838/2025-2026

Aizawl; the 12th June, 2025: Niminah khan Green Mizoram Day,2025 pualin National AYUSH Mission, Directorate of Ayush chuan Keifang-a Integrated AYUSH Hospital, khum 10 awm theihna tur an sak mekna hmunah thingphun hnatlang an nei a. He hunah hian thingṭiak 80 vel an phun a ni.

He hunah hian Deputy Director Dr. S. Mara Thansiami hovin Directorate of AYUSH staff te chuan thingṭiak hrang hrang damdawi atana hman theih tur chi la khawmin an hospital thar tur ram chhungah an phun a. He mi ni vek hian June ni 21-a 'International Day of Yoga' lo thleng tur puala Harit Yoga programme hman nghal niin, 'Harit Yoga' in a tum chu he 'International Day of Yoga 2025' puala a tam thei ang ber environment chhe zel tur ven nana thingphun a ni.