Nimin Ni 16.02.2020 khan DC Office Chamber, Mamit-ah District Disaster Management Committee, Mamit District chu an Chairman Dr.Lalrozama, IAS, Chairman, District Disaster Management Authority leh Deputy Commissioner, Mamit District ni bawk kaihruaina-in thutkhawm a ni a. Meeting-ah hian Lalrinchhana, District Organiser, Mamit District chuan DDMA Mamit District hmalakna leh report hrang hrangte pein sawiho zui a ni.

Meeting-ah hian Mamit District-in chhiatna a tawh thin chi hrang hrangte laka inven dan tur te, Mamit District chhung a chhiat tawhna hmuna a tul anga che tur Quick Respond Team (QRT) din dan tur bakah Coronavirus venna tur chungchanga State Disaster Respond Fund hman tangkai dan turte sawiho a ni bawk.

Nimin thutkhawmah hian Mamit District-a Disaster Management Authority Members-te bakah Mamit DC office atangin SDO(Sadar) leh SDC, Mamit te'n an tel pui bawk a ni.