No.298/2020-2021

Dr. Lalzirmawia Chhangte, IAS, Serchhip District Bawrhsap chuan Serchhip District chhunga Bank hrang hrang aiawh thawktute ko khawmin, tunlaia hri leng avanga mipuite harsatna sut kianna tura sawrkar atanga hamthatna dawn tur hrang hrangte mipuiin sum faia an dawn thuai theih dan tur chungchang a sawi pui.

Bawrhsap chuan sawrkar scheme hrang hrang- Pradhan Mantri Vijawala Yojona (PMUY), Pradhan Mantri Jan-Dhan Yojana (PMJDY) leh Mizoram Building and Other Construction Workers Welfare Board in an memberte Rs. 3000 theuh an account-a a thunsak turte chu a dawngtu turten sum faia an dawn ngei theih nan leh bank kaltlanga an sum mamawhte an lak chhuah ngei theih dan tur a sawi pui a. A bikin thingtlang miten an pawisa dawn tur a sum faiin hmu sela, hman loha awm mai mai lovin an mamawh phuhruk nan an hman ngei theih dan tur ngaihtuah sak a tul a ni, a ti a. District chhung khaw hrang hranga ATM booth awm lohna khuate pawhin pawisa an lakchhuah ve theih dan tur ngaihtuah sak turin Bank hnathawkte a chah bawk a ni.

Heng sawrkar scheme hrang hranga tanpuina dawngtu turte hming hi a rang thei ang bera lakkhawm a, Local Task Force kaltlanga a dawngtu turte hriattir nise tih, a ni a. Bank Account hman ngai tawh loh avanga beneficiary account a pawisa lut thei lote pawh a rang thei bera siam that a nih theih nan Bank hnathawktuten hma an la dawn bawk a ni. Tin, beneficiary ten bank atanga pawisa an lakchhuah theih nan Local Task Force te hman tangkai nise, veng/khua inchhawkin ruahmanna siam nise, tih a ni bawk a ni.

He huna hian Pu HD Lalpekmawia, MCS, Addl, DC, Pi C. Lalduhzuali, SDO(Sadar), Pu Vanlalhmachhuana, MCS te an tel a, District chhunga Bank hrang hrang aiawh an tel kim vek a ni.