Vawiin chawhma dar 11 khan Champhai Venglai Community Hall-ah Pu Vanlalsiama, DFO kaihhruaina in kangmei ven hapta hawn inkhawm neih a ni a. Pu T.T. Zothansanga, MLA chu khuallian a ni.
Kangmei ven hapta hawn inkhawm ah hian thu sawiin Khuallian Pu T.T. Zothangsanga chuan khawvel changkang chho mekah mihringte hmasawnna lam kawnga kan inthlansiak mek lai hian kawng lehlam-ah chhiatna langsar tak pathum - Drugs, AIDS leh Ram chereu nasa tak kan hmachhawn mek bawk a ni, a ti a. Chutah chuan a pathumna ram chereu nasat avanga tuarna chu mitinin kan hmachhawn mek a ni, a ti a. Ram kang leh thing kih nasat avangin boruak thinghlim, tui in tur leh eitur thlengin a kiam a, kan dinhmun pawh a him ta lo hle a ni ti a sawi zelin khuallian chuan he khawvel tlu chhe mek tung ding leh tur hian tudang nilovin keimahni kan pawimawh thu uar taka sawiin Mizoram bak ramdang kan nei lova, kan tu leh fate nuam zawk leh hrisel zawka an chen theih nan tuna cheng mekte hian ram kang kan ven a ngai a ni a ti. Natna leh hrileng tam zawk hi chu boruak thianghlim lo atanga chhuak an nih avangin mitinte lo hrisel zawk theih nan thingphun uar a ram ti kang lo turin fuihna thu tha takin a sawi a ni.
Inkhawm kaihruaitu Pu Vanlalsiama Khawlhring, DFO chuan Champhai leh a chhehvel atangin Aizawl lamah meihawl a chhukthla nasa lutuk chu a vei thu sawiin hmun thenkhat-ah phei chuan heng meihawl te hi Zu sak nan an hmang nasa hle nia a hriat thu sawiin hetiang reng anih chuan nakina a la tuar nasa ber tur chu Champhai mipuite an ni tiin tun atanga thing phun uar tur leh ram ti chereu a ti kang lo turin mitin a ngen a ni.
Pu C. Lalawmpuia, President, YMA, Sub-Hqrs., Champhai pawhin thu sawiin Faina Hapta te, ram kang ven hapta te chu kar khat chauh huam tura tih a ni lova, a hawnna hapta mai a niin kumtluana zawm tur a ni a ti.
Rev. Laldailova chuan he inkhawm hunserh hi a hmang a. Pu H. Zakiama, RO chuan vote of thanks a sawi a bawk a ni.
Inkhawm kaihruaitu Pu Vanlalsiama Khawlhring, DFO chuan Champhai leh a chhehvel atangin Aizawl lamah meihawl a chhukthla nasa lutuk chu a vei thu sawiin hmun thenkhat-ah phei chuan heng meihawl te hi Zu sak nan an hmang nasa hle nia a hriat thu sawiin hetiang reng anih chuan nakina a la tuar nasa ber tur chu Champhai mipuite an ni tiin tun atanga thing phun uar tur leh ram ti chereu a ti kang lo turin mitin a ngen a ni.
Pu C. Lalawmpuia, President, YMA, Sub-Hqrs., Champhai pawhin thu sawiin Faina Hapta te, ram kang ven hapta te chu kar khat chauh huam tura tih a ni lova, a hawnna hapta mai a niin kumtluana zawm tur a ni a ti.
Rev. Laldailova chuan he inkhawm hunserh hi a hmang a. Pu H. Zakiama, RO chuan vote of thanks a sawi a bawk a ni.
