Vawiin ni 23 May, 2013 hian DC’s Conference Hall, Mamit ah District Disaster Management Committee chuan Pu V. Lalremthanga IAS, District Bawrhsap Mamit kaihhruaina-in Joint meeting an nei.
He Joint meeting-ah hian Central sawrkar duh dan anga Mamit District tana District Disater Management Plan buatsaih ngun taka thlir ho a ni a. Pu V. Lalremthanga IAS District Bawrhsap MAmit chuan chhiatrupna thleng laka mitinte kan fihlimna tur Central sawrkar ruahmanna a siam dan leh an in khaidiat dan te sawifiahin chumi kalzela District Levela kan mawhphurhna te members te a hrialfiah a ni.
He meeting-ah hian District Disater Management Plan tih changtlun dan turte huam zau takin sawiho a ni a, tuna Mamita Emergency Operation Centre (EOC) hi changtlung zawka buatsaih ni se, hmanraw tul angte enfiah a a theih ang anga ngaituah ni se tih te bakah Team hrang hrang 10-a Leader leh members te ruahman turin District Standing Committee On Disaster Management te ruat ni se, Joint Committee chuan a ti bawk.
He Joint meetingah hian committee members te, BDO’s Reiek, West Phaileng leh Zawlnuam te Mamit khawpuia heads of offices te, SDO’s te, MJA aiawh te, khawtlang hruaitu V/C President theuh te, Preseident Sub Hqrs YMA, MHIP leh MUP te bakah Mamit khawpuia Branch YMA president te mi thahnem tak an tel a ni.
Chairman chuan chhiatrupna thleng laka kan him zawk theih nan invenna leh ruahmanna felfai tak neih a tul thu sawiin hemi kawnga rawtna neite chuan eng hunah pawh a hnenah thlen turin members te a chah bawk.
