Vawiin khan District Task Force on Immunization Chairman Pi Lalbiaksangi District Bawrhsap ni bawk hovin D.C Conference Hall ah thutkhawm a ni. 

Meetingah hian Intensified Pulse Polio Immunization (IPPI) 1st Round 2017 District chhunga hmalakna thlirlet niin hmalakna hi a tha thawkhat hle in hriat a ni a,  97.5 % in hlawhtlinna hmuh a ni. Mamit District chhunga naupang kum 5 (nga) leh a hnuai lamah 10948 target atangin naupang 10682 hridanna pek an ni a, Mission Indradanush (MI) 4th Phase 1st Round Microplan thlirletna neih niin naupang kum hnih hnuai lamah 139 awmah naupang 91 te hnenah hridanna pek niin hei hi 65% a ni, Nu naupai 43 atangin 36 te hnenah hri danna hi pek an ni bawk a, hei hi 83 % a ni thung a ni. Mission Indradanush 4th Phase 2nd Round thlilawkna neih nghal niin Naupang 86 leh Nu naupai 28 te tuam tum a ni. 

Meeting-ah hian Mamit District Hospital chu Quality Assurance Certificate hmuh theihna tura hmalak dan tur sawiho nghal a ni a, tunah hian khum 30 awmin Doctor pali in an thutchilh mek thu leh Quality Assurance hmuhna tura tehna 70% chu tun dinhmunah chuan tlin a la harsat thu Pu Vanlalnghaka, DMS chuan sawiin tun ah hian Mamit District Hospital chuan 58% an hmuh mek thu a tarlang bawk a ni. 

Vawiin meeting-ah hian Nu in siam tawh naupai leh si te tana hamthatna dawn tur ang chi an dawn theih nana recommendation sorkarah theh luh ni se tih a ni a, Nu naupai thei lo tura insiam tawh naupai leh te hian an pai atanga  ni 30 days chhungin he hamthatna hi dawng turin an dil thei a ni. 

Mamit District Hospital a lo changtlung zawk nan leh tan lak thar nan Infant and Maternal Death Review neih nghal bawk niin, nikum chhunga Nu, nau chunga thi pahnih leh naute 17 District chhunga thi te chu a chhan chhui chianna damdawi lam hnathawk te tangin neih a ni a, nunna chan ta chhungte atangin thusawi ngaihthlak a ni bawk. 

Nu nau chunga thi leh nausen nunna chante chu an tuarpui takzet thu leh nunna chu Pathian kuta awm nimahse Nu leh nausen chunga a tlem theih nan arang thei ang bera damdawiin leh mithiamte pan thin turin mipui a tam thei ang bera hrilhhriat ni se meeting hian a ti bawk a ni.  

Meetingah hian CMO, SMO, DMS, DEO, Addl SP bakah Tlawmngai Pawl atang leh District Hospital Medical Officer te an tel a ni.