Vawiin chawhnu khan Champhai DC Conference Hall-ah District Election Officer Dr.Naveen Aggarwal, IAS hovin kumin inthlanpui neih tur chungchanga hmalakna a bik takin inthlanni a chetlak dan turte sawiho a ni.

Meeting-ah hian vote thlak ni a duty turte inbiakpawhna leh kal dan turte ennawn a ni a. Pi Lalhruaitluangi, ARO, 21-Lengteng (ST) A/C in Inthlan ni a darkar hnih dan zela vote tla zat report thehluhna Pollstar ti a vuah chungchang a sawifiah a. Champhai District chhunga Polling Station 137 zinga 126 ah te inbiakpawhna a that laiin Polling Station 11 dangah te a awm loh emaw, awm that loh avangin MPRO hmanga inbiakpawhna siam tum a ni.

Heng bakah hian Polling Party ten Pollstar tangkai taka an hman theih dan turte ruahman a ni a. Critical Polling Station a duty dan turte sawi a ni bawk a. District Election Plan sawiho niin inthlan kaihhnawiha   harsatna,, zawhna leh mamawh thlen theihna tur District Control Room chu tangkai taka hman anih theih dan turte tarlan a ni a, a biak pawh theihna number chu 03831-234402 (Landline), 7629877660 (Mobile) leh 7638928848 (Mobile) a ni a, heng number tarlan te hi engtiklai pawha biakpawh theih reng a ni.