Vawiin khan Disaster Management & Rehabilitation Department buatsaihin chhiatna laka school naupangte himna tur chungchangah joint inspection neih a ni a, he inspection hi Magistrate kaihhruaina hnuaiah member te Pu Lalremmawia, Station Officer, Fire & Emergency Services, Aizawl, Pu Francis Zokailiana, Civil Works Coordinator, RMSA, Pi Lalzenghaki, State Coordination Officer, Pi Irene Lalmuanzovi, District Project Coordinator, NSSP, Aizawl, Pi Zotinkimi, District Project Coordinator, NSSP, Serchhip District, Pu Zothansanga, District Organizer, Aizawl, Pi Laldingliani, Account Officer, NSSP leh Pi Lalrinpuii Tlau, Mitigation Oficer, Geohazard International ten an nei a ni.

He Inspection Team hian Graceland School, Khatla Veng an enfiah a. He Inspection Team-in a tum ber chu chhiatna lo thleng thei laka school naupangte himna turin school hian eng hmalakna nge an neih tih enpui a ni. Hemi rual hian National School Safety Programme hnuaiah sensitization programme hmanpui an niin chhiatna lo thleng thei laka zirtirna pek nghal an ni. School Disaster Management Plan siam dan te, School Mock Drill buatsaih dan te, School building leh inchhung bungrua awm ten chhiatna a thlen theih dan te zirtir an ni bawk. Naupangte himna (Safety measures) la tha lo school chunga a tul anga Authority-in hma a lak turin he Inspection Team report hi sorkar ah thehluh a ni dawn a ni.