4581/2025-2026

Lawngtlai the 24th Febuaru, 2026 : Vawiin chawhnu dar 1:00pm khan DC Conference Hall, Lawngtlai ah Bawrhsap Pu Donny Lalruatsanga kaihhruainna in District Aids Prevention Control Committee thutkhawnna neih ni.

Pu Donny Lalruatsanga chuan member kalkhawmte hnenah lawmthu a sawi a. Engtiang chiah hian nge AIDS hian Lawngtlai district min luah a, kan district hi eng din hmun ah chiah nge kan din tih kan thlirho in kan ngaithla a, Moderate Level ah kan awm mek hi a lawmwm hle a ni, a ti. Thawktute inpeknaah lawmthu sawiin, tan la zual leh sauh sauh turin a chah a. HIV/ AIDS do kawngah NGO leh VC te nen pawh a thawhho thiam a ngai hle a ni tiin, thisen test pawimawh zia inzirtir a, awareness kan neih tam a pawimawh hle a ti a. NGO leh Kohhran huang chhungah pawh awareness kan neih tam a ngai a, tanpui kan ngaihna leh mamawh kan neih te theih ang ang a in puih tawnin thawh ho zel dawn a ni a ti bawk.

DAPCC meeting ah hian report ngaihthlak niin, 2004 - January, 2026 a ICTC a HIV Screened 27,775 ( Mipa-11,321 & Hmeichhia-16,454) atangin 678 HIV Positive niin, April 2025- january 2026 chhung hian 1621 HIV Screened atangin 51 HIV Positive hmuh niin, an kaina tlangpui chu - sexual contact -29 (Regular Partner/Spouse-13, casual/non-commercial, Non-regular Partner-16), Homosexual -1, syringe/needle thianghlim lo-19, Nu leh Pa atanga kai-2. Tun dinhmun ah ART Centre a in register zat hi -663 an ni a, Aril 2025- January 2026 a in register zat- 60 niin tun dinhmunah alive on ART hi 541 an ni mek a ni.

Bawrhsap Pu Donny Lalruatsanga chuan thawktute inpekna leh report felfai tak ngaihthlak a ni chu lawmawm a tih thu sawiin, thutkhawm hi a khar a ni.