1605/2025-2026
Aizawl the 25th September, 2025 : Food Safety and Standards Act, 2006 in a phut angin Ei/In siam leh zuara sumdawnna kalpui zawng zawngte chuan Food License (FSSAI License) an neih ngei a ngai a ni. Ei leh In sumdawnnain a kawh chu ‘mihring eitur siam leh zawrh chhuah zawng zawng’ hi a ni a - eichawp dawr, thingpui dawr, restaurant, cafe, hotel, guest house, homestay, hostel, caterer, chhang siam, chawhmeh zuar, sa dawr, theitui siam, kawng kama ei leh in dawr siam (street food vendor) zawng zawngte hi a huam vek a ni.
Food License nei lova sumdawnna kalpui chu Section 63 of Food Safety and Standards Act, 2006 bawhchhiatna a ni a, thla ruk chhung lung in tan leh cheng nuai nga thleng chawi theihna a ni. Food License hi district tin Sr. CMO office-ah a siam theih a ni.
Aizawl AMC area-a awmte tan chuan Directorate of Health Services (Old Building), Dinthar hi license siamna hmun a ni a, engtik lai pawhin pan theih reng a ni. Tin, Aizawl AMC area-a awmte tan Ist - 10th October, 2025 chhungin license siam runpui buatsaih tum a ni a, license la neilo zawng zawngte lo kal vek tura ngen leh hriattir kan ni.
A hmun : Directorate of Health Services Old Building Conference Hall, Dinthar, Aizawl
Ken turte :
- Voter ID
- Passport size thlalak pakhat
- Gpay hmanga fee pek theihna tur mobile phone
