No.6989/2020-2021
Directorate of Economics and Statistics chuan a hnuai ami angin Press Note an siam.
Economics & Statistics, Government of Mizoram leh National Accounts Division(NAD), National Statistical Office(NSO), Ministry of Statistics & Programme Implementation (MoSPI) in Mizoram Gross State Domestic Product (GSDP) Online hmanga Reconciliation(sawihona) an neih zawh takah Mizoram economy chu kum 2017-2018 ah 12.56% in a thang a, Gross State Domestic Product (GSDP) chu Rs. 19385.33 crore a ni. Kum 2018-2019 (Provisional Estimate) ah Mizoram economy chu za zelah 12.43 in a thang angin a chhut chhuak a, Gross State Domestic product (GSDP) chu Rs. 22,287.41 crore a chhut a ni bawk. He tih lai hian all India Gross Domestic Product (GDP) chu kum 2017-2018 ah Rs. 17,098,304 crore leh kum 2018-2019 ah Rs. 18,971,237 crore niin economy hi kum 2017-2018 ah za zelah 7 in leh kum 2018-2019 ah za zelah 6.1 in a thang.
Mizoram Per Capita Income pawh kum 2017-2018 ah Rs. 155,222 a ni a, hetih lai hian all India Per Capita Income chu Rs. 1,15,293 a ni. Kum 2018-2019(Provisional Estimate) ah Mizoram Per Capita Income chu Rs.1,76,620 niin all India Per Capita Income chu Rs. 1,26,521 a ni.
State Domestic Product / State Income chhut chhuah nan hian economy hi Broad Sector pathum, Agriculture & Allied Sector, Industry Sector leh Tertiary / Services Sector ah te then a ni a. Tertiary / Services Sector hian a thawk chhuak contribute hnem ber a. Kum 2017-2018 ah Mizoram GSDP atanga za zelah 46.85 chu Tertiary/Sector in an thawk chhuak a, Industry sector in za zelah 26.64 thawk chhuak in, Agriculture & Allied Sector in za zelah 26.51 an thawk chhuak ve thung a. Kum 2018-2019 (Provisional Estimate) ah pawh Tertiary/Services Sector in thawk chhuak hnem ber in Mizoram GSDP atanga za zelah 45.55 an thawk chhuak a Industry sector in za zelah 29.18 thawk chhuakin in Agriculture & Allied Sector in za zelah 25.27 an thawkchhuak a ni.
