Vawiin khan Lunglei District Level Standing Committee chu an Chairman Lunglei DC Pu V.Sapchhunga hovin a pisaah an thukhawm a, Special Summary Revision, 2014 chungchanga Election Commission of India thuchhuah bawhzuiin Lunglei District chhunga hmalak dan tur an sawiho a ni.

Vawiina meeting-ah hian Political Party ten BLA an ruat tur chungchang te, Voter tamna deuh Polling Station then dan tur (Rationalisation of Polling Station) bakah Voter hming pe lut thar turte leh hming paih ngaite chungchanga hmalak dan tur an rel a ni. ECI thupek ang chuan khawpui chhung (Urban)-a Polling Station pakhatah Voter 1200 aia tamna chu pahnihah then tur tih a ni a, thingtlang khua (Rural)-a Polling Station pakhatah Voter 1000 aia tam awmna chu then tur tih a ni thung a ni. Rationalise tura tih Polling Station-te chu : 30/15-Pukpui, 31/8-Farm Veng, 31/10-Ramthar I, 33/31-Thingfal leh 34/30-Phairuangkai te an ni a; heng bakah hian Committee member-te atangin Polling Station rationalise tula an hriat engemawzat chungchang pawh sawiho a ni. Heng Polling Station then tharte chu tun Special Summary Revision-ah an tel hman lo tur thu meeting-ah hian sawi a ni bawk.

Election Commission of India chuan Mizoram rual hian hmun dang 4 – Chhatisgarh, Madhya Pradesh, Rajasthan leh NCT of Delhi – te chu Special Summary Revision nei turin a hriattir a, he Electoral Roll thar berah hian hming pe lut thar turte chu ni 1.1.1996 aia tlai lova piang an ni tur a ni. Special Summary Revision of Electoral Roll, 2014 bawhzui dan tura ECI-in a ruahman time-table chu a hnuaia mi ang hi a ni :