Disaster and Rehabilation Department chuan Aizawl District chhunga Zone 17 awmah, Aizawl khawchhung zone 10 ah Local council, MHIP, YMA leh MUP te hnenah chhiatrupna thleng thei laka invenna leh inbuatsaih lawk dan te zirtirna an pe a ni.

Zone hrang hrang 17 awmah hian Local Disaster Management Team siam vek tur niin, he committee-ah hian Local Council, YMA, MHIP leh MUP te atangin mi ruat tur a ni a, Disaster Zonal Officer te nen mipui himna chungchangah hma la tur an ni.

He Committee te mawhphurhna leh tih dan tur hi Disaster Department lam hotu Dr.Lalrokima Chenkual, Asst. Director leh Pi Irene Lalmuanzovi, Disaster Management Coordinator ten an zirtir a ni.

He committee hian chhiatrupna thlen palhah thil thleng thei hriattirna pe chhuakin, thil chhia awmte report an siam anga, First Aid leh Medical team te siamin, hmun him lama dahna tur leh thianghlim zawka hliam tuar puih te, chaw leh tui pek te leh thil tul tam takah hma an la dawn a ni.

DM&R Department chuan Aizawl khaw pawn Zone 7 ah remchang hmasaah training hi an pek chhunzawm ang.