Sawrkar ruahmanna angin District Boundary chungchangah Pu V. Lalremthanga, IAS District Bawrhsap kaihhruaina-in D.C’s Conference Hall, Mamit-ah vawiin ni 25 June, 2013 hian sawihona hun hman a ni.

He hunah hian District inawpna leh inrelbawlna felfai zawka a kal theih nan District Boundary chungchanga harsatna awmte leh awm theite sawi ho niin Meeting chuan felfai zawka District chhunga inrelbawlna a kal theih nan Mamit District Boundary chu kum 1975-a sawrkarin Mamit Sub-Division Area tura a ruahman ang kha ni se, chubakah District Boundary inkal thelha Department hrang hranga hmalakna awm te hi Department kaltlanga siam rem tura rawtna sawrkarah thlen ni se tih te rel a ni bawk.

Hetih lai hian Lengpui khaw chungchangah sawrkar ruahmanna chu pawmin Tripura nena kan inrina laia harsatna awm thinte chu Inter-State Boundary anih angin sawrkar kut a nih thu sawi lan a ni bawk.

He meeting-ah hian Mamit District Heads of Offices te an tel tha hle a ni.