No.318/2020-2021

Vawiin chawhma khan District Agriculture Office, Kolasib hmalakna in Kolasib district chhung a loneitute tan thlai chi sem a ni a. Thlai chi hrang chi 19 sem niin loneitu 180 velin heng thlai chi te hi an dawng a ni.

Covid-19 vang a inkharkhipna kalpui a nih avang a ei leh bar a harsatna a awm loh nan heng thlai chi te hi loneitute hnen a sem a ni a. Thlai chi thlak hun bawhpelh lova, a hun tak a thlai tharchhuah a nih theih nan he ruahmanna hi District Agriculture Office, Kolasib chuan an kalpui a ni.

Pu J Rothanga, DAO, Kolasib chuan vawiin a thlai chi semnaah hian Vaimim, Mai, Behlawi leh Behliang chi sem tam ber a ni a, thlai chi cheng nuai 1 man hu semchhuah a nih thu a sawi.