Vawiin chawhnu khan Pu Benjamin Lalzama, DC Lunglei mawhphurhna la mek tu kaihhruaina in DC Conference Hall, Lunglei ah District Level Electoral Literacy Clubs chungchang meeting neih a ni.

Pu James Lalnithanga, Election Officer, Lunglei chuan Election Commission Of India duhdan angin khua leh tui ten inthlan kaihnawih thil vote hlut zia, EVM,VVPAT leh thil pawimawh dang te zirtirna Electoral Literacy Club a duang a, ELC hi inthlan kaihhnawih thil thar a ni a Election Commission Of India chuan State level leh District level a committee neih tur a tih a ni. A vawikhat nan Lunglei ah pawh ECL chungchang ah District Level Meeting neih a ni a, ELC kalpui tur hian school, college, non formal leh Gov’t Office ah te Club din a, a thawh khat nan khawpui chhung ah kalpui phawt tur ni in, 30% huam tura tih a ni. Election Office, Lunglei chuan Baptist Higher Secondary School, Serkawn, Gov’t Leitlangpui Higher School leh Gov’t Higher Secondary School ah te kalpui tura tih a nih angin Club te din in Nodal Officer te ruat an ni a, school naupang  class IX zirlai leh a chunglam ten vote an neih hma atanga inthlan kaihhnawih te hre sa tura zirtirna lo pek lawk nise tih a ni. College level ah pawh officer leh ambassador ruat ni in Non formal ah hian Home hrang hrang leh District Jail ah te bialtu BLO kaihhruaina in VC,YMA leh MHIP te nen a tang hovin zirtirna pek nise. Gov’t Office ah UD&PA, DAO leh DHO ah te Nodal Officer ruat a kalpui nise tih a ni bawk. Heng Club din tawh na Nodal Officer te hi Election official ten training pe tura rel a ni a, School leh College level a Nodal Officer te hian  mahni school leh college ah chauh ni lovin a inchhawk in zirtirna pek nise. Programme neih apiangin ERO in vil se, thlalak leh programme hman dan te ziak in election Office ah thehluh tura rel a ni. District Level Master Trainer turin Dr.Malsawmtluanga Fanchun, BDO, Lunglei chu ruat a ni.