Vawiin khan Lunglei District Level Standing Committee on Election chu Lunglei DC/DEO Pu Ashish Madhaorao More, IAS hovin ama office chamber-ah an thukhawm a, MP(LS) inthlan awm tur atana hmachhawp leh hmalakna turte an sawiho a ni. He meeting-ah hian election kaihhnawih officials-te bakah political party aiawhte an tel a ni.

DC/DEO Pu Ashish More chuan March ni 5, 2014 khan ECI-in General Election neih tur a puanzar takah chuan Model Code of Conduct chu hman tan a ni nghal a, chuvangin political party-te pawh an thiltih leh thuchhuahah MCC kalh zawnga che lo turin a chah. ECI thuchhuah hnuhnung berah Mizoram MP Candidate senso chu Cheng nuai 70 chin a nih thu leh, Candidate-in hming a thehluh atangin a senso zawng zawng chu nitina thehluh tur a ni ang a, hei hi Expenditure Accounting Team ten uluk takin an endik dawn a ni tih hrilh bawk. Inthlanpui Result puan ni tur May ni 16, 2014 atanga ni 30 chhungin election agent-te chuan an Candidate senso zawng zawng chingfela, thehluh tur a ni, a ti.

ECI thuchhuahah Mizoram chu General Elections to the House of the People Schedule No.2 hnuaihah awmin, hetiang hian inthlan dan tur ruahman a ni :