Vawiin khan Lunglei District-a chhiatrupna lo thleng thin chungchanga a thuneitu sang ber Lunglei  District Disaster Management Authority chu an Chairman Pu Ashish Madharao More, IAS hovin an thukhawm a. Lunglei District-a chhiatrupna lo thleng thinte sorkar-in a hmachhawn dan leh hmalak zel dan tur an sawi ho.

Disaster Management Act, 2005-in a phut angin Lunglei District chhunga sorkar office zawng zawngte Office Disaster Management plan siam a, a rang thei ang bera DC office-ah thehluh turin rel a ni a. He meeting hian  District Disaster Management Plan chu belh ngai lai belh tulte belh ni se tiin an pawm  bawk.