486/2024-2025

Aizawl, 15th May, 2024 : Office of the Chief Electoral Officer, Mizoram buatsaih District-Level SVEEP and Media Competition leh Voter Turnout Competition result te chu vawiin khan R.B. McCabe Hall, Aijal Club-ah puan a ni. District–Level SVEEP Competition-ah hian District tinah District Election Officer ten mipuite hnena vote thlak pawimawhzia inzirtirna kawnga an hmalakna theuh te chu tehfung hrang hrang hmanga teh a ni a. Voter Turnout Competition-ah hian vote tlak that zualna Polling Station 10 thlan chhuah niin heng Polling Station bialtu Booth Level Officer-te hnenah lawmman pek an ni.

A hnuaia tarlante hi District-Level SVEEP and Media Competition a lawmman la tute an ni :

Pakhatna – Khawzawl District

Pahnihna – Lawngtlai District

Pathumna – Kolasib District

Lawmman pakhatna hian tangkafai cheng 30,000 leh chawimawina thuziak, pahnihna hian tangkafai cheng 20,000 leh chawimawina thuziak, pathumna in tangkafai cheng 10,000 leh chawimawina thuziak a keng tel a ni.

Voter Turnout Competition-a lawmman dawngtute (bracket chhungah vote tla zat % tarlan a ni) :

Pakhatna – Pu Lalhmingliana, BLO, 23/21 – Keifangtlang Polling Station (106.41%)

Pahnihna – Pu Lalzawnzela, BLO, 25/3 – New Hruaikawn Polling Station (100.00%)

Pathumna – Pu HC Lalawmpuia, BLO, 37/32 – Sekulhkai Polling Station (97.73%)

Palina – Pu Lalthlamuana, BLO, 33/20 – Hmunthar Polling Station (96.00%)

Pangana – Pu V. Laldinliana, BLO, 34/37 – Chhuahthum Polling Station (93.14%)

Parukna – Pu Podha Kumar Chakma, 37/39 – Damlui Polling Station (92.34%)

Pasarihna – Pu Joy Kanti, BLO, 37/6 – Tuikhurlui Polling Station (91.01%)

Pasarihna – Pu Lalbiakzawla, BLO, 37/63 – Chamdurtlang – II Polling Station (91.01%)

Pariatna – Pu Krishna Sen Chakma, BLO, 36/21 – Nakdarasora Polling Station (90.94%)

Pakuana – Pu Dennis Lalramchhana, BLO, 37/60 – Chamdur P-I Polling Station (90.63%)

Lawmman pakhatna hian tangkafai cheng 8,000 leh chawimawina thuziak, pahnihna hian tangkafai cheng 7,000 leh chawimawina thuziak, pathumna in tangkafai cheng 6,000 leh chawimawina thuziak, a dang zawng hian tangkafai cheng 5,000 leh chawimawina thuziak an dawng a ni.

Dr. H. Lianzela, IAS, Addl. CEO chuan Democracy ramah chuan mipui ta, mipui len theihna sawrkar tha tak a awm a ngai a, chumi a thlen theihna tur chuan kum bithliah chin ram hruaitu thlang thei tur ruahman a ni a, mipuite a tam thei ang berin vote an thlak theihnan theihtawp kan chhuah a, hemi kawnga inelna kan siam min hlut sak avang hian District tina DEO leh an thawhpuite, BLO zawng zawngte, MPF, NGO, Media te leh Election Department official zawng zawngte chungah lawmthu ka sawi a ni a ti a. Inthlanpui a la kal mek avang hian India ram puma vote tlak dan a la hriat theih chiah lo chungin Mizoram bikah chuan tun aia tha zawka vote a tlak that lehzual theihna atana ruahmanna thar siam dan tur te pawh ngaihtuah thar tur tam tak a awm tih sawiin, a bik takin electoral roll dik leh felfai tak kan neih theih nan BLO te leh Election official ten grassroot level-ah tan kan lak thar a pawimawh a ni a ti a. Inthlan felfai leh thianghlim, buaina lian tham awm lova kan neih theih avangin Inthlan nuaipuitute leh mipuite chungah lawmthu a sawi bawk a ni.

Vawiin programme hi Pu James Lalnunmawia, Jt. CEO, Mizoram in a kaihruai a, Pu Henry C. Lalrawnkima, Dy. CEO, Mizoramin competition buatsaih a nih dan leh a kalphung a sawifiah a, Pu Andrew H. Lalremruata, Media Officer-in result puanna hun a hmang a ni.