Vawiin chawhma dar 11:00 khan Champhai Bawrhsap Pu Vijay Kumar Bidhuri kaihhruaiin I&PR Conference Hall, CHANEM building-ah Champhai District chhunga Faina Hapta hman dan tur chungchang relho a ni.
Meeting tan hnu hlan Pu R.Lalnunmawia, DLAO chuan Faina Hapta hman dan tura programme lo duanlawk leh ruahmanna hrang hrang te a sawi hmasa a. Hemi hnu hian kalkhawmte chuan an sawiho zui nghal a ni. He meeting-a rel dan chuan Faina Hapta tan ni, October ni 2 khian Champhai khawpui chhunga V/C tin ten anmahni huam chhung theuhah he Hapta hawnna hun hi hman ngei nise, an ti a. Hapta hawn ni emaw, Hapta hman chhung hian anmahni huam theuhah faina kawnga hmalakna atan hnatlang neih theuh nise, bawlhhlawh paihna lirthei mamawh a nih chuan Champhai LAD in an Iirthei an pe thei ang tih he hunah hian tarlan a ni a. Faina pawimawhzia leh mipuite hemi lama an lo thanharh zual theih nan Champhai Local Cable TV pahnih CCN leh LCN ah te Champhai Bawrhsap Pu Vijay Kumar Bidhuri chuan thu sawi se tih a ni a. He Hapta hman chhung hian Champhai MJA ten an chanchinbu theuhah faina lama mipui zirtirna kawng hawi zawnga thuziak a tam thei ang ber tarlang tura ngen an ni. Khawlai dunga footpath, retaining wall te chei thar, that leh rawng hnawlh that nise, hei hi YMA lamin anmahni huam theuhah hma lo la se, Chinai (lime) mamawh chu LAD in lo tum se an ti a. DEO leh SDEO te chu an huam chhunga school hrang hrangah he Hapta hman chhung hian faina kawnga hmalakna tur hrang hrangte lo kawhhmuh thin se an ti bawk.
Faina Hapta hman chhunga veng hrang hrang, zirna In leh office fai te thlan chhuah nise tih he meeting-ah hian rel a ni bawk a. A endik turin a hnuai mi ang hian endiktu tur ruat nghal a ni.
1. Veng fai (V/C huama mi) endik turin - YMA Sub-Hqrs- Champhai
2. Office fai endlk turin - MJA Champhai District
3. Zirna In fai endlk turin - DEO/SDEO & Staff te ruat an ni.
Faina Hapta hi October ni 8, 2010 khian Kahrawt YM Hall-ah a kharna hun hman nise, he hunah hian faina kawnga hma la tha te hnenah lawmman sem nise an ti a. He hunah hian DLAO, LAD chu chairman niin District Bawrhsap Pu Vijay Kumar Bidhuri chu khuallian nise tiin thutlukna siam a ni bawk.
Faina Hapta hman chhunga veng hrang hrang, zirna In leh office fai te thlan chhuah nise tih he meeting-ah hian rel a ni bawk a. A endik turin a hnuai mi ang hian endiktu tur ruat nghal a ni.
1. Veng fai (V/C huama mi) endik turin - YMA Sub-Hqrs- Champhai
2. Office fai endlk turin - MJA Champhai District
3. Zirna In fai endlk turin - DEO/SDEO & Staff te ruat an ni.
Faina Hapta hi October ni 8, 2010 khian Kahrawt YM Hall-ah a kharna hun hman nise, he hunah hian faina kawnga hma la tha te hnenah lawmman sem nise an ti a. He hunah hian DLAO, LAD chu chairman niin District Bawrhsap Pu Vijay Kumar Bidhuri chu khuallian nise tiin thutlukna siam a ni bawk.
