No.807/2020-2021

Covid-19 hrileng avanga Mizoram sorkar in Retailers te kaltlanga a thlawna buhfai a sem chhuahna senso zawng zawng hi rulh leh vek turin chak taka hmalak mek a ni a. A hnuai a mi te hi department hmalak dan tlangpuite chu an ni:-

1). April 2020 quota chu Retailers ten an mahni pawisa hmangin Supply Godown atanga la chhuakin a dawngtu tur mipui te hnenah a thlawnin an semzo tawh a. Heng an senso zawng zawng te hi Retailers te hnenah pek let leh vek tur a ni.

2). Retailers te senso rulhna tur atan hian Mizoram Building & Other Construction Workers Welfare Board, LESDE Department in a tum tur a ni a, a pawisa pawh hetiang hian installment in Cheque hmangin tum hnih a pe tawh a ni:

i) Rs. 2.51,94,428 /- Central Bank Cheque No. “26903” dt. 26/3/2020
ii) Rs. 3,88,73.392 /- Central Bank Cheque No. “269701” dt. 29/4/2020

3). Mizoram Building & Other Construction Workers Welfare Board, LESDE Department pawisa te hi sem chhuak tur chuan FCS&CA Department account a thun luh fel phawt a ngai a, a luh fel hunah DCSO tin te hnenah an District huam chhunga Retailers zawng zawng te hnena sem chhuah tur a pek chhuah leh tur a ni.

4). FCS&CA Department account a pawisa lut tawh atangin heng a hnuai a DCSO te account ah hian transfer fel a ni:

a). DCSO Siaha Rs. 38,98,455.00
b). DCSO Lawngtlai Rs. 32,37,615.00
c). DCSO Champhai Rs. 74,02,920.00
d). DCSO Mamit Rs. 31,58,805.00
e). DCSO Kolasib Rs. 28,87,590.00
f). DCSO Serchhip Rs. 47,56,695.00
g). DCSO West Rs. 83,20,185.00
Grand Total Rs. 3,36,62,265.00

5). Mizoram Building & Other Construction Workers Welfare Board, LESDE Department atang pawisa dawn Rs. 3,88,73,392 /- Central Bank Cheque No. “269701” dt. 29/4/2020 ah hian thil fello a awm avangin SBI Main Branch lamin an lo Object a, hemi tifel tur hian Mizoram Building & Other Construction Workers Welfare Board, LESDE Department lamah umzui mek a ni. A fel veleh SBI Main Branch ah deposit a, DCSO te hnena sem chhuah leh nghal a ni bawk ang.