995/2026-2027

AIZAWL; 12^th June,2026: Vawiin chawhnu khan  Er. Lalhriatpuia, District Election Officer, Aizawl District chuan  DC Pisa Pui Hall-ah Special Intensive Revision(SIR),2026  kalpui mek chungchangah Press Meet kovin, chanchin thehdarhtute nen an inkawm.

Er. Lalhriatpuia chuan SIR-in a tum ber chu voter ni tlak India khua leh tui dik tak chu pakhat mah Electoral Roll a chuan tir hmaih loh leh, voter ni theilote chu Electoral Roll a chuantir palh loh a ni, tiin, SIR hi India Constitution Article 324 leh Section 21, Representation of the People Act, 1950 leh Registration of Electors Rules, 1960 ten thuneihna an pek angin Election Commission of India chuan a kalpui a ni a. Mizoramah pawh May 20 atang khan chak taka kalpui tan niin,  June ni 28 thlenga kalpui tur a ni.

SIR, 2026-ah hian ECI thu angin Electoral Roll thar siam a ni dawn a. Electoral Roll-a hming awmsa zawng zawng leh voter ni thei zawng zawngte chuan Enumeration Form hmangin registration dil thar vek tur a ni, a ti.

Er. Lalhriatpuia chuan Aizawl District mipui te hnenah ngenna siamin, Aizawl District chhunga cheng te chu Special Intensive Revision (SIR) 2026 chhung hian a hun takah leh dik takin Enumeration Form te buaipui theuh tur in kan in ngen a, BLO leh election lama hnathawk dangte chu tha taka lo tawiawm turin ka sawm duh che u a ni. Electoral Roll dik tak kan neih theih nan theihtawp chhuah turin ka sawm vek che u a. Democracy chak zawk leh dik tak, electoral roll felfai kan neih nan kan pawimawh em em vek a ni tih I hre thar ang u, a ti.

Media-te Hnenah pawh ngenna siamin, Pu Hriatpuia chuan SIR 2026 chungchang hriattirna theh darh te, mipuite hnena SIR chungchang zirtirna kawngah District Election Officer's Office atanga thuchhuah pawimawh heng: SIR hunbi, kalphung, voter tling thei leh theilote leh ni pawhmawhte hi uluk taka mipuite hnena min puanzar sak thin turin ka ngen che u a. SIR chungchangah thudik tawklo emaw thu hriatfuh tawk loh avanga buaina awm thei te anih avangin chutiang hun a lo thleng palh anih chuan thu chiang zawk District Election Officer's Office, Aizawl-ah zawt fiah hmasa zel turin ka ngen takmeuh che u a ni. Thu diklo leh belhchian dawllo te tihdarh palh anih loh nan leh mipuite kan lo fimkhur zawk nan hetiang lam zawhna awm reng reng chu District Election Officer's Office ah leh Electoral Registration Officer's Office tinah Helpdesk kan siamah te leh Election Office, Aizawlah te zawhfiah theih reng a ni, a ti.

SIR a Voter inziak lut tura chuan heng mite hi an ni tur a ni : 

1. India khua leh tui dik tak a ni tur a ni.

2. Qualifying Date (01.07.2026)-ah kum 18 a tling tawh tur a ni.

3. Assembly Constituency-a cheng (ordinarily resident) a ni tur a ni.

4. Parliament-in dan a siam anga voter ni thei ngei a ni tur a ni, tiin Pu Hriatpuia a chuan a tarlang bawk.

Vawiin Press Meet-a Aizawl district chhunga SIR hmalak tawhna  leh hriattur pawimawh dang tarlan te chu:

Tunah hian Aizawl district chhungah Enumeration Phase (House-to-House visit) hi kalpui mek a ni a. A tlangpuiin hetiang hian hna thawh mek a ni:

Booth Level Officers (BLOs) ten in tinah kalin, Enumeration Form print sa te hi an sem zo tlangpui tawh a, 99.57% sem zawh tawh a ni.

BLOs ten Enumeration Form khawnkhawm leh digitized hna hi an thawk mek a, tunah hian Aizawl District ah digitization hi 47.34 % tih zawh tawh a ni.

Mahni a Form fillup thei lo emaw thiamlo, tanpui ngai te tan BLO te hnenah emaw, Helpdesk-ah te zawhfiah theih a ni a, Help Desk hi DEO Office-ah leh EROs te office theuhah dah a ni a, a kimchang in Annexure-2 ah tarlan a ni.

Enumeration Form hi online pawhin a thehluh theih a, voters.eci.gov.in ah leh ECINET App hmangin theh luh theih a ni a, ECINET App hi Google Playstore leh App Store-ah download theih a ni.

2005 SIR-a voter details hi voters.eci.gov.in ah en theih a ni.

Aizawl District huam chhung SIR kalpui mek dinhmun hetiang hi a ni:
 

SIR HNA THAWH HUNBI:

Aizawl District-ah hian Assembly Constituencies 12 a awm a, heng AC tinah hian ERO leh AERO pakhat theuh an awm a.BLO-324 leh Asst.BLO-287 awmin, BLO Supervisor -36, Booth Level Agent (BLA)-680 an awm bawk.

Training hi ERO / AERO/BLO/ABLO/BLO Supervisor / BLA/Political parties leh NGO te tan buatsaih tawh a ni bawk.

Enumeration Form fillup sa thehluh rual hian document engmah thehluh tel a ngai lo a ni. 

1. BLO-te chuan in tinah kalin Enumeration Form sem leh khawn hna an thawk mek a, hei hi 28th June, 2026 thleng kalpui a ni ang.

2. Mahni veng/khuaa awm remchang lo te chuan voters.eci.gov.in atangin online in form an thehlut thei.

3. Draft Electoral Roll chhuah hnuah electoral roll a luh thar, siamthat, insawn leh thil dangte dil theih a ni ang.

4. Voter-te chuan voters.eci.gov.in hmangin 2005 SIR hnuhnung ber an en thei.

India khua leh tui dik takte chu Electoral Roll atanga paih an nih loh nan fimkhur taka hmalak a ni ang a. Draft Electoral Roll-a hming tel lo te pawhin document tulte thehlutin electoral-a luh leh theihna hun remchang claims & objection period an nei ang.