Mizoram sorkar ‘Sports & Youth Services Department, Lunglei District’ te bultuma buatsaih ‘District Level Inter High School Sports Meet, 2009’ ni 22 - 25 September 2009 inkara Saiha-a neih tur chu inbuatsaihna a kal mek zel a. He sports meet hi nikum 2008 lama lo neih tawh angin Saiha District High School Sports Committee ten an buaipui dawn a ni. He sports meet buaipui tur hian Chairman atan Deputy Commissioner, Saiha chu ruat a ni a. Working Chairman atan Pu C. Hrangthuama, Principal, Govt. Higher Secondary School, Saiha chu ruat a ni. Secretary atan Pu T.T. Khulua, Teacher Govt. High School Saiha leh Treasurer atan Pu C. Roliana, Headmaster Govt. Saiha High School chu ruat an ni bawk. Heng mite hian an thawhpui tur Committee Member turte an ruat veleh in a chak thei ang bera hma lo la tura beisei an ni. He Sports Meet ah hian heng Sports Discipline hrang hrangah te hian HS zirlaite an inel dawn a ni.

1.    Athletics    -    Shotput, Discuss Throw, Jevellin Throw leh Long Jump                     ( hengte hi individual item hmeichhia leh mipa tan an ni)
2.    Table Tennis  -    (Hmeichia leh mipa tan)
3.    Badminton     -    (Hmeichia leh mipa tan)
4.    Voley Ball      -     (Hmeichia leh mipa tan)
5.    Football        -       (Hmeichia leh mipa tan)

A chunga tarlan Sports discipline pakhat zelah te hian lawmman tangka fai Rs. 10,000/- theuh leh certificate pek tura ruahmanna siam a ni a.