Vawiin khan DRDA ConferenceHall Mamit-ahDistrictLevel Vigilance & Monitoring Committee chu Pu C.L Ruala MP Lok Sabha Chairman, kaihhruaina-in neih a ni a. He Committe-ahhian Pu Lalhmingliana MP(Rajya Sabha), Co- Chairman pawh he hunah hian a tel bawk.
He Meeting hian kum kal 2010-2011 chhunga RD Department hnuaia sumhmanna te a tha tawk em tih leh siamthat ngai a awm em tih an thlirho va, a tlangpui thu-in sum hmanna hi tha a ti hle a ni.
He Committe hian MGNREGS, IAY,SGSY, DRDA, ADMINISTRATION, PMGSY, BADP, IWMP, TSC leh Ministry of RD, Government of India hnuaia Scheme hrang hrangte an thlir ho a ni.
Pu C. Lalpeksanga PD, DRDA in report pe-in kum kalta chhung khan MGNREGS hnuaiah chhungkaw 17323 tan ni 100 inhlawhna pek a ni a. BNRGSK Building 51 sak a ni a. Khawtinah Vantlang tana rotling siamsak vek an ni bawk.IAY tanpuina hmangin in thar 329 leh hmeithai in 266 te thuamthat a ni a. SGS Y hnuaia Self Help Group 76 leh mimal 31 tanpuina pek an ni a. IWDP leh IWMP hmangin huan lo ram cheibawl thei lo mi engemawzat cheibawl a enkawlsak anni bawk.
Kum 2011-2012 chhungin MGNREGS ah Rs 891.38 lakh hmuh a ni a. Chhungkaw 17789 te ni 24 inhlawhna pek mek an ni a. BNRGSK Building khaw 5 ah sak mai theih tura sanctioned a ni tawh bawk, IAY tanpuina hmangin inthar 108 sak mek a ni a. Inhlui 88 thuamthat mek a ni bawk.PMGSY hmangin thingtlang chengker te kawngpui tha in a pawh ngei theih nan hmalak a ni a Henghmalakna te hi Committee chuan tha a tiin lungawithlak a ti hle a ni.
Kum2011-2012 chhung hi chuan Land Development leh Afforestation mai bakah mimal, abik takin BPL/ IAY tanpuina dawng chhungkua te tana chhenfakawm zawnga hmalak dan ngaihtuah ni se committee chuan a ti a MGNREGS hnuaia permissible works dang te ngaih pawimawh ni se tih a ni bawk. Mirethei khaichhuak thei zawnga hmalak ho ni se committee chuan a duh a State sorkar programme NLUP te nena inhne remtaka a hma lak ho ni se committee chuan ti bawk.
Mizoramin a tum ve tur state share a hun taka a released lo thin hi pawi a tiin, Committee chuan Mizoram sorkar hnena thlen ngei nise a ti a A hun taka sum hmuh a nih loh avang hian Central tanpuina thlengin a nghawng a. Hei hian hna kallai a tikhaihlak hle niin committee chuan ahria a, thuneituten a hun taka sum pekchhuah a nih theih nan tan la se an duhthu tarlan a ni bawk.
He Meeting-ah hian Pu Rodney L. Ralte IAS, Deputy Commissioner, Mamit, Member Secretary, DLV&MC, Mamit District bakah Committee members te an tel tha hle a ni.
