam atanga LPG lo lut Vairengte a report te

# MTP GEN.HQRS CONFERENCE HALL-AH EI LEH BAR CHUNGCHANGAH MEETING PAWIMAWH NEIH A NI

Vawiin chawhnu dar 1:00Pm khan MTP Gen. Hqrs Conference Hall-ah Siaha district chhunga nitin mamawh  essential commodities leh thlai thar  felfai taka lakluh leh hralhchhuah dan tur khunkhan taka sawiho  a ni.

 Vawiin meeting-ah hian  Essential Commodities Manangent Committee,Siaha District  Nodal officer Pu J.Vanlalchhuanga,DCSO leh Asst.Nodal officer Pu R.Lalnghakliana,Asst. Controller, Legal Metrology te bakah Thlai thar bika Nodal officer, Pu Lalvansanga,DHO  te hovin Siaha town Joint VC te leh MTP Gen.Hqrs hruaitute nen an tel a ni.

A hnuaia mite hi sawi ho a ni :-

1. Essential Commodities  lakluh leh hralhchhuah dan tur.

2. Thlai thar lakluh leh hralhchhuah dan tur.

3. Veng hrang hranga Bazar hun bithliah fel.

# AIZAWL KHAWPUIA VEGETABLE SUPPLY CHAIN MUMAL ZAWKA KALPUI TURIN RUAHMANNA SIAM

Aizawl khawpui veng hrang hranga cheng mipuiten ei leh bar kan tlakchham loh nan te, thlai thartuten tha taka an thlai thar an hralh chhunzawm zel theihna tur tein mumal taka vegetable supply chain siam chhunzawm tha tiin vawiin khan Commerce and Industries Directorate Conference Hall-ah Commercer and Industries Director Pu J.Hmingthanmawia hovin sawrkar mi pawimawhte an thukhawm.

Aizawl khawpui chu Zonal Officer pakhat theuh enkawlna hnuaiah zone-12 ah then ni se,tiin meeting chuan a rel a. Heng Zonal Officer te hian veng tina Local Level Task Force atangin an veng bil mamawh (demand) an la khawm ang a, Zonal Officer te hian Controlling Room siam thara Controlling Officer te hnenah an report ve leh thung ang. Controlling Officer pakhat zelin zone 3 zel an enkawl dawn a ni.

State pawn atanga thlai chawk luhte chu mipui hnen a thlen hmain COVID-19 Medical Operational Team ten a him theih nan ruahmanna lo siam se, tiin an rel a. Thei, thlai hnah leh thlairah mipuite hnena hralh chhuahna rate hi hlep awmlo, hloh awm lo (no profit, no loss)-a kalpui ni se an ti bawk. 

Meeting ah hian Horticulture Director Dr.Elizabeth Saipari, MIZOFED Chairman Pu K.Laldawngliana, Horticulture, Commerce and Industries, I&PR officer-te bakah Central YMA leh Aizawl City Local Council Association Officer Bearers te an tel.

 # HRIATTIRNA

J.Vanlalchhuanga, District Civil Supply Officer, Siaha District chuan Siaha khawchhung leh khawpawn a awm ten nitin mamawh thil (Essential Commodities) rual zawk a an chan tlan theih nan leh Covid-19 hrileng avanga mipui him zawk nan VLTF kaltlanga mipui mamawh dawrkai atang lei dan tur siam a ni a, he ruahmanna hi thu leh awm hma chu hman a ni ang.

Wholesale dawr atanga nitin mamawh VLTF kal tlanga lei tur te chu MTP General Headquarters Duty te enpuina hnuaiah leh dawr awmna veng VLTF te ruahmanna siam angin pek chhuah tur a ni a*. Rate Fixation chungchangah atul ang in Nodal & Asst. Nodal Officer ten an enpui ang, a tul ang in MTP General Headquaters hian phung bawm an sawm thei ang.

Siaha khawchhung mi huan/nul nei thlai thar zawrh chhuah tur nei te chuan an duh hun leh remchan hunah an thlai thar/chawhmeh an la thei ang, ruahman na siam lailawk hian a huam lovang. Siaha khawpawn atanga thlai thar Siaha khawchhung a hralh tur nei te chuan Pu. Vansanga, District Horticulture Officer, Siaha (Mobile No. 9862 889 375) leh Pu. T. Lalrosanga, Chairman Joint VC (Mobile No. 7629 858 486) te an be hmasa tur a ni a, an ruahmanna hnuaiah thlai thar/anhnah hi lakluh leh VLTF kaltlangin semdarh a ni ang.

VLTF KALTLANG A THIL LEI THEIH NI

1. Tuesday :-

 6:00Am to 12:00 noon

(a) Thosai

(b) Meisatla-I

(c) Meisatla-II

(d) Meisatla 'E'

(e) Meisatla 'W'

12:00noon to 5:00Pm

(a) ECM Vaih

(b) Council Vaih

(c) Siaha Vaihpi-I

(d) Siaha Vaihpi-II

(e) Siaha Vaihpi-III

2. Wednesday-:

 6:00Am to 12:00noon

(a) New Colony-I

(b) New Colony-II

(c) New Colony-III

(d) College Vaih-I

(e) College Vaih-II

 12:00noon to 5:00Pm

(a) New Siaha East-I

(b) New Siaha East-II

(c) New Siaha West

(d) Siahatla-I

(e) Siahatla-II

(f) Siahatla-III

3. Thursday & Friday :-

 6::00Am to 5:00Pm

(a) Siaha khawpawn

THLAI THAR SIAHA KHAWPAWN ATANGA LAK LUH HUN PAWH A HNUAI A MI ANG HIAN SIAM A NI.

1. Thlai thar Siaha khawpawn atanga lakluh ni :-

1.Wednesday

2. Friday

2. Siaha khawpawn atanga lakluh VLTF te kal tlanga pek chhuah hun :-

1. Thursday

2. Saturday

# MAMIT DISTRICT CHHUNGA COVID - 19 HRILENG MEKA KHUNGHRAN MI 13 AWM MEK

Novel Coronavirus (COVID -19) hrileng mek avanga Mamit District chhunga Sawrkarin a siam, Quarantine Centre hrang hrang leh mahni In-a khunghran( Home Quarantine) vawiin thleng hian mi 13 an awm mek a. Sawrkar duh dan anga Ni 14  awm tling tawh Home Quarantine mi 29 te, leh Sawrkar Centre a khunghran mi 6 te chu vawiin khan Covid - 19 vei ni-a rinhlelhna tur an awm loh avangin chhuah an ni. Ti hian mahni In a khunghran hi mi 13 awm mekin Sawrkar Quarantine Center- a khunghran tun dinhmunah an awm rih lo a ni. Tihian mi 13 te chu mahni In a khunghran mek an ni.

Home Quarantine leh Sawrkar Centre hrang hranga khunghran ni 14 awm tling tawh chhuah takte hi, Mamit khawpui chhung bika chengte tan, Mamit District Level Task Force Member Secretary hriatpuina Certificate pek chhuah nghal an ni a. District chhung khawdanga Certificate pek turte hi, tunlai boruakah inkalpawh zung zung a harsat avangin, a remchan dan anga pekchhuah zel tum an ni bawk.

# MIZORAM POLICE PRESS STATEMENT

Inspector General of Police (Hqrs) leh Chief Public Relation Officer (CPRO) Mizoram Police Media Cell ni bawk chuan a hnuai ami angin Press Statement a siam.

Tunhnai March 2020 thlatir lama Nizamuddin, New Delhi-a Mosolman khawmpui Tablighi Jaamat Markaz atanga Covid-19 darh nasat dan chu Mizoram Police chuan hre rengin Mizoram chhung atanga kal an awm leh awmloh ngun takin a chhui reng a ni. Ngun taka chhuichian anih hnuah hriat theih chinah Mizoram atanga kal hi an awmlo ngei ni a hriat a ni a, chutih rual in Village Level Task Force te nen tangkawp in Covid-19 kai te Mizoram a an luh lohna turin theihtawp chhuah mek a ni.

Mizoram Police leh thenawm state Assam leh Tripura Police te chuan he Muslim khawmpui a Assam  leh Tripura State atanga tel te chhuichhuah hna hi ngawrh takin kan la bei zui zel a ni. Fimkhur theihtawpa kan lo inven lawkna kawng atan he Mosolman khawmpui a tel Mizoram chhunga la awm kan awm palh anih chuan ni 7.4.2020 (Thawhlehni) tlai dar 6:00PM hma ngei in mahni awmna Police Station hnai ber ah in report turin Mizoram Police chuan a hriattir a ni. In report lo te chu khawng takin The Disaster ManagementAct 2005 leh Indian Penal Code hmangin hremna pek an ni ang.