Mizoram Journalists’ Association Gen. Hqrs. Aizawl chuan vawiin chhun khan Director I&PR atanga pension chhuak ta Pu L.R.Sailo chu I&PR Conference Hall-ah an thlah.
Thlahna inkhawm hi MJA Gen. Hqrs. Vice-President Pu Lalthanzama’n a kaihruai a, MJA member engemawzatin thlahna thu an sawi. MJA senior member leh President lo ni tawh Pu Lalbiakthanga Pachuau chuan Press Club hmun tur an neih theih chungchanga Pu L.R.Sailo puihna leh tawiawmna an dawn dan te, Press Club hmun an neih hma pawha chanchinbumite tan room a buatsaih sak dan te a tarlang a. President hlui Pu D.R.Zirliana pawhin chanchinbumite zahawmna leh dikna humhalh kawnga Pu L.R.Sailo-in thurawn tha tak tak a pek thin thu leh chungte chu vawiin thlenga tualchhung chanchinbumite tana thu tangkai a la nih fo dan te a sawi chhuak a. Evening Post Editor-in-Chief Pu H.Zosangliana chuan Pu L.R.Sailo hun hman zel turah a duhsakna hlanin chanchinbumite tangkaipui tur thuziak emaw thurawn emaw nei fo turin a sawm a ni. Dingdi Editor Pu T.Lalhmachhuana chuan rambuai lai hun khirh tak tak laia chanchinbu leh sorkar inkara thulai latu Pu L.R.Sailo a nih dan te, chanchinbumite tana a tul hunah ding ngam thin a nih dan te a tarlang bawk a. MJA Gen. Secy. Pu Zonunsanga Khiangte chuan Pu L.R.Sailo miziaa dawhtheihna leh midangte hriatthiamna thinlung zau tak a neih chuan MJA leh sorkar inkara rah tha tak a chhuah a ni a ti bawk.
Thlahna thilpek thuziak hlan paha thu sawiin MJA President Pu K.Sapdanga chuan chanchinbumite hamthatna tur kawng hrang hrang atana Pu L.R.Sailo hnathawh tlangpui a tarlang a. Chanchinbu a te emaw a lian emaw ang khat veka a en thin dan leh an than zelna tur duhsak em em thintu a nih dan te, chanchinbumite khaw hawi zauna tura state pawn fan programme a ruahman sak thin dan leh chungte chu tualchhung chanchinbumiten an hlawkpui tak zet dan te tarlangin a hun kal zel turah pawh chanchinbumite tana thurawn leh kaihhruaina tha tak tak nei fo turin a chah a, duhsakna a hlan bawk.
Pu L.R.Sailo pawhin lawmthu sawiin MJA leh I&PR thawhhona tha tak chu chhawm nun zel a duh thu a tarlang a. A hun chhunga chawimawina leh fak derna a dawn zawng zawng te chu ama mimal thawh chhuah ni lovin a thawhpuite tawiawmna vang a ni, a ti a. Mi hriat lar em em loh, MJA leh I&PR ten mihring nun siamthat kawnga an thawhho chu chhunzawm zel turin MJA leh a chhuahsan tak I&PR officers te a chah a ni.
Pu L.R.Sailo hian ni 9.7.1973 khan DIPRO hna a zawm a, ni 9.7.1977 khan PIO to CM-in a awm a. Ni 21.9.1981-ah Dy. Director a kai a, ni 22.11.1988-ah Jt. Director kai lehin ni 9.6.1992 atang khan vawiin thleng hian Director I&PR a ni. Pu L.R.Sailo hian 2006 khan Public Relations Council of India chawimawina sang ‘Brain Trust of India’ a dawng a. Kum 2007 khan Public Relations lama mi chungchuang te chhinchhiahna ‘PR Hall of Fame’-ah a hming ziak luh ve a ni nghe nghe.
Thlahna thilpek thuziak hlan paha thu sawiin MJA President Pu K.Sapdanga chuan chanchinbumite hamthatna tur kawng hrang hrang atana Pu L.R.Sailo hnathawh tlangpui a tarlang a. Chanchinbu a te emaw a lian emaw ang khat veka a en thin dan leh an than zelna tur duhsak em em thintu a nih dan te, chanchinbumite khaw hawi zauna tura state pawn fan programme a ruahman sak thin dan leh chungte chu tualchhung chanchinbumiten an hlawkpui tak zet dan te tarlangin a hun kal zel turah pawh chanchinbumite tana thurawn leh kaihhruaina tha tak tak nei fo turin a chah a, duhsakna a hlan bawk.
Pu L.R.Sailo pawhin lawmthu sawiin MJA leh I&PR thawhhona tha tak chu chhawm nun zel a duh thu a tarlang a. A hun chhunga chawimawina leh fak derna a dawn zawng zawng te chu ama mimal thawh chhuah ni lovin a thawhpuite tawiawmna vang a ni, a ti a. Mi hriat lar em em loh, MJA leh I&PR ten mihring nun siamthat kawnga an thawhho chu chhunzawm zel turin MJA leh a chhuahsan tak I&PR officers te a chah a ni.
Pu L.R.Sailo hian ni 9.7.1973 khan DIPRO hna a zawm a, ni 9.7.1977 khan PIO to CM-in a awm a. Ni 21.9.1981-ah Dy. Director a kai a, ni 22.11.1988-ah Jt. Director kai lehin ni 9.6.1992 atang khan vawiin thleng hian Director I&PR a ni. Pu L.R.Sailo hian 2006 khan Public Relations Council of India chawimawina sang ‘Brain Trust of India’ a dawng a. Kum 2007 khan Public Relations lama mi chungchuang te chhinchhiahna ‘PR Hall of Fame’-ah a hming ziak luh ve a ni nghe nghe.
