12/2026-2027

Dated Champhai, the 2nd April, 2026: Nimin khan Social Welfare leh Mission Foundation Movement te tangkawpin a an buatsaih Geriatric Caregiver zir chhuak mi 25 hnenah certificate hlanna inkhawm EF & CC Auditorium, Bethel Veng, Champhaiah hman a ni.

Caleb Lalnunpuia, Project Manager MFM in inkhawm hi kaihhruaiin, Upa H. Lalzova , Vice President MUP, Champhai District chu khuallian a ni.

Khuallian Upa H. Lalzova chuan kum upa lamte hi ngaihsak bik ngai, mi dang tanpui mamawh ngawih ngawih an ni a, an ni ang enkawl tura thalai 25 laiin thiamna thar an zir chhuak thei hi lawmawm a tiin hetiang scheme kalpui tura Social Welfare Department leh Mission Foundation Movement tangkawpin hma an la chu kum upate tan chuan a lawmawm hle a ni a ti. Zirchhuak zawng zawng te an awmna theuhvah malsawmna ni turin duhsakna a hlan thu a sawi bawk.

C. Lalremsiama Tutor MFM School of Nursing in tanna hun a hmang a, Pi Christina Zothanpuii, Principal MFM School of Nursing in training kalpui a nih dan a sawi bawk.