Mizoram chhunga LPG Consumer te tan a Direct Benefit Transfer for LPG (DBTL) Scheme chungchangah Food Civil Supplies & Consumer Affairs Department chuan ahnuai ami ang hian thuchhuah a siam.

Mizoram chhunga LPG Consumer te tan a Direct Benefit Transfer for LPG (DBTL) Scheme a kalpui mekah he Office atanga Order chhuah tawh vide No.I.21011/2(D)/2013/DTE(SPYGEN/A & I.21011/2(D)/2013/DTE(SPY)/GEN/B dt.23.12.2014 hi Distributor thenkhat ten an zawm tha lo hle tih hriat a ni a, tun hnuah he order zawm lo te chu LPG (Regulation of Supply & Distribution) Order 2000 tlawh chhana hrem an ni ang.

1. Order hmasa a chhuah tawh angin Consumer ten Bank Account No. leh Phone No. an thehluhna tur Form hi copy khat Rs.5/- aia to a hralh loh tur a ni a. V/C, Local Council leh Agency dang pawhin hei aia to a hralh phal a ni lo.

2. Form fillup tute (Consumer) hnen atangin processing charges, Administrative charge etc. lak phal a ni lo.

3. Form thehluttute hnenah pawisa lo charge an awm tih hriat a ni a, hei hi dan kalh tlat a ni a tun hnuah hetianga Consumer te hnenah dan lo anga pawisa lo chawitir leh an awm hriat anih chuan nataka action lak a ni ang.

4. Order hmasa a ziahlan tawh angin hmingthlak chungchangah Consumer te pawisa chawitur zat dik tak chhutna (calculation chart) hi an pe ngei ngei tur a ni a, dan baka pawisa laksak thinte chu an chungah action lak a ni ang.

5. DBTL Scheme hi Mizoramin dt. 1.1.2015 atang hian a zawm ve chauh a, he scheme zawm atanga thlathum chhung (upto 31st March,2015) thleng hi subsidy rate a lei phalsak kan ni. Hetiang anih lai hian LPG Distributor thenkhat ten non-subsidies rate in Gas an hralh tih hriat a ni a, hetianga a manto a lo hralh tawh te hian subsidy rate aia a to na zat hi Consumer te hnenah an return leh vek tur a ni. Hetianga ti duh lo te chu dan anga action lak tur a ni.

Food Civil Supplies & Consumer Affairs Department atanga mipui hriattur pawimawh order hrang hrang chhuah te hi LPG/RGGLV Distributor ten an showroom hmun ualau laiah an tarchhuak tur a ni.