No.2841/2021-2022
Aizawl the 1st November 2021: Ni 1.01.2022 behchhan a Special Summary Revision of Electoral roll buatsaih nana hman tur, 5-Kolasib (ST) Assembly Constituency leh 6-Serlui (ST) Assembly Constituency Draft Electoral Roll chu Dr.H.Lalthlangliana, District Election Officer chuan vawiin chawhnu khan DC Conference Hall, Kolasibah a tlangzarh.

He hun hi Pu Vanlalchhuanawma Chawngthu, Election Officer-in kaihruaiin Dr.H.Lalthlangliana, DEO chuan Electoral roll siam that hna kalpui dan tlangpui sawi zauna hun a hmang a, Draft Electoral Roll bu hi 5-Kolasib (ST) leh 6 - Serlui (ST) Assembly constituency ERO leh Political party aiawha lo kalte hnen ah pekchhuah nghal a ni. He hunah hian District Level Standing Committee member-te an tel a ni.
Draft Electoral Roll-ah hian 5-Kolasib (ST) Assembly Constituency-ah voter 22931 awmin mipa 10899 leh hmeichhia 12032 an awm a. Polling Station 29 awmin voter tamna ber Polling Station chu Bairabi II a ni a, voter 1297 awmin voter 420 awmna Venglai East II chu voter tlemna ber Polling Station a ni.

6-Serlui (ST) Assembly Constituency-ah hian voter 20405 awmin mipa 10036 leh hmeichhia 10369 an ni a. Polling Station 34 awmin voter 991 awmna Rengtekawn chu voter tamna ber Polling Station a ni a. Saihapui 'V' Polling Station voter 165 awmna chu voter tlemna ber Polling Station a ni.