Vawiin chawhma dar 11:00 khan Champhai District Fire Prevention Committee leh Green Mizoram Day 2009 Committee chu Champhai DC Office a, Addl. D.C.Office Chamber-ah an thukhawm a, he Committee chhawng hnih hi Pu A.Biaklawma, Addl.DC in a kaihruai a ni.
Chairman chuan Committee koh a nih dan kalphung a sawifiah hnuah Environment & Forest Department aiawhten kumina ramkang venhimna kawnga hmalak dan tlangpui leh Green Mizoram Day 2009 hmanna tura inpuahchah dan tlangpui an sawifiah a, kumin hian Champhai District chhunga ram kang venhimna lamah mipuiten nasa taka tan an lak avangin ram tikang miah lo khua 17 an awm a, kangmei avanga hliam tura 2 te tanpuina pek turin hmalak mek a nih thu leh Champhai District chhunga YMA Branch 110 te hnenah kangmei ven kawnga an hmalakna avanga lawmman siam sak an nih thute an report a ni.
Kumina Champhai District a kangmei veng tha khua thlan fel an ni a, 1) Vangtlang, 2) New Chalrang leh 3) Pamchung khuate chu kangmei veng tha bik, Champhai District a lawmman dawng turin thlan an ni a, Aizawl atangin an lawmman an la rawn pe dawn a ni.
Green Mizoram Day, 2009 hman dan tur chungchang rel tel nghal a niin he Ni hman hun tur hi sawkarin a la bithliah fel loh avangin a ni tur hriatfiah a nih hunah Committee thutkhawm leh nise an ti a, Green Mizoram Day 2009 lo thleng tur atan Environment & Forest Department in thing phun turte, a phunna tur leh thil tul dangte an lo buatsaih lawk ang a, kawngpui dung, mimal ram leh sawrkar office leh ramah te a tam thei ang thing phun tura lo inpuahchah lawk nise an tih bakah Aizawl Road leh Zokhawthar panna kawngpui dung chu National Highway atana laih zau a ni dawn avangin thing phun thar tawh lovin a awmsa te enkawl zui nise an ti a, YMA ten thing an lo phun tawh hung that leh a bul sam fai hna thawk zawm tura ngen nise tih a ni bawk.
Environment & Forest Department in thing tiak thahnem tak phun tur an ruahman fel tawh a, hei hi hun remchang ah mimal leh pawl ho tan a thlawna semchhuah a ni ang.
Kumina Champhai District a kangmei veng tha khua thlan fel an ni a, 1) Vangtlang, 2) New Chalrang leh 3) Pamchung khuate chu kangmei veng tha bik, Champhai District a lawmman dawng turin thlan an ni a, Aizawl atangin an lawmman an la rawn pe dawn a ni.
Green Mizoram Day, 2009 hman dan tur chungchang rel tel nghal a niin he Ni hman hun tur hi sawkarin a la bithliah fel loh avangin a ni tur hriatfiah a nih hunah Committee thutkhawm leh nise an ti a, Green Mizoram Day 2009 lo thleng tur atan Environment & Forest Department in thing phun turte, a phunna tur leh thil tul dangte an lo buatsaih lawk ang a, kawngpui dung, mimal ram leh sawrkar office leh ramah te a tam thei ang thing phun tura lo inpuahchah lawk nise an tih bakah Aizawl Road leh Zokhawthar panna kawngpui dung chu National Highway atana laih zau a ni dawn avangin thing phun thar tawh lovin a awmsa te enkawl zui nise an ti a, YMA ten thing an lo phun tawh hung that leh a bul sam fai hna thawk zawm tura ngen nise tih a ni bawk.
Environment & Forest Department in thing tiak thahnem tak phun tur an ruahman fel tawh a, hei hi hun remchang ah mimal leh pawl ho tan a thlawna semchhuah a ni ang.
